авто

Переключатель языков

Құрметті музей қонақтары! Қазақстан Республикасының Мемлекеттік Орталық музейі 2019 жылдың 22 шілдесінде басталатын ағымдағы жөндеу жұмыстарының жүргізілуіне байланысты 3- экспозициялық залдың («Диаспоралар мәдениеті» және «Ұлы Отан соғысы жылдарындағы Қазақстан») және 1- зал ("Археология және палеонтология") уақытша жабылуы жайлы хабардар етеді.

Құрметті музей қонақтары! Мерекелік күндердегі музейдің жұмыс істеу тәртібі: 6, 7 шілде -қалыпты кесте, 8, 9 шілде – демалыс.

Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net

03.11.2019 ж. «Алматы қаласындағы Жапон мәдениеті күні»

Қазақстан Республикасының Мемлекеттік орталық музейі 2019 жылдың 3 қараша күні сағат 14.00-ден 18.00-ге дейін Қазақстан Республикасындағы Жапония Елшілігімен, "Нархоз" Университеті жанындағы Адам ресурстарын дамыту Қазақстан-жапон орталығымен, Japan Foundation, Қазақстан-Жапон Жібек жолы қауымдастығының қолдауымен Қазақстандағы жапондықтар Ассоциациясымен бірлесіп «Жапон мәдениеті күні» фестивалін өткізеді.

«Алматы қаласындағы Жапон мәдениеті күні»«Жапон мәдениеті күні» фестивалінің мақсаты Қазақстан мен Жапония арасындағы мәдени байланысты дамыту және нығайту, сондай-ақ Алматылықтар мен қала қонақтарын Күншығыс елінің салт-дәстүрімен, заманауи инновациялық және интелектуалдық жетістіктерімен таныстыру болып табылады.

Іс-шараға келушілер жапон өнерінің түрлері бойынша қызықты шеберлік сабақтарға қатысуға, танымал жапон тағамдарын дәмін көруге мүмкіндік алады, сонымен қатар "тайко" жапон барабандарының ырғақты соқылары арқылы жапон мәдениетінің ғажайып және өзіндік әлеміне енеді. Мұндай мүмкіндікті ҚР Мемлекеттік орталық музейінде 14 жыл бойы өткізіп келе жатқан жапон мәдениетінің фестивалі береді.

Қалыптасқан дәстүр бойынша мереке кезінде музейде шай салтанатының құпиялары, каллиграфия өнері, икебана, оригами, фурошика, үстел үсті логикалық ойындары (сеги, го, маджонг), қолөнер, жапон мәдениетінің тұрмысы мен сәндік-қолданбалы өнері көрсетіледі.

Осы жылғы фестивальдың ерекшелігі - Алматы қаласында жұмыс істейтін жапон қызметкерлерінің жұбайлары өткізетін балаларға арналған дәстүрлі жапон ойындары. Бір топ еріктілер Токиодағы ХХХІІ Жазғы Олимпиада ойындарындағы "Горин Ондо"биін орындайды.

Алматылықтардың көңілдерін шыққан "Ооэдодайко" барабаншылар тобы мерекелік көңіл-күй сыйлайды. Фестивальда жапон тілінің түрлі курстары, бизнес-курстар, Жапонияға турлар, жазғы балалар лагері және т. б. туралы ақпараттар кеңінен ұсынылады.  

Сондай-ақ іс-шарадан Жапониядан келген шебер Куцузава Кейконың сәндік-қолданбалы өнер түрі Когин (kogin) кестесінен жасалған бұйымдарды көруге болады.

Іс-шараны Жапонияның Қазақстан Республикасындағы Төтенше және Өкілетті Елшісі Тацухико КАСАИ салтанатты ашады.

25.10.2019 ж. Суретші-педагог Жұмаділхан Керімбектің «Ауыл – ел бесігі» атты жеке шығармашылық көрмесі.

Қазақстан Республикасы Мемлекеттік Орталық музейінде суретші, ұстаз Жұмаділхан Керімбектің 60-жылдық және Қазақ Ұлттық аграрлық университетінің 90-жылдық мерейтойына арналған «Ауыл – ел бесігі» атты жеке шығармашылық көрмесі ашылды.

Көрменің ашылу салтанатында директордың орынбасары Ғалия Теміртон, Академик Пралиев С.Ж., өнеріне жанашыр болып демеу көрсетіп жүрген суретшінің ағасы Керімбек Шатырхан Сарыбайұлы, Қазақ Ұлттық аграрлық университетінің атынан профессор, техника ғылымдарының докторы, кәсіподақ ұйымының төрағасы Омарбекұлы Тіріболсын және көрменің авторы Жұмаділхан Керімбек сөз сөйледі. Сөз сөйлеушілер суретші Жұмаділхан Керімбек 1959 жылы Оңтүстік Қазақстан облысы Сайрам ауданы Бірлік ауылында дүниеге келгенін атап өтті. Ж.Керімбек 1986 жылы Алматы қаласындағы Қазақ ауылшаруашылық институтының агрономия факультетін бітірген. Түркияда биология саласы бойынша докторлық диссертация қорғады (1998). Қазіргі уақытта ол Қазақ Ұлттық аграрлық университетінде аға оқытушы болып қызмет атқарады.

