2026 жылғы 20 наурыз күні сағат 11:00-де Қазақстан Республикасы Ұлттық орталық музейінде «Genius» даму орталығының ұйымдастыруымен «Анам менің бояуларымда» атты балалар көркемөнер көрмесінің ашылу салтанаты өтеді. Аталған көрме әрбір баланың өміріндегі ең жақын әрі ең қымбат жан — анаға арналады.
Көрме көктем мерекесіне орай ұйымдастырылып, балалардың ана бейнесіне деген шынайы сүйіспеншілігін, алғысы мен құрметін білдіреді.
Көрмеде жас суретшілердің шығармашылық туындылары ұсынылған. Олар сурет пен кескіндеме арқылы ананың мейірімі мен қамқорлығын, жылулығы мен нәзіктігін өздерінің балалық сезімімен бейнелейді. Балалар өз шығармаларында ананы әр қырынан көрсетеді: шаңырақтың берекесін сақтаушы, дана тәлімгер, сенімді дос әрі шексіз махаббаттың қайнар көзі ретінде.
Экспозицияның ерекше құндылығы — жас суретшілердің туындыларында олардың ішкі жан дүниесі мен сезімдерінің көрініс табуында. Онда олардың ең қымбат жанға деген алғысы, сүйсінісі және терең сезімдік байланысы бейнеленген. Бұл тұрғыда өнер бала жүрегіндегі сүйіспеншілік пен құрметті білдірудің ерекше тәсіліне айналып, отбасы дәстүрлері мен құндылықтарын дәріптеудің маңызды құралы ретінде көрініс табады.
«Анам менің бояуларымда» көрмесі баланың жан-жақты дамуына көркем білімнің маңызын, отбасыға деген құрметті қалыптастырудағы және рухани, отбасылық құндылықтарды нығайтудағы рөлін айқын көрсетеді. «Genius» балалар орталығының педагогтері жас суретшілерге шығармашылық арқылы өз сезімдерін ашып көрсетуге және қарапайым дүниелердің өзінен әсемдікті көре білуге бағыт-бағдар беретін тәлімгер қызметін атқарады.
«Мама менің бояуларымда» көрмесінде 50 өнер туындысы ұсынылған, әрқайсысы ерекше әрі жүректі тебірентерлік сырға толы. Көрме көрерменді балалардың көзімен әлемді көруге, олардың өнер арқылы анасына деген шынайы және шексіз махаббатын сезінуге шақырады.
Көрме 2026 ж. 3 сәуіріне дейін жалғасады.
Мекенжай: Самал-1, 44. (ҚР Ұлттық орталық музейі)
