авто

Переключатель языков

Құрметті музей қонақтары! Қазақстан Республикасының Мемлекеттік Орталық музейі 2019 жылдың 22 шілдесінде басталатын ағымдағы жөндеу жұмыстарының жүргізілуіне байланысты 3- экспозициялық залдың («Диаспоралар мәдениеті» және «Ұлы Отан соғысы жылдарындағы Қазақстан») және 1- зал ("Археология және палеонтология") уақытша жабылуы жайлы хабардар етеді.

Құрметті музей қонақтары! Мерекелік күндердегі музейдің жұмыс істеу тәртібі: 6, 7 шілде -қалыпты кесте, 8, 9 шілде – демалыс.

Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net

17.10.2019 ж. Суретші, мүсінші Бақытжан Әбішевтің «Дала үні» атты мемориалдық көрмесі

Қазақстан Республикасы Мемлекеттік орталық музейі Алматы қаласы әкімдігінің қолдауымен 2019 жылдың 17 қазан күні сағат 15.00-де Қазақстанның атақты суретшісі, мүсінші Бақытжан Әбішевтің «Дала үні» атты мемориалдық көрмесін ашады.

Бақытжан Әбішев Ақтөбе қаласында дүниеге келген, ол Н.В. Гоголь атындағы Алматы көркем-сурет училищесін, Суриков атындағы  Мәскеу Мемлекеттік көркемсурет институтын бітірген. Еңбек жолын алғашында бітірген училищесінде, кейін Т. Жүргенов атындағы Алматы көркемсурет институтында оқытушы болып бастады.

Бақытжан Әбішевтің «Дала үні» атты мемориалдық көрмесіҚазақстан Республикасының еңбек сіңірген қайраткері, белгілі мүсінші Бақытжан Әбішевтің шығармашылығы мәдени қоғам мен көрермендердің көпшілігіне жақсы таныс. Қазақ халқы тарихын, оның көрнекті қайраткерлерінің тақырыбы мүсіншіге аса жақын болды. Ол тарихи тұлғалар мен ұлттық батырлардың бейнелерін қалпына келтіруге үлкен үлес қосты.

Б. Әбішевтің орнықты мүсіндік тақырыптары мен сюжеттері қазақ тарихы мен халық өмірі және салт-дәстүрлерімен тығыз байланысты. Автор өз шығармаларын жасаудағы әртүрлі композициялық және көркем пластикалық мәнерлі құралдар мен әдістерді пайдаланған («Анасының портреті» жылулыққа және шынайы махаббатқа толы, «Күйші» кеңдігі мен пластикалық қуаты, «Ұран» халқының ерлігіне құмарлықпен шақыру, «Құлагер» мейірімділігінің және зұлымдықтың өшпес қарсы тұру идеясы, «Ұмай», «Томирис», «Беташар», «Бүркітші», «Батыр» қазақ батырларының күші мен ептілігі).

Б.Әбішев 1970 жылдан бастап студенттік, республикалық, бүкілодақтық және халықаралық көрмелердің тұрақты қатысушысы, сондай-ақ көптеген байқаулардың лауреаты, көрнекті монументалдық жұмыстардың авторы. Бақытжан Әбішев – қазақ халқының батырларына арнап қойылған көптеген ғажайып ескерткіштердің авторы. Алматы қаласында Жамбыл және Тоқаш Бокинге, Жаңа-Қорғанда Ұлы Отан соғысы құрбандарына, Ақтөбе қаласында Әлия Молдағұловаға, Бұхар Жырау, М. Көпеев, Баянауылда С.Торайғыровқа, Қарағанды қаласында жазушы С. Сейфуллинге қойылған ескерткіштер, сонымен қатар Алматы қаласындағы Әль-Фараби, Махамбет, Күләш Байсейтова, жазушы А. Шарипов, Нұр-Сұлтан қаласында Ата Түрік, Жаяу Мұса тұрпаттырының авторы. Станок жанрының шеберінің көптеген жұмыстары қазақстандық және шетелдік музейлерде «Олимпиадашы» атты өзгеше еңбегі Швейцарияның Лозанна қаласындағы Олимпиадалық комитеттің штаб – пәтерінде тұрған, Германияның жеке коллекциясындағы «Күйші», Мәскеу қаласындағы «Томирис». Әсіресе 1836-1837 жылдардағы көтеріліс басшылары Махамбет Өтемісұлы мен Исатай Таймановтың монументальдық комплексіне сіңірген еңбегі өлшеусіз.

