авто

Переключатель языков

Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

Музей 2021 жылдың 12 сәуіріне дейін жұмыс істемейді.

Құрметті қала тұрғындары мен қонақтары!

Қазақстан Республикасы Мемлекеттік орталық музейінің  8 қызметкерінің COVID 19 коронавирус инфекциясын жұқтыруына байланысты, музей қызметкерлерінің қауіпсіздігін сақтау және инфекцияның таралуына жол бермеу мақсатында музей 2021 жылдың 12 сәуіріне дейін жұмыс істемейді. Уақытша келтірілген ынғайсыздықтар үшін кешірім өтінеміз. Өзгерістер болған жағдайда қосымша хабарлайтын боламыз.

 

Музей әкімшілігі

19.03.2021 «МАСАТЫДАЙ ҚҰЛПЫРҒАН…» атты көрме

Қазақстан Республикасы Мемлекеттік Орталық музейінде 2021 жылдың 19 наурызы күні сағат 15.00-де ҚР МОМ қорындағы қалпына келтірілген кілем және тоқыма бұйымдарының негізінде «МАСАТЫДАЙ ҚҰЛПЫРҒАН…» атты көрме ашылады.

«МАСАТЫДАЙ ҚҰЛПЫРҒАН…» атты көрмеҚазақстан Республикасы Мемлекеттік Орталық музейі (әрі қарай – Орталық музей) қызметінің маңызды бағыттарының бірі – тарихи-мәдени артефактілерді қалпына келтіру болып табылады. Қалпына келтіру жұмыстары тарихи, мәдени, музейлік маңызы бар музей заттарының бұзылуының алдын алуға, сондай-ақ оларды ұзақ уақыт сақтаудың оңтайлы жағдайларына қол жеткізуге бағытталған. Осы орайда, музей қорында сақталып келген музейлік бұйымдар мен заттардың жай-күйі және олардың әрмен қарайғы «өмірі» қалпына келтіру (реставрация) жұмыстарының қаншалықты жолға қойылғанына тікелей байланысты.

Орталық музейде Қалпына келтіру бөлімінің негізі 1986 ж. қаланған. Аталмыш бөлімнің қалыптасуына ұзақ жылдар бойы осы салада еңбек еткен тәжірибелі мамандардың тарихи-мәдени ескерткіштерді жаңғырту, қалпына келтірудің қыр-сырын, тәсілдерін игерудегі атқарған мол еңбектері сіңді. Қазіргі кезде музейде кескіндеме, графика, қыш, мата бұйымдары, кілем-киіз, т.б. құндылықтар түрлері бойынша маманданған 8 біліктілігі жоғары суретші-қалпына келтіруші жұмыс жасайды.

«Масатыдай құлпырған...» қалпына келтірілген кілем және тоқыма бұйымдары көрмесі аталмыш бұйымдардың музейге келіп түскен сәтінен бастап, ұзақ жылдар бойы сақталуына ат салысқан музей реставраторларының кәсіби шеберлігінің құпияларын ашады. Қалпына келтірушілер атқарған жұмыстар нәтижесінде «екінші өмір сыйланған» музейлік бұйымдар тұрақты экспозициялар мен тақырыптық көрмелерге кеңінен қойылады.

Көрменің мақсаты: ҚР Мемлекеттік Орталық музейі қоры негізінде қазақ халқының кілем және тоқыма бұйымдарының тіршілікқамы функциясын, сонымен қатар, олардың жасалу материалдары мен техникасын, қолданыс аясын, шаруашылық, тұрмыстық және т.б. функцияларын ашу және дәстүрлі кілем тоқу мәдениетінің алуан түрлілігін көрсету болып табылады. Сондай-ақ, еліміздің ұлттық мәдени игілігі болып табылатын аталмыш құндылықтарды жандандырудағы қалпына келтірушілердің күрделі жұмыстарымен таныстыру.

«Масатыдай құлпырған...» көрмесінің экспозициясына алғаш рет еліміздің оңтүстік, солтүстік және батыс өңірлері дәстүріне сай тоқылған, көркемдік-тарихи маңызы жоғары бірегей қазақ кілемдерінің бірегей коллекциясы ұсынылады. Ал, көрмеге келушілерге Қазақстанның әр өңіріндегі кілемдердің сипатын, стилін және жасау техникасын салыстырып қана қоймай, сонымен қатар, қазақ киіз үйінің жабдықтары мен интерьерінің осы міндетті элементінің барлық алуан түрлерін көруге, олардың функционалдық мақсатын тануға мүмкіндік туады.

Көрме музей жұмысының түрлі қырлары мен «құпияларын», музейлік заттарды қалпына келтірудегі барлық күрделі әрі көпсатылы жұмыс барысын көрнекі түрде көруге мүмкіндік береді.

ҚР Президентінен келген алғыс хат

алғыс хат2020 жылдың желтоқсан айында Абай Құнанбайұлының 175 жылдық мерейтойына орай ҚР Мемлекеттік орталық музейі ғалымдары музей директоры, белгілі ғалым, этнограф Нұрсан Әлімбайдың жетекшілігімен араб харпімен жазылған ұлы ақынның өмірбаяны мен шығармашылығы туралы 5 түпнұсқа қолжазбалардан тұратын «Абайдың өмірбаяны мен шығармашылығы туралы түпнұсқа қолжазбалар» (Қазақстан Республикасы Мемлекеттік орталық музейі қорынан) атты ғылыми-инвентарлық каталог жарық көрді.

