авто

Переключатель языков

Назар аударыңыз !!! 2019 ж. 19-сәуірінен бастап музейге кіру билеттерінің бағасы өзгерді. Билеттердің бағасы туралы "Музей туралы" - "Қызметтері мен олардың төлемақылары" атты тараудан білуге болады.

Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net

Халықаралық ынтымақтастық шеңберінде ҚР Мемлекеттік орталық музейі мен Варшаваның Ұлттық этнографиялық музейі ынтымақтастық Меморандумына қол қойды

ҚР Мемлекеттік орталық музейі халықарылық ынтымақтастық шеңберінде, Қазақстан Республикасы мен Польша Республикасы арасындағы мәдени байланыстарды нығайту мақсатында, Қазақстан Республикасы Мемлекеттік орталық музей директорының орынбасары Бибігүл Дандығараева және Варшаваның Ұлттық этнографиялық музейінің директоры Адам Чижевский музей ісі, тәжірибе алмасу, ғылыми және мәдени-біліми жобаларды жүзеге асыру мақсатында ынтымақтастық Меморандумына қол қойды.

Ынтымақтастықтың және бекітілген Меморандум нәтижесінде 2021 жылы Варшава қаласында Қазақстан Республикасы Мемлекеттік орталық музей қор коллекциясының «Ұлы даланың тарихи-мәдени келбеті» атты көрме өтеді. Көрме Польша Республикасы жұртшылығын Қазақстанның тарихы және ерте көшпелілердің дәстүрі, сондай-ақ қазақтардың тарихы және мәдениетінің бай этнографиялық коллекциясымен таныстырады.

Көрме Қазақстан Республикасы Мәдениет және спорт министрлігінің қолдауымен ұйымдастырылады.    

Меморандум в Польше Меморандум в Польше

17.05.2019 ж. «МУЗЕЙ ТҮНІ 2019» іс-шарасы

Қазақстан Республикасы Мемлекеттік орталық музейі 2006 жылдан бастап Республика бойынша алғашқы болып «Халықаралық музейлер күні» кәсіби мерекесіне орай «Музей түні» акциясын өткізеді. Бүгінгі таңда әлемдегі танымал музейлердің арасында танымалдыққа ие болып отырған ірі халықаралық мәдени-білім беру жобасы. Дәл осы түні музей әр түрлі жастағы адамдарды бір арнаға тоғыстырып, түрлі кәсіп пен конфессия иегерлерінің ерекше кездесетін орнына айналады, аталмыш іс-шарада келушілер еліміздің тарихы мен мәдениетінің жаңа қырларымен танысып, жаңа көкжиектерді ашуға мүмкіндік береді.

2019 жыл Қазақстан жастарының жылы деп жарияланды, бұл өз елінің игілігіне бағытталған жас қазақстандықтар үшін шығармашылық, зияткерлік дамуға және бастамаларға жаңа серпін мен ынталандыру болып табылады.

«МУЗЕЙ ТҮНІ 2019» іс-шарасы

ҚР Орталық музейі 17 мамыр күні сағат 18.00-ден 24.00-ге дейін Қазақстанның жастар жылына арналған «МУЗЕЙ ТҮНІ 2019» іс-шарасын өткізеді. Музей түнінің ұраны – «Жастар: бастама, жетістік», қазіргі жастардың бастамалары мен жаңашыл идеяларын қолдауға бағытталған. Іс-шара аясында «Біз — Қазақстанның болашағы» атты көрме ашылады. Көрме жоғары оқу орындарында оқитын студенттердің түрлі салаларда (экология, дизайн, өнер, сәулет, ақпараттық технологиялар, кино және театр өнері және т. б.) жеткен жетістіктері мен белестерін көрсетуге бағытталып отыр. Біздің мақсатымыз көрмеге қойылған үздік жұмыстар арқылы өскелең ұрпақты ынталандыру, соларға шабыт беру болып табылады.

Осы жылдың Музей түнінің қатысушылары Алматы қаласының ЖОО мен колледждері — әл-Фараби атындағы ҚазҰУ, Абай атындағы ҚазҰПУ, Т.Жүргенов атындағы Қазақ ұлттық өнер академиясы, Қ.И.Сәтбаев атындағы ҚазҰТУ, «Тұран» университеті, «ХАТУ» АҚ, Ж.Елебеков атындағы республикалық эстрадалық-цирк колледжі, Қазақ спорт және туризм академиясы, ҚазБСҚА, Қазақ Ұлттық Аграрлық Университеті, О.Таңсықбаев атындағы Алматы сәндік-қолданбалы өнер колледжі, «Сымбат» сән бизнес академиясы; Алматы мемлекеттік сервис және технологиялар колледжі, Жас суретшілер Одағы.