Бақытжан Әбішевтің соңғы жылдары жасаған ірі туындысы - 2003 жылы Атырау қаласында ЮНЕСКО шеңберінде аталып өткен Махамбеттің 200 жылдығына арналған «Исатай мен Махамбет» монументалды кешені.

Б. Әбішев - ҚР Суретшілер Одағының мүшесі, ҚР Ленин комсомолы сыйлығының және халықаралық сыйлықтың лауреаты. Оған Қазақстанның мәдениеті мен бейнелеу өнерін дамыту ісіне қосқан зор үлесі үшін "ҚР Мемлекеттік сыйлығы", "ҚР Президентінің Бейбітшілік және рухани келісім сыйлығы"берілген.

Мүсіншінің шығармалары тас пен қола дәуірінің ой-сезімін шығармашылық жасампаздықтың ұлы екпінінде біріктіре отырып, мәңгілікке шақырады. Тамаша шебердің қолымен жасалған монументалды жұмыстар біздің еліміз үшін маңызды ескерткіштер және ұлттық тарихи-көркем мұраның бір бөлігі болып табылады.

Көрме 2019 жылдың 30 қазанына дейін жалғасады.

14.10.2019 ж. «Күрес және қайғы. Екінші Дүниежүзілік соғыс кезінде поляк азаматтары» атты көрмесі.

2019 ж. 14 қазан күні сағат 15.00-де Қазақстан Республикасының Мемлекеттік орталық музейінде Польша Республикасының Алматы қаласындағы Бас консулдығымен көпжылдық ынтымақтастық аясында Екінші Дүниежүзілік «Күрес және қайғы. Екінші Дүниежүзілік соғыс кезінде поляк азаматтары»соғысының 80 жылдығына орай «Күрес және қайғы. Екінші Дүниежүзілік соғыс кезінде поляк азаматтары» атты көрмесі ашылады.

Екінші Дүниежүзілік соғыс адамзат тарихындағы ең ірі қарулы қақтығыс болып саналады. Оған жер шарының 80%-ын құрайтын 73 мемлекеттің 62 мемлекеті тартылды. Жауынгерлік іс-қимылдар Еуропа, Азия, Африка аумағында және барлық мұхит суларында жүргізілді. Бұл ядролық қару қолданылған жалғыз қақтығыс. Бұл eң қорқынышты соғыс 6 жылға созылды. Концентрациялық лагерьлерде қаза тапқандардың жалпы саны 60 млн. адамнан асады.        

Екінші Дүниежүзілік соғыс 1939 жылдың қыркүйек айының 1 жұлдызы таңертең үшінші Польшаға Рейхтың шабуылынан басталды.  

«Күрес және қайғы. Екінші дүниежүзілік соғыс кезінде поляк азаматтары» екінші дүниежүзілік соғыстың белгілі бір тарихи оқиғаларына Польша тарихшыларының көзқарасы болып табылады және поляк халқының тоталитарлық жүйелермен күресі туралы айтады. Көрменің құрылымы сақталған хронология мен драматургиямен соғыс уақытының көптеген аспектілерімен танысуға мүмкіндік береді.

Көрме Польша Республикасының Сыртқы Істер министрлігі Гданьск қаласындағы екінші дүниежүзілік соғыс музейімен бірлесіп жүзеге асырған халықаралық жоба болып табылады және әлемнің 62 елінде ұсынылатын болады.  

Көрме 2019 жылдың 27 қазанына дейін жалғасады.

27.09.2019 ж. «Жібек жолына арналған көркемсурет туындыларының эстетикасы – ежелгі Чаньанның кескіндеме әлемінің квинтэссенциясы» атты көрме.

Қазақстан Республикасы мемлекеттік орталық музейі ҚХР Тан әулетінің ежелгі Батыс нарығының Сиань музейімен көпжылдық ынтымақтастық аясында «Тан Саньчао» майлы кескіндеме музейінің және Сианьның ежелгі астанасының кескіндеме және каллиграфия институтының қолдауымен 27 қыркүйек күні сағат 15.00-де «Жібек жолына арналған көркемсурет туындыларының эстетикасы – ежелгі Чаньанның кескіндеме әлемінің квинтэссенциясы» атты көрме ашады.

