авто

Переключатель языков

Назар аударыңыз !!! 2019 ж. 19-сәуірінен бастап музейге кіру билеттерінің бағасы өзгерді. Билеттердің бағасы туралы "Музей туралы" - "Қызметтері мен олардың төлемақылары" атты тараудан білуге болады.

Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net

Венгрияда өтетін халықаралық жылжымалы көрме

«Қазақстан Республикасы Мемлекеттік Орталық музейі» Қазақстан Республикасының Тұңғыш Президенті Н.Ә. Назарбаевтың «Болашаққа бағдар: рухани жаңғыру» бағдарламалық мақаласының концепциясы аясында (ҚР Президенті Әкімшілігі Басшысының бұйрығымен бекітілген іс-шаралар жоспарының «Қазіргі заманғы қазақстандық мәдениет жаһандық әлемде» бағыты бойынша) Венгрияның Сазхаломбатта қаласындағы Матрика музейінде 2019 жылдың 3 маусым – 15 шілде аралығында «Ұлы даланың тарихи-мәдени келбеті» атты халықаралық жылжымалы көрме өткізеді.

Көрмеге Музей қорындағы ерте көшпелілер кезеңінің мәдениетін көрсететін археологиялық артефактілер, Есік қорғанынан табылған «Алтын Адамның» ғылыми реконструкциясы, сондай-ақ дәстүрлі қазақ мәдениетіне қатысты этнографиялық құндылықтар қойылады.

Көрме 2019 жылдың 15 шілдесіне дейін жалғасады.

16.05.2019 ж. Суретші-график, КСРО Суретшілер Одағының және Қазақстан Суретшілер Одағының мүшесі Фатима Таразидің «Тұран» атты көркем туындылар көрмесі

16 мамыр күні сағат 16.00-де Қазақстан Республикасы Мемлекеттік орталық музейінде суретші-график, КСРО Суретшілер Одағының және Қазақстан Суретшілер Одағының мүшесі Фатима Таразидің «Тұран» атты жеке көркем туындылар көрмесінің ашылуы өтеді.

Фатима Тарази Алматы көркемсурет училищесін және Мәскеу полиграфия институтын бітірген. Фатима Тарази жақын және алыс шетелдердің - Австрия, Германия, Болгария, Чехословакия, Иемен Араб Республикасы, Эфиопия, Марокко, Никарагуа, Мозамбик, Мексика, Польша, Венгрия, АҚШ, Швейцария, Франция, Италия және т.б. бүкілодақтық, республикалық, аймақтық көрмелерге қатысушысы. 1997 жылы ол ЮНЕСКО қамқорлығымен Франциядағы (Париж қ.) өткен «Женщины за мир и культуру» атты бүкіләлемдік форумға қатысып, жеке көрмеде өз шығармаларын ұсынды.

Fatima Tarazi

Фатима Тарази бейнелеу өнерінің әртүрлі техникаларында жұмыс істейді, олардың арасында литографияның графикалық техникасы (таспен сурет салу) ерекше орын алады. Шығармашылықтың негізгі тақырыбы фольклор, қазақ халық ертегілері мен эпос болып табылады. Ол қазақ халық ертегілері мен әлемге әйгілі «Манас» эпосына автолитография техникасындағы графикалық жұмыстар топтамасын жасады.

Өзінің шығармашылық қызметінің басым бөлігін (1990 ж.бастап) суретші-дизайнер Фатима Тарази қазақтың ұлттық киімдерінің коллекцияларын қалпына келтіруге арнайды. Халықаралық танымал «Азия Дауысы» ән фестивалінің қатысушылары Роза Рымбаева, «Дос Мұқасан» ансамблі, диктор және жетекші Рабиға Аманжолова, Қазақстанның халық әртісі Айман Мұсаходжаева, Құрманғазы атындағы Мемлекеттік халық оркестріне, «Тұрандот ханшайымы» және «Шыңғысхан» спектакліне арналған костюмдер (реж. Б. Атабаев), сондай-ақ М. Әуезов атындағы Мемлекеттік академиялық драма театрларына арналған киім дизайнының авторлық эскиздерін жасады. 1993 жылы «Азия Даусы» халықаралық әндер фестивалінде оның «Тұран жұлдыздары» және «Тұранның қанатты барсы мен Томирис» үйлену киімінің авторлық топтамасының алғашқы көрсетілімі өтті.