Жұмаділханның көркем туындылары бұған дейін де бірнеше рет Орталық музей қабырғасында көрсетілді. Бұл жолы алматылықтар назарына суретшінің туған ауылына арналған еңбектерінің жаңа топтамасы ұсынылды. Ж. Керімбектің туған өлкесіне, еліне деген сүйіспеншілік сезіміне толы өнер туындылары қазақ этносының мәдениеті, салт- дәстүрі, әдет-ғұрпымен таныстырды. Суретшінің «Қара жорға», «Күннің батуы», «Алматы (Көктөбеден қарағандағы көрініс)», «Сәкіде», «Жазғы күн» сынды еңбектерінде ауыл тұрғындарының күнделікті тұрмыс-тіршілігі, ауыл табиғатының сұлулығы, сәйгүліктер шабысы, ұлттық мереке сәттері – бізге жақын да түсінікті, шынайы жағдаяттар бейнеленген. Оның «Таулар», «Машат 1 асуы», «Тау өзені», «Туған өлке», «Бұлақ басында» және т.б. шығармалары ен дала, тау қырқасы – туған өлкенің бай да әсем табиғатына деген сүйіспеншілігін аңғартады. «Күз», «Наурыздағы қар», «Жазғы кеш» сынды туындылары суретшінің жыл мезгілдері пейзажын бейнелеудегі шеберлігін көрсетеді. Оның пейзаждары бала кезінен жадында қалған қымбат дүниелер.  Оның дала, тау ландшафтна деген сүйіспеншілігі балалық шақтағы естеліктерден бастау алады. Суретшіге ауыл өмірі жақсы таныс, ол өзі өмір сүрген ортасын бейнелейді, шығармаларының шынайлығы да осыдан.

Жұмаділханның кескіндеме жанрындағы «Вальс», «Жігіттер биі», «Немере», «Сәкіде», «Музыка», «Қойлар»,  «Аңшылыққа» сияқты табиғатына жақын жұмыстарында өзі өскен ортадағы күнделікті тіршілік желісі – қымыз құйып отырған немесе отбасы-ошақ қасындағы әйелдер, жұмыстан кейін сәкіге жайғасқан жанұя мүшелері, мереке сәтінде билеп жүрген жастар бейнеленген. Түрлі материалдармен тәжірибе жасауға құштар суретші акрилді бояу, гуаш, тушь, майлы бояуды пайдалана отырып қозғалысқа, жарыққа толы ұмтылыс, жарқындық, бірегейлікті танытатын күрделі жанрлық композицияларды ұсынады. Оның түрік елінің көріністері топтамасындағы   ақ-қара түстерді ұтымды үйлестіре орындалған «Түркия жайлы естеліктер», «Селжүктердің Коня қаласы» сияқты мазмұндылығы, айшықтылығы және ұғымдылығымен екшеленетін графикалық жұмыстары да қызғылықты.

Үнемі шығармашылық ізденіс үстіндегі Жұмаділхан Керімбек Қазақ Ұлттық аграрлық  университетіндегі оқытушылық қызметімен шектелген емес, ол ғылыми еңбектермен қатар өлең жазумен әуестенді, педагогика саласы бойынша бірнеше ғылыми жарияланымдар, оқу-әдістемелік құралдардың авторы.

Экспозицияда суретшінің 90-нан астам аса тартымды жұмыстар, өзіндік ерекшеліктерімен бейнеленген туған жерге деген сүйіспеншілікке толы шығармалары ұсынылған.

Cуретші-педагог Жұмаділхан Керімбектің «Ауыл – ел бесігі» атты жеке шығармашылық көрмесі Cуретші-педагог Жұмаділхан Керімбектің «Ауыл – ел бесігі» атты жеке шығармашылық көрмесі
Cуретші-педагог Жұмаділхан Керімбектің «Ауыл – ел бесігі» атты жеке шығармашылық көрмесі Cуретші-педагог Жұмаділхан Керімбектің «Ауыл – ел бесігі» атты жеке шығармашылық көрмесі

Көрме 2019 жылдың 6- қарашасына дейін жалғасады.

 

14.10.2019 ж. «Күрес және қайғы. Екінші Дүниежүзілік соғыс кезінде поляк азаматтары» атты көрмесі.