Міне бүгін Қазақстан Республикасының Президенті Қасым-Жомарт Тоқаев музей директоры Нұрсан Әлімбайдың ұлы ақын Абай Құнанбайұлының 175 жылдық мерейтойына арналған іс-шараларды ұйымдастыру мен өткізуге қосқан үлкен үлесін бағалап жіберген алғысын сіздермен бөлісіп отырмыз.

«Рухани жаңғыру» қазақстандық қоғамдық даму институты «Қажырлы еңбек – табыс кілті» атты жаңа жоба ұсынады

«Қажырлы еңбек – табыс кілті»«Рухани жаңғыру» қазақстандық қоғамдық даму институты» халықтың еңбекке деген сүйіспеншілігін дәріптеу және еңбек адамына деген құрметті арттыру мақсатында еңбек етуде бар күш-жігерін босқа сарп етпей, өмірде кездескен түрлі қиындықтарға мойымаған әрі қоғамға пайдасын тигізген тұлғаларға арналған «Қажырлы еңбек – табыс кілті» атты флаерлер (инфографикалар) дайындау жобасын ұйымдастырады.

Мақсаты: ҚР Тәуелсіздіктің 30 жылында әр салада қажырлы еңбектің арқасында жетістікке жеткен адамдардың тәжірибесін, еңбекқорлық құндылықтарын, ұдайы өзін-өзі жетілдіру идеясын тарату арқылы еңбекке деген сүйіспеншілікті насихаттау, жастарға үлгі ету.

Қажырлы еңбектің арқасында көрнекті жетістікке жеткен тұлғалардың еңбек салалары:

 

 

 

  • білім беру;
  • ғылым;
  • медицина;
  • мәдениет;
  • ауыл шаруашылығы;
  • өнеркәсіп.

 Көрнекті жетістіктің белгілері:

  • қоғамға және адамзатқа пайдасын тигізетін шәкірт тәрбиелеу, ұрпаққа мұра қалдыру;
  • өз еңбек саласын республикалық, әлемдік деңгейде бәсекеге қабілетті ету;
  • ғылымда, өндірісте жаңалық ашу.

Қажырлы еңбектің белгілері:

  • ұзақ жыл бір салада еңбек ету;
  • өмірде және еңбекте кездескен түрлі қиындықтарға мойымау;
  • кәсіби біліктілгі мен дағдыларын және уақытын тиімді пайдалануға бағыттау;
  • еңбек жолында қайсарлық, қайраттылық, табандылық таныту.

Қатысу шарттары:

  1. Тұлғалардың кандидатурасын үшінші тараптан Instagram желісіндегі өз парақшасында ұсынады. Ұсынылатын тұлғалардың жасына шек қойылмайды.
  2. Қабылдау мерзімі: 2021 жылғы 23 наурызға дейін.
  3. Тұлғаларды ұсыну жарияланымында (пост) #қажырлыеңбек және #выдающийсяуспех хештегтерін қолдану міндетті.
  4. Тұжырымдаманың белгілеріне сай іріктелген тұлғалар туралы инфографикалар дайындалады.
  5. Тұлғалар туралы ақпараттар Ruh.kz, Kipd.kz сайттарында және Instagram парақшаларында жарияланады.

«Музей өздеріңмен бірге» қайырымдылық акциясы

«Музей өздеріңмен бірге» қайырымдылық акциясы ҚР Мемлекеттік орталық музейі 20 жыл бойы жыл сайын түрлі дамуында ақауы бар және мүмкіндігі шектеулі тұрақты медициналық емделуде, түрлі аурулары және мүгедектігі бар балаларға, сондай-ақ жетім балалар мен аз қамтылған отбасылардан шыққан балаларға арналған қайырымдылық акцияларын жыл сайын дәстүрлі түрде өткізіп келеді.

Бұл акция музей үшін балаларға қуаныш сыйлайтын жақсы дәстүрге айналды.

Қазақстан Республикасы Мемлекеттік орталық музейі санитарлық-эпидемиологиялық жағдайға қарамастан, мүмкіндігі шектеулі балаларды назардан тыс қалдырмады және Жаңа 2021 жыл қарсаңында осы санаттағы балалар мен әлеуметтік көмекке мұқтаж отбасыларға материалдық және моральдық қолдау көрсету және сол арқылы олар үшін мереке ұйымдастыру мақсатында «Музей өздеріңмен бірге» қайырымдылық акциясын өткізеді.

Акция аясында музей қызметкерлері балаларға арналған сыйлықтарын үйлеріне барып табыс етеді. Бұл қайырымдылық акциясы интернеттің әлеуметтік желілерінде орналастырылады.

ҚР Орталық музейі және серіктестер мен демеушілердің қолдауымен ұйымдастырылған «Музей өздеріңмен бірге» қайырымдылық акциясы биыл мүмкіндігі шектеулі балалар үшін тосын сый болады. Бұл акция бақыт пен қуаныш әкеледі деп үміттенеміз, өйткені Жаңа жыл - бұл нағыз ертегі, жақын достарымен және туыстарымен кездесу уақыты.

 2020 жылы қайырымдылық акцияға қолдау көсеткендер: Алматы қаласындағы ҚХР Бас Консулдығы, «Бостан» ЖШС, «Алатау-Құс» ЖШС, «ZUGO HOME TEXTILE», «Lemonadoff Food» ЖШС, «ByArT» көркемсурет студиясының жетекшісі Тюлеубаева Ажар, ЖШС «Скиф трейд» «Мейірім» ҚҚҚ, «AMIRAN» ЖШС, «Бисквит» кондитерлік үйі.

Сайт материалдарын пайдаланған жағдайда, музейге сілтеме көрсетілуі керек. // При использовании информации с сайта, просим указывать источник.
When using information from this site, please link to the source