«Жібек жолына арналған көркемсурет туындыларының эстетикасы – ежелгі Чаньанның кескіндеме әлемінің квинтэссенциясы»Ұлы Жібек жолы шеңберінде Қытай Халық Республикасы мен Қазақстан Республикасының мәдениет және өнер саласындағы ынтымақтастық қарым-қатынасын жалғастырып, музей ісі саласындағы достық байланыстарды нығайта отырып, осы екі ел музейлерінің жобасы іске асырылуда.

Көрме «Аспан асты елінің» бейнелеу өнерімен таныстырады, аталмыш көрмеге Қытайдың Сиань қаласындағы танымал Тан Саньчао, Цуй Цзымо, У Чэнбинь және Чжоу Цисян суретшілердің 60-тан астам шығармалары ұсынылады. Көрме экспозициясы екі негізігі бөлімнен тұрады: бірегей майлы кескіндеме және дәстүрлі қытайлық «гохуа» кескіндемесі.

Көрменің бірінші бөлімі атақты қытай суретшісі Тан Саньчао шығармашылығына арналған, ол майлы кескіндеме техникасында орындалған 40 жұмысын көпшілік назарына ұсынады. Майлы кескіндеме стилінде шығармаларды жасау үшін бояғыштармен араласқан тез кебетін өсімдік майы (зығыр, көкнәр және жаңғақ) негізінде бояу қолданылады, бұл қанық және бай түстер, сонымен қатар көлем беру үшін мүмкіндік береді. 2018 жылы Тан Саньчао «Қытайдағы реформалар мен ашықтық саясатының басталуының 40 жылдығына орай мәдениет пен өнерге елеулі үлес қосқаны үшін» және «Батыстың 10 ұлы қайраткерлері (Жібек жолы)» жоғарғы марапатқа ие болды.

Көрменің екінші бөлімі «гохуа» дәстүрлі қытай кескіндемесіне арналған. Бұл стильдегі шығармалар қылқаламмен жасалады, оның көмегімен су, тушь, түрлі-түсті бояу жұқа жібекке немесе қағазға жағылады. «Гохуа» өзінің мазмұны мен көркемдік құндылығы тұрғысынан «Аспан мен адам бірлігінің» философиялық тұжырымдамасын көрсетеді.

Бұл бөлімде үш көрнекті каллиграфия және кескіндеме шеберлерінің жұмыстары ұсынылған:

Суретші Цуй Цзымо - ғылымға бағытталған заманауи өнер қайраткері, оның шығармаларының спектрі каллиграфия, гохуа, чжуань стиліндегі мөрлерді нақыштауды, фарфордан жасалған бұйымдарды, мүсінді, инсталляцияны, карикатураны, фотосуретті, сондай-ақ әңгіме, поэзия, проза, очерктерді және басқа да өнер салаларын қамтиды. 2012 жылы Цуй Цзымо БҰҰ-ның халықаралық білім, ғылым және фольклор өнері қауымдастығынан мәдениет және өнер саласындағы ерекше жетістіктері үшін марапатқа ие болды.

У Чэнбинь – Сиань қаласындағы Қытай кескіндеме академиясының штатты суретшісі. Сиань әдебиет, тарих және өнер академиясының «Шаньшуй» (таулар мен өзендер) шығармашылық зертханасының меңгерушісі. У Чэнбиньнің суреттерінің басым бөлігі «Таулар мен өзендер» стиліндегі шығармаларды құрайды. Оның суреттері тамаша мазмұнға толы және айқын әсері бар, сезімдік және көрнекі қабылдау тізбегін, табиғи ландшафтың сұлулығын құру.

Чжоу Цисян – Шығыс пен батыс мәдениеті әлеміне танымал адам, Қытай мүсіншілер академиясының мүшесі, оның қосымша мамандығы «гохуа» болып табылады. Суретшінің шығармалары негізінен «таулар мен өзендер», «адамдар мен заттар» стилімен ұсынылған, ол табиғат сұлулығы мен Цзинань ауылының сюжеттерін көрсетеді.