Даңқ Аллеясына оқу озаттары, Алматы қаласының жоғары оқу орындары мен колледждерінің түлектері, республикалық және халықаралық фестивальдардың, конкурстардың, олимпиадалардың және студенттік универсиадалардың лауреаттары мен дипломанттары шақырылады.

Биылғы музей түнінде алматылықтар мен қала қонақтарына қызықты интерактивті бағдарламалар, музейдің қор коллекциясынан және жеке жинақтардан құрылған көрмелер, Қазақстан, Түркия және Индонезия шеберлерімен кездесулер мен шеберлік-сабақтар ұсынылады:

  • ҚР Мемлекеттік Орталық музей қорынан, ҚР Президенті мұрағатынан, сондай-ақ ҚР Мемлекеттік орталық мұрағатынан алынған заттардан құрылған «Қазақ жазуының тарихы» атты көрме келушілерді латын және кириллицада жазылған фотоматериалдармен, мұрағаттық құжаттармен, сирек қолжазбалар және қазақ тіліндегі арабтың өрме жазуында жазылған басылымдармен таныстырады;
  • Көрнекті геолог, ғалым, академик Қ. Сәтбаевтың туғанына 120 жыл толуына арналған «Қазақ жерінің ұлы ғалымы»;
  • Суретші-график, КСРО Суретшілер Одағының және Қазақстан Суретшілер Одағының мүшесі Фатима Таразидің «Тұран» атты жеке көрмесі. «Азия Дауысы» халықаралық ән фестивалі үшін сахналық, концерттік, ұлттық костюмдер жасаудан бастап, графикалық өнер туындыларына дейін қазақ халық ертегілері мен эпосына дейінгі «Манас» авторлық жобаларын көрсетеді;
  • Аталмыш іс-шараға келушілер үшін:
  • Индонезия, Пәкістан, Шри-Ланканың ең үздік шеберлерінен дәріс алған Жанар Нүкетаеваның «Менің Жібек жолым» атты көрмесі, сонымен қатар көрермендерді Жібек арқылы сурет салу өнерімен таныстыратын оригами бойынша шеберлік-сабақтар;
  • «Түрік шеберлерінің Мозаика өнері /SEHERALTINER & MOSAICALMATYGROUP» көрмесі. Суретшілер барлық қалаушылар үшін Мозаика өнері бойынша шеберлік-сабақтар өткізеді;
  • Осы жылғы Музей түнінің қонақтары экзотикалық Индонезия елінен келген музыканттар мен шеберлер, олар дәстүрлі билері мен музыкаларын көрсетеді, ал Венни А. Аламсях ханым батикқа сурет салуөнері бойынша шеберлік-сабақтарөткізеді;

ИНТЕР АКТИВТІ БАҒДАРЛАМАЛАР: Қазақстан тарихы бойынша түрлі тапсырмалар берілген «Музейдегі түн» білім беру бағыты; «Археологтың қазба жұмысындағы бір күн» келушілерді археология әлеміне шақырады; Құрманғазы атындағы Қазақ Ұлттық консерваториясының студенттері «Сал-серілердің мұрасы» қазақ фольклорының ұлы мұрасымен, Ұлы ақын-жыраулардың шығармашылығымен таныстырады. О. Таңсықбаев атындағы Алматы сәндік-қолданбалы өнер колледжінен қазақ қолөнері бойынша түрлі шеберлік-сабақтар. Қазақ қолөнері мен өнерінің әр түрі бойынша шеберлік-сабақтарын Алматы сәндік-қолданбалы өнер колледжінің студенттері мен педагогтары өткізеді. Ал араб каллиграфиясы бойынша шеберлік сабағын Қазақ-Египет университетінің студенті Б. Жетпісбаев ұсынады.

«Шығармашылық әлеміне» атты БАЛАЛАР ШЕБЕРХАНАСЫ, онда кішкентай қонақтар қолөнер, кескіндеме, декупаж, аквагрим, мехенди, робототехниканы және т. б. үйренеді.