2019 ж. 14 қазан күні сағат 15.00-де Қазақстан Республикасының Мемлекеттік орталық музейінде Польша Республикасының Алматы қаласындағы Бас консулдығымен көпжылдық ынтымақтастық аясында Екінші Дүниежүзілік «Күрес және қайғы. Екінші Дүниежүзілік соғыс кезінде поляк азаматтары»соғысының 80 жылдығына орай «Күрес және қайғы. Екінші Дүниежүзілік соғыс кезінде поляк азаматтары» атты көрмесі ашылады.

Екінші Дүниежүзілік соғыс адамзат тарихындағы ең ірі қарулы қақтығыс болып саналады. Оған жер шарының 80%-ын құрайтын 73 мемлекеттің 62 мемлекеті тартылды. Жауынгерлік іс-қимылдар Еуропа, Азия, Африка аумағында және барлық мұхит суларында жүргізілді. Бұл ядролық қару қолданылған жалғыз қақтығыс. Бұл eң қорқынышты соғыс 6 жылға созылды. Концентрациялық лагерьлерде қаза тапқандардың жалпы саны 60 млн. адамнан асады.        

Екінші Дүниежүзілік соғыс 1939 жылдың қыркүйек айының 1 жұлдызы таңертең үшінші Польшаға Рейхтың шабуылынан басталды.  

«Күрес және қайғы. Екінші дүниежүзілік соғыс кезінде поляк азаматтары» екінші дүниежүзілік соғыстың белгілі бір тарихи оқиғаларына Польша тарихшыларының көзқарасы болып табылады және поляк халқының тоталитарлық жүйелермен күресі туралы айтады. Көрменің құрылымы сақталған хронология мен драматургиямен соғыс уақытының көптеген аспектілерімен танысуға мүмкіндік береді.

Көрме Польша Республикасының Сыртқы Істер министрлігі Гданьск қаласындағы екінші дүниежүзілік соғыс музейімен бірлесіп жүзеге асырған халықаралық жоба болып табылады және әлемнің 62 елінде ұсынылатын болады.  

 

«Күрес және қайғы. Екінші Дүниежүзілік соғыс кезінде поляк азаматтары» атты көрмесі «Күрес және қайғы. Екінші Дүниежүзілік соғыс кезінде поляк азаматтары» атты көрмесі
«Күрес және қайғы. Екінші Дүниежүзілік соғыс кезінде поляк азаматтары» атты көрмесі «Күрес және қайғы. Екінші Дүниежүзілік соғыс кезінде поляк азаматтары» атты көрмесі

Көрме 2019 жылдың 27 қазанына дейін жалғасады.

23.10.2019 ж. «Қытай Халық Республикасының құрылғанына 70 жыл толуын мерекелеу» атты халықаралық фотокөрмесі

Қазақстан Республикасы Мемлекеттік орталық музейі Қытай Халық Республикасының Бас консулдығымен бірлесіп 2019 жылдың 23 қазанында сағат 16.00-де «Қытай Халық Республикасының құрылғанына 70 жыл толуын мерекелеу» атты халықаралық фотокөрмесін ашады.

«Қытай Халық Республикасының құрылғанына 70 жыл толуын мерекелеу» атты халықаралық фотокөрмесіҚытай Халық Республикасы бейбітшілік пен ынтымақтастық тұжырымдамасын ұстана отырып, Қазақстан Республикасымен жан-жақты қарым-қатынасты дамытады. Қазақстан Республикасының Мемлекеттік орталық музейі Қытай Халық Республикасының Бас консулдығымен көпжылдық ынтымақтастық аясында қытай тарихының, мәдениеті мен өнерінің әр түрлі аспектілеріне, бағдарламаларға, біздің елдеріміз арасындағы мәдени байланыстар мен достықты нығайтуға арналған көптеген бірлескен жобаларды іске асырды.

Бүгінгі әлем тарихи оқиғалар мен қазіргі қоғамның өмірін бейнелейтін көзі болып табылатын фотосуреттерсіз елестету қиын. Көрме экспозициясы соңғы 70 жыл ішінде Қытай Халық Республикасының тарихи дамуы мен әлеуметтік-экономикалық жағдайын көрсететін үш хронологиялық кезеңнің фототаспаны құрайды: Қытай халқы аяққа тұрды (1949-1978 жж.); реформалар мен ашықтықтың қолайлы кезеңі (1978-2012 жж.); дамудың жаңа дәуірінде батыл қозғалысы (2012 ж. бастап қазіргі уақытқа дейін ҚКП 18-ші съезінен кейін).

150 жарқын суреттерден тұратын фотокөрме 1949 жылдан бастап 2019 жылға дейін ҚХР — ның құрылысы мен дамуы, саясат, экономика, қоғам, мәдениет, экология, қалалар құрылысы және халықтың өмір сүру жағдайын жақсарту, коммуникациялар мен технологиялар, ғылым, білім беру, медицина, спорт, өнер және т.б. салалардағы қиындықтар мен жетістіктер туралы толық көлемде көрініс табады.

