авто

Переключатель языков

02.03.2023 ж.«ТОРТ МУЗЕЙІ» көрмесі

2023 жылдың 2 наурыз алғаш рет Қазақстанда ҚР Мемлекеттік орталық музейінде «ТОРТ МУЗЕЙІ» көрмесі ашылды. Көрмеде келушілер назарына алматылық кондитер-дизайнерлердің эксклюзивті авторлық торттары ұсынылды.

Жобаның тұжырымдамасы – торт әлеміне толықтай ену. Алматылықтар торттардың тарихы туралы қызықты мағлұматтар алып қана қоймай, торттармен байланысты қызықты интерактивті бағдарламаларға қатысты. Әрбір келуші үшін ойын аймағы, фотозона, арнайы танымдық экскурсия, дәм тату және шеберлік сыныптары ұйымдастырылды.

Арнайы «Торт музейі» көрмесіне жергілікті шеберлер ерекше тәтті өнер туындыларымен 40-тан астам түрлі дизайнды, өлшемді және пішінді торттар жасауға ниеттерін білдірді. Экскурсия соңында шеберлер жасаған эксклюзивті торттар коллекциясын көруге болады.

Торттар коллекциясынан басқа жобаның тағы бір ерекшелігі дәм тату және шеберлік сыныбы болып табылады. Шеберлік сыныпта шеберлер әрбір келушіге мастикпен сәндеп, өз шағын тортын жасауға және шоколад торттарын дәмдеу үшін жиі қолданылатын заттардың дәмін татуға мүмкіндік береді!

Көрмеде тортпен байланысты түрлі қызықты ойындар ойнап, көп уақыт өткізуге болатын ойын алаңы мен ұзақ есте сақтау үшін әдемі суреттер түсіруге мүмкіндік беретін фотоалмақ бар.

Бұл - балалар мен ересектерге арналған қызықты жоба, келіңіздер, көріңіздер!

 Анықтамаларға арналған телефондар: +7 707 750-65-15

 

 

tort 12 tort tort 11
 tort 3  tort 6  tort 2
 tort 9  tort 8  tort 10

Сайт материалдарын пайдаланған жағдайда, музейге сілтеме көрсетілуі керек. // При использовании информации с сайта, просим указывать источник.
When using information from this site, please link to the source