2026 жылдың 25 ақпан күні Ұлттық орталық музейде инклюзивті балаларға арналған «Жыр патшалығының алыбы-Жамбыл» атты музейлік сабақ өтеді. Музейлік сабақта Жамбыл Жабаев туралы бейнеролик көрсетіліп, музей қорынан алынған көрме ұсынылады. Оқушыларға шебер Роза Махмутова шимен тоқыған ақынның портретін көрсетіп шеберлік сабақ ұйымдастырады, сонда-ақ домбыра шебері Асима Иманғалиевамен кездесу ұйымдастырылады.
Жамбыл Жабаевқа арналған шараның негізгі мақсаты – жыр алыбының бай әдеби мұрасын, оның өмірі мен шығармашылығын дәріптеу, жас ұрпаққа насихаттау. Сонымен қатар, ақын өлеңдері арқылы отансүйгіштікке, ұлттық рухқа, адамгершілікке тәрбиелеу және поэзия мен өнерге деген сүйіспеншілігін арттыру көзделеді.