Көрменің салтанатты ашылу рәсіміне ҚХР –ның Алматы қаласындағы Бас консулы Гэн Липин ханым, Қазақстан Республикасы СІМ-нің Алматы қаласындағы өкілдігінің, дипломатиялық корпустың, мәдени және білім беру мекемелерінің және т. б. өкілдері қатысады.

«Қытай Халық Республикасының құрылғанына 70 жыл толуын мерекелеу» атты халықаралық фотокөрмесі «Қытай Халық Республикасының құрылғанына 70 жыл толуын мерекелеу» атты халықаралық фотокөрмесі
«Қытай Халық Республикасының құрылғанына 70 жыл толуын мерекелеу» атты халықаралық фотокөрмесі «Қытай Халық Республикасының құрылғанына 70 жыл толуын мерекелеу» атты халықаралық фотокөрмесі

Көрме 2019 жылдың 7 қарашасына дейін жалғасады.

11.10.2019 ж. Абай атындағы ҚазҰПУ профессор-оқытушы құрамының шығармашылық жұмыстарынан «Мерейтой палитрасы» атты көрмесі.

2019 жылдың 11 қазаны сағат 10.00-де Қазақстан Республикасы Мемлекеттік орталық музейі Абай атындағы Қазақ Ұлттық педагогикалық университетімен бірлесе отыра Халықаралық «Ұлы дала қыры: заманауи кезеңдегі шығармашылық тәжірибелер мен көркем білім беру» атты Арт – форум аясында Өнер, мәдениет және спорт институтының (КСФ) 50-жылдық мерейтойына арналған профессор-оқытушы құрамының шығармашылық жұмыстарынан «Мерейтой палитрасы» атты көрме ашады.

afisha-yubileinaya-palitra

Абай атындағы Қазақ ұлттық педагогикалық университетінің Өнер, мәдениет және спорт институты Көркемсурет-графика факультеті ретінде танылыа келіп, 50 жыл ішінде мәдениет, өнер салаларында жоғары білікті кадрларды дайындаған қара шаңырақ.  

Көркемсурет факультеттің тарихы сонау 1963 жылдан бастау алды. Оның алғашқы түлектері бүкіл республика бойынша көркемдік білім беру саласында бірқатар кафедралардың ашылуына өз үлестерін қосты, сондықтан Көркемсурет факультетін «Қара шаңырақ» деп атаса да орынды.

Көркемсурет кафедрасы өзінің түлектерімен мақтан етеді. Бүгінде олар белгілі мәдениет және өнер қайраткерлері, аты танымал суретшілер, графиктер, кескіндемешілер, мүсіншілер мен педагогтар. Атап айтқанда: Ерболат Төлепбай, Мұратбек Нұрлыбаев, Владимир Власюк, Шоқан Төлеш, Аркен Зульфикар, Вячеслав Люйко, Батима Заурбекова, Нелли Бубэ, Тоққожа Қожағұлов, Алексей Бегов және т.б.

Бүгінгі таңда, институтта профессорлар, ғылым докторлары мен кандидаттар, доценттер, Қазақстан Республикасының еңбегі сіңірген мәдениет қайраткерлері мен жаттықтырушылары, спорт шеберлері, Қазақстан Республикасы Суретшілер, Дизайнерлер одағының мүшелері және басқа да шығармашылық бірлестіктер өкілдері жұмыс жасап, Қазақстан және алыс шетелдерде студенттерімен, шәкіртттерімен көрмелер ұйымдастырып, концерттер мен фестивальдарда белсенділік танытып жүр.

«Мерейтойлық палитра» экспозициясы отандық көркемдік білімнің заманауи негізін қалаушы тұлғалардың шығармашылық әлеуетін, тынымсыз ізденістер мен көркемдік эксперименттер нәтижелерін, қазақстандық суретшілер мен педагогтардың тәжірибесі мен жетістіктерін көрсетуге арналған.

Шеберлердің әрқайсысының өзіне тән танымал және ерекше стилі бар. Сонымен бірге, барлық жұмыстар бір үлкен мерейтойлық палитрада ортақ мақсатқа біріктірілген - қазіргі Көркемсурет факультетінің барлық қырлары мен түстерін көрсетіп қана қоймай, өздерінің ойлары мен үміттерімен бөлісу.

выставка «Юбилейная палитра» выставка «Юбилейная палитра»
выставка «Юбилейная палитра» выставка «Юбилейная палитра»

Көрме 2019 жылдың 23 қазанына дейін жалғасады.

Сайт материалдарын пайдаланған жағдайда, музейге сілтеме көрсетілуі керек. // При использовании информации с сайта, просим указывать источник.
When using information from this site, please link to the source