ЭТНИКАЛЫҚ КОЛЛЕКЦИЯ МЕН ШАШ ҮЛГІЛЕРІН КӨРСЕТУ: О.Таңсықбаев атындағы Алматы сәндік-қолданбалы өнер колледжінің этникалық коллекцияларын көрсету. «Этно-Эрато-2018» Ұлттық костюмінің Еуразиялық Жоғары сән конкурсында – «бір миллионға», «күн мен түн», «Шығыс» және «Сымбат» сән Бизнес Академиясының бірінші орын алған Алматы мемлекеттік сервис және технологиялар колледжінен кейінгі сәнді шаш үлгісі мен этноколлекцияларын сондай-ақ, «Алые паруса» изостудиясының кішкентай қатысушылары өздерінің бас киімдер коллекциясын көрсетеді.

ҚР Халық әртістері, музыкалық, хореографиялық шығармашылық ұжымдар, би студиялары мен ансамбльдерінің қатысуымен өтетін КОНЦЕРТ - Ж.Елебеков атындағы республикалық эстрадалық-цирк колледжі, Корей мәдени орталығының «Родина» хоры, TWINKLE JAZZ скрипкашылар ансамблі, Ресей мен Қазақстанның еңбек сіңірген әртістері, «Салтанат» Мемлекеттік би ансамблі, П.Чайковский атындағы Алматы музыкалық колледжі, «CUERPO» тобы, «Марна» тобы, «Жорға» шоу балеті, «Империал», «Фуроро», «Кудесники» шоу-балеті, іс-шараға қатысатын ЖОО студенттері, La Cadencia dance School Bachata –Salsa-Zumba халықаралық академиясынан және «Аламәт» продюсерлік орталығынан, нұсқаушы Амина Кадлецтен Zumba бойынша шеберлік би сабағы және т.б.

Бұл күні суретші Данияр және Асылгүл Байдаралиндердің сақ кастюмінің тұсаукесері және шеберлердің, суретшілер мен дизайнерлердің авторлық жұмыстарының жәрмеңкесі өтеді.

Музей түнінің барлық қонақтары үшін «Палеонтология және археология», «Тарихи этнография», «Ұлы Отан соғысы жылдарындағы Қазақстан және диаспоралар мәдениеті», «Қазіргі Қазақстан» сияқты 4 экспозициялық залдар бойынша тегін экскурсиялар ұйымдастырылады.

Мерекелік кештің жүргізушілері - ДАНИЭЛЬ ДЖЕЙМС және МАРСЕЛЕН КАМАТЕ.

Музей серіктестері: «VIP EVENT» продюсерлік орталығы, «RUSLAN BAIDALINOV PROMOTION GROUP», «Бахыт» сәндік-қолданбалы орталығы, «Gerkules Games» балалар ойыншықтарының дүкені, «Visit Almaty» туристік ақпараттық орталығы, №5 оқушылар үйі, №2 мектеп-интернаты, «Qazaq Vent» ЖК монеталық аттракционы, шеберлер Марина Любимова мен Анна Марченко, қышшы Али Асқар, «Мехенди» ЖК, «Prokid Robotech» компаниясы, – «Ice cream bar», «Galanz bottlers» АҚ, «Тянь-Шань», «Акмарал Сауда» және «Сакура Tea» шәй компаниялары және т.б.

ҚР Мемлекеттік орталық музейі Сіздерді 17 мамыр күні сағат 18.00-ден 24.00-ге дейін күтеді!

Музейге билет арқылы кіру: ересек билет - 450 тг., балалар – 200 тг., зейнеткерлер мен студенттерге – 300 тг., мектепке дейінгі балалар, ҰОС ардагерлері, мүгедектер мен жетім балаларға тегін.

 

Click to download in FLV format (21.4MB)

3-5.05.2019 ж. Дәстүрлі Орталық-Азиялық «Жібек жолы» көрме-жәрмеңкесі

 

Дәстүрлі Орталық-Азиялық «Жібек жолы» көрме-жәрмеңкесіҚР Мемлекеттік орталық музейі «Бахыт» сәндік-қолданбалы өнер орталығымен бірлесе отырып, 2019 жылдың 3-5 мамырында дәстүрлі Орталық-Азиялық «Жібек жолы» көрме-жәрмеңкесін өткізеді. Жәрмеңкеге Қазақстан, Өзбекстан, Қырғызстан, Тәжікстан, Түркменстан, Ресей, Моңғолия және Грузия елдерінің қолөнер шеберлері қатысады.