1994-1995 жж. Қазақстан Республикасының Тұңғыш Президенті Н. Ә. Назарбаевтың тапсырмасы бойынша Ф. Тарази ҚР Президентінің Республикалық ұланы үшін және Президенттік «Боинг» жолсеріктерінің борты үшін киім үлгісінің дизайны мен стилін жасады. Ол милицияның, МАИ, авиацияның мемлекеттік стилінің парадтық-әсемдік, күнделікті, маусымдық киім нысанының дизайнын жасады, Қазақстан Республикасы Ұлттық Ғылым академиясының академиктері үшін академиялық мантиялар енгізді. Суретші Ф. Тарази әзірлеген алғашқы мантиялар Қазақстан Республикасының Тұңғыш Президенті Н. Назарбаевқа пен Түркия Президенті Сүлейман Демирельге, Агроуниверситет академигі Сағадиевке берілді. Осы жылдары Қазақстан Республикасы әскерлерінің Бас қолбасшысы және Қазақстан Республикасының Тұңғыш Президенті Н. Назарбаев бекіткен Президенттің Республикалық ұланының киім үлгісінің стилі әзірленді және құрылды.

Қазіргі уақытта Фатиманың жұмыстары Қазақстан Республикасының музейлерінде, Италияның Милан галереясында, АҚШ-тың (Вашингтон) жеке коллекцияларында және Батыс Еуропа елдерінде сақталуда. 2010 жылы ҚР Тұңғыш Президентінің Қоры екі көркем жұмысты сатып алды. Ф. Тарази Республикалық «Жігер» жастар фестивалінің лауреаты, Бакудегі халықаралық көрменің дипломанты (1983 ж.); Мемлекеттік Президенттік стипендияның стипиндианты (2012 ж.). 2016 жылы «Манас» дүниежүзілік эпосына автолитография сериясы үшін алтын медальмен марапатталған. Ф. Тарази Қазақстан Республикасының 100 көрнекті қайраткерлерінің қатарына кіреді.

Көрме суретші-дизайнер Фатима Таразидің сахналық, концерттік, ұлттық костюмдер жасаудан бастап графикалық өнер туындыларына дейінгі шығармашылық қызметінің түрлі қырларын көрсетеді.

Көрмеге шебердің 100-ге жуық шығармалары қойылады.

Көрме 2019 жылдың 16 маусымына дейін жалғасады

13.05.2019 ж. «Түрік шеберлерінің мозаика өнері / SEHER ALTINER & MOSAIC ALMATY GROUP» атты көрмесі

Қазақстан Республикасы Мемлекеттік орталық музейі 2019 жылдың 13 мамыр күні сағат 15.00-де «Түрік шеберлерінің мозаика өнері / SEHER ALTINER & MOSAIC ALMATY GROUP» атты көрмесін ашады.

«Mosaic Almaty Group» 2017 жылы шебер Сехер Алтынердің бастамасымен құрылды. Бірнеше жылдар бойы ұжымдаса еңбектеніп жүрген мамандар мозаика өнеріне тән стиль, сарын, жұмыс техникасы, әрлеу т.б. қыр-сырын меңгеруде.

 «Түрік шеберлерінің мозаика өнері / SEHER ALTINER & MOSAIC ALMATY GROUP» атты көрмесіКөрмеге қатысушылар қатарында: Сехер Алтынер, Аслы Жанлыель, Нильгюн Гекташ, Пелин Толедо Сейхан, Елена Джан сынды өнер шеберлері бар. Шеберлер қандай-да бір өнер туындысын жарыққа шығару барысында түрлі материал, көлемді, ламинатталған шыны, итальяндық шыны, тас, мәрмәр, қыш, полиэстер, түйме, кофе дәні, айна, түрлі аксессуар, бисер және т.б. материалдарды пайдаланады. «Mosaic Almaty» тобының соңғы үш жылда атқарған жемісті еңбегінің нәтижесінде орындалған бірсыпыра шығармасы алғаш рет «Түрік шеберлерінің мозаика өнері» көрмесінде келушілер назарына ұсынылады. Танымал өнер жанры – түрік мозаикасы б.з.д. 300 ғасырлардан бастау алады.