Көркем туындылар келушілерге табиғаттың сиқыры мен сұлулығын, Қытай кескіндемесінің көркем әсемдігін көріп, оларды жасаушылардың көңіл-күйі мен өнеріге деген ұмтылысын тамашалауға мүмкіндік береді. Көрме аясында Қытай суретшілерімен кездесу өтеді, олар көркем шығармаларды жасау тәжірибесімен бөліседі.

«Жібек жолына арналған көркемсурет туындыларының эстетикасы – ежелгі Чаньанның кескіндеме әлемінің квинтэссенциясы» «Жібек жолына арналған көркемсурет туындыларының эстетикасы – ежелгі Чаньанның кескіндеме әлемінің квинтэссенциясы»
«Жібек жолына арналған көркемсурет туындыларының эстетикасы – ежелгі Чаньанның кескіндеме әлемінің квинтэссенциясы» «Жібек жолына арналған көркемсурет туындыларының эстетикасы – ежелгі Чаньанның кескіндеме әлемінің квинтэссенциясы»
«Жібек жолына арналған көркемсурет туындыларының эстетикасы – ежелгі Чаньанның кескіндеме әлемінің квинтэссенциясы» «Жібек жолына арналған көркемсурет туындыларының эстетикасы – ежелгі Чаньанның кескіндеме әлемінің квинтэссенциясы»

Көрме 2019 жылдың 9 қазанына дейін жалғасады. 

02.10.2019 ж. «Менің махаббатым: қуыршақтар, гүлдер және мейірімді, мейірімді ертегілер» атты жеке көрмесі

Қазақстан Республикасы Мемлекеттік орталық музейінде 2019 жылдың 2 қазан күні сағат 15.00-де суретші Гүлфарида Жәниярованың «Менің махаббатым: қуыршақтар, гүлдер және мейірімді, мейірімді ертегілер» атты жеке көрмесі ашылады.

Көрме кескіндемеші, суретші-иллюстратор, дизайнер, қуыршақтар жасау шебері және костюмдер бойынша суретші – Гүлфариданың көп қырлы шығармашылығымен таныстырады. Түрлі техниканы, әдіс-тәсілдерді және материалдарды пайдалана отырып автор қуыршақтардың әртүрлі бірегей бейнелерін, сондай-ақ гүлдер мен бояулардың көптігімен ерекшеленетін көркем суреттерді жасайды, олардың арасында натюрморттар, пейзаждар, портреттер, гүл композициялары және т. б. Әрбір қуыршақ - өнер туындысы, жеке жоба, өз стилі, тарихы мен ертегісі бар.

«Менің махаббатым: қуыршақтар, гүлдер және мейірімді, мейірімді ертегілер» атты жеке көрмесіГ. Жәниярова Алматы көркемсурет училищесінің (кескіндеме факультетін) бітірді. 1971 жылдан бастап ХVШ-ХІХ ғасырлардағы костюмдердің тарихын зерттеумен айналысып, костюм бойынша суретші болуды армандады, ал 1994 жылдан бастап концерттік костюмдерге үлкен көңіл бөле отырып, жеке тапсырыстармен жұмыс істей бастады. Гүльфарида Қазақстанның астанасы Астана қаласының (қазіргі Нұр-Сұлтан қаласы) тұсаукесеріне арналған костюмдер, «Әнші балапан» республикалық балалар музыкалық байқауының кішкентай орындаушыларына арналған костюмдер жасаған, Қазақстан эстрадасының жұлдыздары – Е. Шәкеев, Р. Стамғазиев, Қ. Әбділдина, А. Исатаева, ҚР Еңбек сіңірген әртісі Б. Сәмединова мен М. Ілиясовалардың және т.б. костюмдерін дайындады. Жамбылдың 150 жылдық мерейтойына белсенді қатысты.          

Шығармашылық бағдарларды таңдауда театрлармен жұмыс жасау және ынтымақтастық қарым-қатынас маңызды рөл атқарды. Суретші Қазақ Мемлекеттік академиялық драма театрында М. Әуезовтың «Абылай ханның соңғы күндері» спектаклі үшін қазақтың көшпелі ақсүйектерінің бұрынғы киімдеріне сәйкес келетін Хан костюмінің эскиздерін дұрыс орындады.

Г. Жәниярованың шығармашылығында жарқын көркем мәнерлілікпен орындалған, таңғажайып табиғаттың әртүрлілігін көрсететін «Бөртегүл», «Таушымылдық», «Сәлдегүлдер», «Иристер», «Үш түсті шегіргүлдер», «Аққанат пейзажы» «Кеш», «Қысқы пейзаж» картиналары бар көркем шығармалардың топтамасы маңызды орын алады.

