Қазақстан Республикасы Ұлттық орталық музейі Халықаралық мүмкіндігі шектеулі жандар күніне орай «Жүректен жүрекке» қайырымдылық мәдени іс-шарасын өткізді. Шара барысында ерекше жандардың құрметіне «Жүректен жүрекке» атты концерттік бағдарлама ұйымдастырылып, демеушілер тарапынан сый-сияпат табысталды. Іс-шараны ҚР Ұлттық орталық музейі директорының орынбасары Арайлы Бақытқызы салтанатты түрде ашып, музей ұжымы осындай игі бастамаларды алдағы уақытта да жалғастырып, қоғамның әрбір мүшесіне тең мүмкіндік беруге бағытталған жобаларды қолдайтынын, демеушілерге деген зор ризашылығын жеткізді. Ұлттық орталық музей ұжымының атынан демеушілерге алғыс хаттар табысталды. Сөз алған «Аламәт» продюсерлік орталығының директоры, «ШАБНАМ» Ұйғыр креативті әйелдер қоғамдық бірлестігінің төрайымы, тележүргізуші, әнші, өнер қайраткері, продюсер Кальбинур Аруп Розиева, Алматы қаласы Жигит беши одағының Алатау ауданы бойынша Бас жігіт басы Абдурашит Маметов игі шараға келушілер мен игілікті іске атсалысқан барша көпшілікті құттықтап, жүректен шыққан әрбір жылы сөз, әрбір игі іс міндетті түрде басқа жүрекке жететіндігін айтты.
«Жүректен жүрекке» атты қайырымдылық және мәдени іс-шарасы – мейірім мен қамқорлықтың, адами құндылықтардың, тең мүмкіндіктер идеясының көрінісі болды.
Бізге демеушілік көрсеткендер: «Das sauda» ЖШС, «CEZARO» ЖШС, «Бостан» ЖШС, «Фирдаус» ЖК, «JLC Cүт» ЖШС, «Dolce» фармацевтикалық компаниясы, «Алатау-Құс» АҚ, «Жан әжем» компаниясы, «SULTAN» маркетинг компаниясы, «Аламәт» продюсерлік орталығы, «Shabnam» ұйғырдың креатив әйелдер республикалық қоғамдық бірлестігі, Алматы қаласы Жигит Беши одағы.
