Қазақстан Республикасы Ұлттық орталық музейі, Алматы қаласы әкімдігінің Туризм басқармасы мен Қазақстан этнодизайнерлер одағымен бірлесіп 2026 жылдың 16 наурызы күні сағат 11.00-де «Наурызнама» онкүндігі аясында, 16 наурыз – Мәдениет және ұлттық салт-дәстүр күніне орай, Алматы қаласында алғаш рет «Nomadic Art: Дала мәдениетінің жаһандық бейнесі» атты халықаралық фестиваль және ғылыми-практикалық конференциясын өткізеді.
2024 жылдан бастап Президент тапсырмасына сәйкес елімізде Наурыз мерекесінің бастапқы мәнін жаңғыртып, оның терең мазмұнын кеңінен таныту мақсатында Наурызнама онкүндігінің тұжырымдамасы бекітілді. Қазақ халқының басты құндылықтарының бірі – ұлттық салт-дәстүр. Осы тұжырымдамаға сәйкес 16 наурыз Мәдениет және ұлттық салт-дәстүр күні болып белгіленді. Тіршілігіміздің әр қыры салт-дәстүрмен сабақтасқан халқымыз үшін ұлттық мұраның сақталып, күнделікті өмірде кеңінен қолданылуы қашанда маңызды. Бұл күні халқымыздың бай мәдени мұрасы ұлықталып, оны келер ұрпаққа жеткізудің мән-маңызы айқындала түседі.
Фестивальдің мақсаты: Ұлттық жәдігерлерді заманауи этнодизайн арқылы қайта жаңғырту, көшпелілер мәдениетін әлемдік деңгейде насихаттау және халықаралық шығармашылық байланыстарды нығайту.
Фестиваль аясында «Ұлттық мұра – ұрпаққа аманаты: Музей жәдігерлері мен этнодизайнның тоғысуы» тақырыбында ғылыми-практикалық конференция, Fashion Show: отандық және шетелдік дизайнерлердің этно-коллекциялар шеруі, Craft Fair: қолөнер шеберлерінің халықаралық көрмесі, Master classes: көне технологияларды жаңғырту бойынша интерактивті сабақтар өткізіледі.
Жоба көшпелілер өркениетінің мәдени кодын заманауи креативті индустрия тілінде сөйлетіп, ұлттық қолөнерді жаһандық нарыққа шығаруды көздейді. Аталмыш фестиваль — дәстүр мен инновацияны, этнография мен сән әлемін тоғыстырған бірегей мәдени платформа.
ФЕСТИВАЛЬДІҢ ТОП-5 ЭКСКЛЮЗИВТІ БАҒЫТЫ:
— World Craft Cities Showcase: Дүниежүзілік қолөнершілер қалалары мәртебесіне ие Тараз жұмсақ өнердің шыңы (киіз басу), Түркістан топырақтан туған өнер (керамика) және Алматы тектілік символы (зергерлік бұйымдар) қалаларының эксклюзивті экспозициялары.
— Ethno-Fashion Show: Дала подиумы Ұлттық нақышты Haute Couture стилімен ұштастырған эксклюзивтісән көрсетілімі. Отандық және шетелдік топ-дизайнерлер көшпелілер эстетикасының жаңа қырларын ашады.
— Fumage (Түтінмен сурет салу): От пен түтінді қолдану арқылы жасалатын сирек техникадағы перформанс және шеберлік сыныбы. Көшпелілердің тылсым бейнелерін тірілтетін ерекше өнер форматы. Этнографиялық көрме: Көне жәдігерлер мен заманауи суретшілердің авторлық инсталляцияларының диалогы. Эксперименталды МК: Бейнелеу өнерінің ерекше техникалары мен авторлық стильдер бойынша интерактивті алаңдар. — Креативті коворкинг және шеберлік сыныптары: Келушілер ЮНЕСКО-ның материалдық емес мәдени мұра элементтерінің ұлттық тізбесіне енген сүйек өңдеу өнерінің көрмесі мен шеберлік сабақтары көрсетіледі: киіз басу, керамика және зергерлік бұйымдар жасау процесіне тікелей қатысып, шеберлерден тәлім алады.
— Business & Strategy: Жаһандық интеграция Фестиваль аясында WCC сарапшыларымен B2B кездесулер өтіп, Орталық Азия қолөнершілерін халықаралық нарыққа шығару бойынша стратегиялық келісімдерге қол қойылады.
«Nomadic Art» – бұл өткенді сағыну емес, өткеннің асыл мұрасын болашақтың табысты брендіне айналдыру. Фестиваль аясында Қазақстандық этнодизайнерлер одағы мен халықаралық ұйымдар арасында стратегиялық келісімдер жасалып, отандық қолөнершілерге халықаралық деңгейдегі сертификаттар табысталады. Шара Алматының туристік әлеуетін арттырып, қаланы Орталық Азиядағы мәдени-«креативті хаб» ретінде танытуға бағытталған. өңдеп жіберші
Фестиваль барысында Қазақстандық этнодизайнерлер одағы мен халықаралық ұйымдар арасында стратегиялық серіктестік келісімдер жасалып, отандық қолөнершілерге халықаралық деңгейдегі сертификаттар табысталады.
Бұл шара Алматы қаласының туристік әлеуетін арттырып, оны Орталық Азиядағы мәдени және креативті хаб ретінде танытуға бағытталған.
Байланыс телефондары:
264-55-66, 8 707 598 57 53
БАҚ үшін байланыс: +7 701 640 5247