Көрменің көркемдік негізі қазіргі уақытта 200 данадан астам авторлық қуыршақтар жиынтығы болып табылады.

Бұл қазақтың ұлттық киімдеріндегі үлкен интьерерлік қуыршақтар - қазақ халық ертегілерінің кейіпкерлері, мифтердің кейіпкерлері, әлемнің түрлі халықтарының сәнді киімдеріндегі сұлулықтар («Сұлу моңғол әйелі»,«Бүркітші», «Испан қуыршақтары», «Гейша»), қиял қуыршақтары («Шахмет ханшайымы»,«Вишенка»)сондай-ақ тарихи тұлғалардың «Конфуций», «Махмұд Қашқари» қуыршақ-портреттері. Г. Жәниярова өзінің қуыршақтарын бір данада ғана жасайды, эскиздер дайындаудан және үлгілеуден бастап костюм тігуге дейін барлық жұмыстарды өз қолымен орындайды, әрлеуге арналған түрлі материалдарды - қымбат маталар, табиғи тері, шаштар, алтын жіптер, жартылай бағалы тастар және т. б. пайдалана отырып жасайды.

Г. Жәниярова бірінші болып қазақстандық суретшілер арасындағы қуыршақтар авторларының халықаралық бірлестігінің мүшесі болды («Қазақстан қуыршақтары» авторлық жобасы). Сондай-ақ Халықаралық қуыршақтар көрмелеріне де белсене қатысты (Мәскеу қ., РФ).

Көрменің негізгі мақсаты – автордың көпжылдық еңбегінің жетістіктері мен нәтижелерін көрсету ғана емес, сонымен қатар қуыршақтар жасау шеберлігі, қуыршақтар өнерін ілгерілету арқылы отбасылық дәстүрлер мен құндылықтарды қолдау.

Музей суретшілер, қуыршақшылар, дизайнерлер, шеберлер, теддистерді, фотографтар, коллекционерлер, қуыршақтар жасау өнеріне немқұрайлы қарамайтын барлық азаматтарды шақырады.

Көрмеге қуыршақ шеберлігінің кейіпкері 100-ден астам өнер туындысын ұсынады.

«Менің махаббатым: қуыршақтар, гүлдер және мейірімді, мейірімді ертегілер» «Менің махаббатым: қуыршақтар, гүлдер және мейірімді, мейірімді ертегілер»
«Менің махаббатым: қуыршақтар, гүлдер және мейірімді, мейірімді ертегілер» «Менің махаббатым: қуыршақтар, гүлдер және мейірімді, мейірімді ертегілер»
«Менің махаббатым: қуыршақтар, гүлдер және мейірімді, мейірімді ертегілер» «Менің махаббатым: қуыршақтар, гүлдер және мейірімді, мейірімді ертегілер»

Көрме 2019 жылдың 30 қазанына дейін жалғасады.

17.09.2019 ж. Чехияның Ұлттық музейінде ашылған «Ұлы даланың тарихи-мәдени келбеті» атты халықаралық көрме

Қазақстан Республикасы Мемлекеттік орталық музей (ҚР МОМ) жұмысының негізгі бағыттарының бірі шет мемлекеттерде қазақтардың тарихы мен мәдениетін таныстыратын музей қорындағы коллекциялар негізінде көрмелер ұйымдастыру болып табылады. Орталық музей әлемдегі жетекші музейлер және ғылыми мекемелермен бірлесе отырып көптеген ортақ жобаларды жүзеге асыруда сондай-ақ, АҚШ, Италия, Германия, Жапония, Корея, Франция елдерінде көрмелер ұйымдастырды. 2018-2019 жылдары ҚР Мемлекеттік орталық музейі Қытай (Сиань қ.) және Түркия (Стамбул қ.), Мажарстан (Сазхаломатта қ.) және Чехия (Прага қ.) елдерінде көрмелер өткізді. Музей жұмысының аталмыш бағыттары шетелге Қазақстанның тарихы мен мәдениетін дәріптеудің жолы болып табылады.  