Ұлы Жібек Жолы – Шығыс пен Батыс елдерінің арасындағы халықаралық мәдени-экономикалық сауда-саттықты қалыптастырған тарихи жол болып табылады. Түрлі нақышы бар әйгілі базарға әлемнің түкпір-түкпірінен сатушылар да сатып алушылар да ағылып келетін болған. Сонау ертеден қалыптасқан сауда мәдениеті күні бүгінге дейін өз бояуын жоғалтқан емес.    

Осы жолы жәрмеңкеге қатысушылар қала тұрғындары мен қала қонақтарының назарына үйге және тұрмысқа қажетті түрлі естелік сыйлықтарын: киімдер, зергерлік бұйымдар, музыка аспаптары, шығыс миниатюрасын, кілемдер, киіз және жібек бұйымдарын, тоқыма, мата заттары мен кестелер, тұмарлар, тері бұйымдарын ұсынбақ.

Іс-шара аясында: Қазақстан Республикасының Тұңғыш Президентінің «Ұлы даланың жеті қыры атты мақаласы негізінде «Art Bazar – Ұлы Жібек Жолы» атты студенттік жұмыстардың халықаралық байқауы сондай-ақ, шеберлік-сабақтары мен сәндік-қолданбалы өнер шеберлерінің ұйымдастыруымен өтетін лоторея ойындары.

Көрменің ашылуы 3 мамыр 2019 ж., сағ. 12.00

Көрме-жәрмеңкенің жұмыс уақыты: 3-5 мамыр 2019 ж., сағ. 9.00-18.00

Көрмеге кіру – ақылы

 

06.05.2019 ж. «Халық жүрегіндегі жауынгерлер» атты іс-шарасы

Қазақстан Республикасы Мемлекеттік орталық музейі «KS – production» продюсерлік орталығы және «Қайырымды Істер Өлкесі» Қазақстан мүгедектері қайырымдылық ҚҚ-мен бірлесіп, 2019 жылдың 6 мамыр күні сағат 14.00-ден 18.00-ге дейін Ұлы Отан соғысындағы Жеңістің 74 жылдығына арналған «Халық жүрегіндегі жауынгерлер» атты іс-шарасын өткізеді.

Сондай-ақ іс-шара аясында ҚР Орталық музейі «Ұлы Отан соғысының Қаруы» атты көрмесін дайындап, акция қатысушыларын кеңес және неміс-фашистік атыс қаруымен таныстырады.

Орталық музей жыл сайын Алматы қаласының әр аудандарындағы ҰОС ардагерлерінің құрметіне арналған қайырымдылық акциясын өткізуді дәстүрге айналдырды.

Аталмыш шара 2018 жылы Медеу ауданының ардагерлеріне арналған, ал биыл акцияға Жетісу ауданында тұратын ҰОС және еңбек майданының ардагерлері қатысады.

Ардагерлермен жүздесу өскелең ұрпаққа еліміздің тарихи мұраларымен танысуға, олардың бойына азаматтық сана-сезімдерді оятуға және патриоттық рухқа баулуға, отансүйгіштікке тәрбиелеуге, ҚР мүдделеріне қызмет етуге лайық деп білеміз.

Ұлы Жеңіс күні – жан аямай елін қорғаған ержүрек батырларымызды еске алу күні. Асау уақыт тізгінін ауыздықтай алмайсың – жылдан-жылға адамзаттың басына алапат қасірет түсірген зұлмат соғыс туралы баяндайтын Ұлы Отан соғысы ардагерлерінің қатары арамызда азайып бара жатыр. болуға, ардагерлерге құрмет пен алғыс сезімдерін білдіруге мүмкіндік береді.

Іс-шара аясында ардагерлерге арналған Қазақстан Республикасының халық әртістерінің қатысуымен өтетін концерттік бағдарлама болады. Сондай-ақ, акцияға қолдау танытып демеушілік еткен серіктестердің атынан сыйлықтар табысталады: Виктор Александровский – Халықаралық экстрасенстар сайысының жүлдегері, «Бостан» ЖШС, «Gezaro» ЖК, «Ақсай нан» ЖШС, «Мagnum Cash & Carry», «Lemonadoff Food» ЖШС, «Алатау Құс» АҚ, «ZUGO HOME TEXTILE», «Өнер» баспасы, «VITA BOTTLERS ҚАЗАҚСТАН» ЖШС, ҚР Ұлттық Қауіпсіздік Комитетінің Шекара Қызметінің Академиясы.