Картиналар мен әр алуан сәндік бұйымдар ертеден ақ мәнерлілігі, көз жауын алар көркемдігімен сарай, храм, шіркеулердің сән-салтанатын асқақтатты. Алтын ғасыр тұсында бұл өнер Рим, Византия империялары көлемінде кең танылып зәулім ғимараттардың еден, төбе, қабырғаларын безендіру үшін қолданылды. Мысалы, қызғалдақтармен безендірілген әйгілі қыш кесінділерінен құрылған мозаика алғаш Түркияда пайда болды. Байырғы түрік тұрғындары сәндік бұйымдарында көбінесе көкөніс өрнегін қолданған. Барынша танымал және көне мозаика үлгілерін Газентепе, Хатай (Түркия), Равенна (Италия), Бардо (Тунис), Парк Гуел (Испания) және Иерусалим (Израиль) елдерінен кездестіруге болады. Қазіргі уақытта әлемнің көптеген елдерінде мозаика өнеріне деген қызығушылық артып келеді, сонымен қатар мозаикалы текше және басқа да өнер туындыларын жасау технологиясы жетілдірілу үстінде.

Ежелгі грек мифінің мақамы бойынша Мона Лизаның аналогы ретінде табиғи тастың өте майда түйірлерінен құралған, бүгінде Византия өнерінің үлгісі әрі Түркиядағы мозаика музейінің символы саналатын бүкіл әлемге әйгілі «Цыган қызы» туындысы мозаика өнерінің символына айналды.

Сехер Алтынер бастаған топ шеберлері «Цыган қызы» кескіндемесінің репродукциясын алғаш рет көрме экспозициясына ұсынады.

Сехер Алтынердің туған жері Стамбул қаласы, мамандығы бойынша археолог әрі суретші. Сехер «Филипп Моррис» компаниясының қаржы бөлімінде бірнеше жыл қызмет атқарды, бұдан кейін шығармашылықпен, тікелей мозаика өнерімен айналысып, Измир студияларында мозаика құрудың қыр-сырын меңгерді, Италияда мозаиканың ежелгі византиялық техникасын зерттеп, Равеннада (Италия, Эмилия-Романа облысы) көркем-өнер саласы бойынша білім алды. Ол өз шығармашылығында Ван Гог, Микеланджело, Климт, Вермеер және Ботичелли сынды танымал суретшілердің шығармаларына жүгінеді.

Қазіргі уақытта Алматыда қызмет атқарып жүрген топ жетекшісі Сехер мен оның шәкірттері (Түркиядан) шығармашылығын жетілдірумен қатар мозаика өнеріне қызығушылық танытушыларды осы өнерге машықтандырады.

Көрмеде мозаика өнерінің 50-ден астам туындысы ұсынылады.

Көрме 2019 жылдың 20 мамырына дейін жалғасады.

15.03.2019 ж. Батик өнерінің шебері Жанар Нүкетаеваның «Менің Жібек жолым» атты жеке көрмесі

Қазақстан Республикасы Мемлекеттік орталық музейінде 2019 жылдың 15 мамыр күні сағат 15.00-де батик өнерінің шебері Жанар Нүкетаеваның «Менің Жібек жолым» атты жеке көрмесі ашылады.

Жанар Нүкетаева - психолог, философия ғылымдарының кандидаты, Ленинград Мемлекеттік университетінің түлегі.