Халықарылық ынтымақтастық шеңберінде, Қазақстан Республикасы мен Чехия Республикасы арасындағы мәдени байланыстарды нығайту мақсатында, 2019 жылдың 17 қыркүйек күні Чехияның Ұлттық музейінде (Прага қ.) Қазақстан Республикасы Мемлекеттік орталық музей қор коллекциясының «Ұлы даланың тарихи-мәдени келбеті» атты көрме ашылды.

Көрмені ҚР Мемлекеттік орталық музей директоры Нұрсан Әлімбай, Чехия Ұлттық музейінің директоры Михал Лукеш, Чехия Республикасының Мәдениет министрінің орынбасары Иржи Взиентек, Қазақстанның Чехиядағы және Словакиядағы Елшісі Сержан Әбдікәрімов ашты.

Көрме аясынды Орталық музей директоры, профессор Нұрсан Әлімбайдың бастамасымен «Орталық Азия көшпелілерінің мәдени кеңістігіндегі адам, социум, жер» атты ғылыми конференция өтті. Конференцияға Лондон университеті (Ұлыбритания) Шығыс және Африка елдерін зерттеу Мектебінің профессоры Николас Симс-Уильямс, де Франце Колледжінің профессоры Франц Гренэ (Франция), Алтай Мемлекеттік университетінің профессоры Алексей Алексеевич Тишкин (Ресей), Пиза қ. Университетінің профессоры, доктор Пьер Джорджио Борбоне (Италия), Оңтүстік Қазақстан мемлекеттік педагогикалық университетінің профессоры Александр Николаевич Подушкин сынды көптеген елдердің бірқатар ғалымдары, сонымен қатар музейдің ғылыми қызметкерлері қатысты.

Ұсынылған көрменің құрылымы «Ежелгі көшпелілер мәдениеті» және «Қазақтың дәстүрлі мәдениеті» атты өзара себеп-салдарлық байланыстағы екі бөлімнен тұрды. 

Бірінші бөлімде көшпелі өркениетті қалыптастырған сақ, үйсін және қаңлылардың жоғары даму деңгейіне жеткен бай мәдениетін көрсететін мәдени құндылықтар қойылып, таныстырылды. Олардың барлығы қола немесе алтыннан жасалған. Аталмыш бөлімде жазбалары («күлтөбе жазбасы» немесе «соғды жазбасы») сақталған қыш тақтайшалар ерекше орын алды.

«Қазақтың дәстүрлі мәдениеті» атты екінші бөлімге қазақ мәдениетінің бірегей символы болып саналатын - киіз үй орын алды. Бірегей архитектуралық үйлесім, ішкі жабдықтарының эстетикасы, пайдаланылатын заттардың қарапайымдылығы мен қолжетімділігі (киіз, ағаш, былғары және т.б.), жыл мезгіліне қарай қолайлығы, тез құрылып, қайта жиналуы киіз үйдің өмір сүруге өте қолайлы екендігін көрсетеді. Сонымен қатар дәстүрлі ортадағы киім-кешек үлгілері, зергерлік әшекей бұйымдар, кесте үлгілері мен тұрмыстық бұйымдар көрменің мазмұнын айшықтап, дәстүрлі қазақ мәдениетің өзіндік ерекшелігін көрсетіп, сан алуан тарихи-этнографиялық артефактілер арқылы қазақтың көшпелі тіршілік салтының интерактивті музейлік образын берді.

Көрменің басты мақсаты Қазақстанның ежелгі көшпелілерінің мәдениетінің сан қилы және бай екендігін көрсету, ғылым мен мәдениет саласында байланысты нығайту, музейдің насихаттаушылық ролін және географиялық қызмет аясын кеңейту. Аталмыш көрме экспозициясына 440 с.б. археологиялық артефакт қойылды.

«Историко-культурный облик Великой степи». Выставка в Праге. «Историко-культурный облик Великой степи».
«Историко-культурный облик Великой степи». «Историко-культурный облик Великой степи».
«Историко-культурный облик Великой степи». Конфренция. «Историко-культурный облик Великой степи». Конфренция.

Көрме Чехияның Ұлттық музейінде 2019 жылдың 19 қарашасына дейін жалғасады.

Сайт материалдарын пайдаланған жағдайда, музейге сілтеме көрсетілуі керек. // При использовании информации с сайта, просим указывать источник.
When using information from this site, please link to the source