«Память в наших сердцах» «Память в наших сердцах»
«Память в наших сердцах» «Память в наших сердцах»
«Память в наших сердцах» «Память в наших сердцах»

26.04.2019 ж. «ХІ Оразбаев оқулары» дәстүрлі халықаралық ғылыми-әдістемелік конференциясы.

Қазақстан Республикасы Орталық мемлекеттік музейі әл-Фараби атындағы Қазақ Ұлттық университетімен бірлесіп 2019 жылдың 26-27 сәуірінде «Ұлы даланың жеті қыры және Еуразия археологиясының көкейтесті мәселелері» тақырыбымен «ХІ Оразбаев оқулары» дәстүрлі халықаралық ғылыми-әдістемелік конференциясын өткізеді.

Абдулманап Медеуұлы Оразбаев – танымал ғалым, археолог, педагог, далалық археологиялық зерттеулер әдістемесінің қазіргі заманғы қазақстандық мектебінің, сонымен қатар Қазақ ұлттық университеті археология, этнология және музеология кафедрасының негізін қалаушылардың бірі. А.М. Оразбаевтың ғылыми қызметі өмір бойы қола дәуірі тайпаларының материалдық мәдениеті және ежелгі көшпелілер ескерткіштері тарихымен байланысты өтті. Ғылыми зерттеулерінің 45 жылы ішінде ол Солтүстік Қазақстан археологиялық экспедициясын басқарды (1954, 1960, 1961, 1964, 1965, 1967), Батыс Қазақстанда далалық іздеулермен айналысты (1968 г.). Академик Ә.Х. Марғұланмен бірлесіп 1957, 1961,1962, 1963, 1972, 1974 жж. Орталық Қазақстанда қазба жұмыстарын жүзеге асырды. Ол 1958, 1985–1988 жж. Шығыс Қазақстан, ал 1989-1990 жж. Семей археологиялық экспедицияларына басшылық жасады. А.М.Оразбаев Солтүстік Қазақстанның қола дәуірі ескерткіштерінің кезеңге бөлінуін әзірлеп шықты.Ол Андронов мәдениетінің дамуындағы үш кезеңді атап көрсетті: федоровтық, алакөлдік, сондай-ақ замараевтық. Бұлардың әрқайсысынан ол дербес, өзіндік мәдениетті көрді.

Конференцияда келесі бағыттар бойынша мәселелер талқылау жоспарлануда:

  • Ежелгі және ортағасырлық Еуразия археологиясы;
  • Аса көрнекті археологтар жөнінде естеліктер мен толғамдар;
  • Археологиялық экспедициялардың дала материалдары;
  • Археологиядағы қазіргі заманғы әдістер мен тәсілдемелер;
  • Тарихи-мәдени мұраны зерттеу, сақтау, музеефикациялау әдістері;
  • ЖОО-да археологияны оқытудағы жаңа тәсілдемелер мен инновациялық әдістер;
  • Археологиядағы пәнаралық әдістер.

Конференция жұмысына отандық және шетелдік мамандар қатысады: археологтар, этнографтар, тарихшылар, мәдениеттанушылар, сонымен қатар музей ісінің мамандары мен ЖОО оқытушылары.

Конференцияның жұмыс тілдері – қазақ, ағылшын, орыс. ( «Таңбалы» мемлекеттік музей-қорығында 2019 ж. 27-сәуірде дала семинарын өткізу жоспарланған)

Өткізу орны: Қазақстан Республикасы Орталық Мемлекеттік музейінің кинозалы (Алматы қ., Самал-1 ы/а, 44-үй).

Конференцияға қатысушыларды тіркеу: 09.00 – 10.00.

«Өткеннің жаңғырған куәлары» көрмесінің ашылуы: 10.00.

Конференция жұмысының басталуы: 10.30

Сайт материалдарын пайдаланған жағдайда, музейге сілтеме көрсетілуі керек. // При использовании информации с сайта, просим указывать источник.
When using information from this site, please link to the source