Батик өнерінің шебері Жанар Нүкетаеваның «Менің Жібек жолым» атты жеке көрмесіОл дипломат күйеуімен бірге өмірінің басым бөлігін Ливия, Мысыр, Сауд Арабиясы, Біріккен Араб Әмірлігі, Ұлыбритания елдерінде тұрды. Шығармашылық жолын да шетелде жүріп бастады. Ал 2003 жылы Сауд Арабиясында Индонезиялық шебер Палупимен танысып, француздық «суық батик» жасау техникасын меңгереді. Жанар үнемі шығармашылық ізденіс үстінде. Батик жасау бойынша білімін Пәкістан, Шри Ланка, БАӘ шеберлерінен сабақ алып шыңдаған. Сол себепті де оның туындылары өзіндік бірегейлігімен ерекшеленеді. Жанар жасаған батиктерден түстердің жеңіл үйлесімін байқауға болады. Картиналардың тақырыптары да нәзік – «Мың бір түн», «Көгілдір алқаптағы бәйшешектер», «Жұмақ құстары», «Лотос гүлі». Жанардың жұмыстарынан өзі тұрған көптеген елдердің мәдениетін, дәстүрін аңғаруға болады. Ол батик жасаудың ыстық және суық техникасын сондай-ақ, жібек маталар (жапондық, қытай және т.б.), бояу құралдары мен арнайы бояуларды жиі пайдаланады. Оның өз ісіне берілгендігі сондай, бос уақытын батик, оригами, табиғи тастардан әшекейлер жасауға жұмсайды.  

Ж. Нүкетаева жібекті бейнелеумен қатар, космоэнергетика саласының магистрі атағын және Рейк шебері деңгейін алған. Қазіргі уақытта Жанар адам санасын рухани тазартуға негізделген «Тета хилинг» техникасымен де айналысып жүр. Ол өзін басқа да салалар бойынша шыңдауда атап айтсақ, әлем халықтарының ұлттық тағамдары туралы кітап жазуда, қазақ халқының салт-дәстүрлері туралы кітапшалар дайындауда. Жібекке өрнек салу шебері Жанар Нүкетаева шын жүрекпен, таза ниетпен өзінің Жібек жолындағы шығармашылық әлемінде қалықтап жүр.

Бұл батик шеберінің алғашқы көрмесі. Онда 50-ден аса батик техникасымен жасалған картиналар мен авторлық зергерлік бұйымдар қойылады.

Көрменің ашылу күнінде Қазақстан Республикасындағы Индонезия Елшісі Рахмат Прамоно мырза сөз сөйлейді. Сондай-ақ, Пәкістандық әртістер және Қазақ ұлттық қыздар педагогикалық университетінің студенттері өнер көрсетеді.

22 мамыр күні 15.00 сағат Жанар Нүкетаева батик жасау техникасы бойынша тегін шеберлік-сабағын өткізеді.

Көрме 2019 жылдың 31 мамырына дейін жалғасады

22.04.2019 ж. Академик Қаныш Имантайұлы Сәтбаевтың туғанына 120 жыл толуына арналған «Қазақтың ұлы ғалымы» атты көрмесі

Қазақстан Республикасы Мемлекеттік орталық музейі 2019 жылдың 22 сәуір күні сағат 15.00-де академик Қаныш Имантайұлы Сәтбаевтың туғанына 120 жыл толуына арналған «Қазақтың ұлы ғалымы» атты көрмесін ашады.  

«Қазақтың ұлы ғалымы» атты көрмесіАкадемик Қаныш Имантайұлы Сәтбаев - көрнекті геолог, біртуар ғалым,ғылым саласының бірден-бір ұйымдастырушысы, ол еліміздегі геологиялық қызметтің және Қазақ КСР Ғылым академиясының, Үлкен Жезқазған мен бүгінде оның атындағы Геология ғылымдары институтының негізін қалады.Қ.И. Сәтбаев – Қазақстан Ғылым академиясының алғашқы президенті әрі одақ көлеміндегі бірінші қазақ академигі (1946ж.). Қазақстанның жер қойнауы байлықтарын ашу мен оны геологиялық зерттеу, кен көздерін жедел анықтауға бағытталған ауқымды, кешенді зерттеу ісінің жарқын беттері Сәтбаевтың атымен байланысты.

Көрменің мақсаты:алғашқы қазақ геологы, академик Сәтбаевтың өмір жолы, қайраткерлік қызметімен таныстыру; ғалымның ғылыми мұрасын сақтау, танымалдығын арттыру ҚР МОМ қорындағы құжаттарды, академиктің архивіндегі фотоқұжат, заттық деректерді көпшілік назарына ұсыну.

Көрме экспозициясы төрт тараудан тұрады:

«Өмір жолын таңдау» айдарымен құрылған бірінші тарау Қ.И. Сәтбаевтың өмірбаянына арналған: фотоқұжаттар тұлғаның балалық шағы, Семейдегі мұғалімдер семинариясында білім алуы, ұстаздық қызметі және Томсктехнологиялық университетіндегі студенттік өмірінен сыр шертеді.

«Ғалым-геолог» – екінші тарау Қ.Сәтбаевтың ғылыми-тәжірибелік жұмысымен таныстырады. Фотоқұжат, заттық деректер инженер-геолог, бөлім басшысы, Атбасар және Қарсақпайгеологиялық трестерініңбас инженерінің күнделікті атқарған қызметін ашып көрсетуге бағытталған. Қ.И. Сәтбаев Жезқазған мыс және Байқоңыр көмір кені орнында алғашқы тұрақты геологиялық барлау жұмысын ұйымдастырып іске асырды. Ол бүкіл Жезқазған-Ұлытау ауданындағы пайдалы кен орындарының қорын жоспарлы түрде анықтау ісін жолға қойып, әлемдегі үш ірі мыс кені орындарының бірі – Ұлытау-Жезқазған мыс кені көзін ашты.

«Академик Қ. Сәтбаев – ҚазКСР Ғылым академиясының негізін қалаушы» айдарымен құрылған үшінші тарау 1944ж. Қазақ КСР ҒА құру туралы үкімет қаулысының қабылдануыҚ.И. Сәтбаевтың тікелей атсалысуымен жүзеге асқындығын көрсетеді. 1946 ж. 1 маусымда Қ.И. Сәтбаев Қазақстан Ғылым академиясының бірінші Президенті болып сайланды. Осы жылдың қазан айында ол КСРО ғылым академиясының толық мүшесі болып сайланды. Ғалымның еңбегі үкімет тарапынан лайықты марапатталған.

«Мұра» айдарындағы төртінші бөлім ғалымның ғылыми туындыларымен таныстырады.. Қ.И. Сәтбаевтың еңбектерінің басым бөлігі геология мәселесіне арналған. Жарияланған 240 шығармасының 42-і Жезқазған-Ұлытау ауданының геолгияжәне минералдық қорын қамтиды. Ғалым мұрасының бірінші және басты тарауы геология саласындағы еңбектерінен тұрады.Қ.И. Сәтбаевтың әдеби мұрасының екінші тарауы академикті ғылым саласын ұйымдастырушы, насихаттаушы, қоғам қайраткері ретінде танытады. Ғалымның осы тараудағы 298 мақаласының 242- орыс тілінде, 51 қазақ, 5- ағылшын тілінде жазылған.

Көрме экспозициясында көпшілік назарына ғалымның еңбектері, қайта басылған «Алгебра оқулығы»,ҚР МОМ қорында сақталған жеке заттары: марапат белгілері, құжаттары, шығармалары, кәдесый және т.б. қатар академиктің архивінен алынған материалдар ұсынылған.

Бүгінде әйгілі ғалым, ғылым саласының ұйымдастырушысы, білікті маман, жаны жайсаң азамат, қайырымды тәлімгер, өз халқының нағыз жанашыры, ұлтжанды Қаныш Имантайұлының кіші отаны – Қарағанды облысындағы қала Сәтбаевдеп аталса, ғалымның есімі бірқатар минералдар, гүлдер, мұздық, тау шыңдары, Қазақстанның көше, кәсіпорын, мекемелеріне берілген, Қ.И. Сәтбаев атындағы сыйлық және стипендиялар жарияланған.

Көрме 2019 жылдың 1 маусымына дейін созылады.

Сайт материалдарын пайдаланған жағдайда, музейге сілтеме көрсетілуі керек. // При использовании информации с сайта, просим указывать источник.
When using information from this site, please link to the source