Палеоантропологиялық коллекцияда қола, ерте темір және түркі дәуірлеріне жататын адамның қаңқа сүйектері сақталған. Коллекциядағы палеоантропологиялық материалдар 890 сақтам бірліктен тұрады. Негізгі материалдар Қызылорда облысындағы Шірік-Рабат қорымы, (хронологиялық мерзімі б.з.д. ІV- II ғғ.) және Арыс мәдениеті Күлтөбе моласы, Қаңлы (Кангюй) мемлекеті (тарихи хронологиясы б.з. І-ІVғғ.) кезеңдерін қамтиды. Қазіргі кезеңде аталмыш материалдарға краниологиялық сипаттамалар бойынша зерттеулер жүргізілуде. Ал Оңтүстік Қазақстан өңірінен жиналған палеоантропологиялық материалдар қор толықтырылуда.
Сонымен қатар, коллекцияда Қазақстан мен Моңғолия (Баян-Өлгий) аумағынан жиналған 650 дана одонтологиялық (тіс морфологиясы) және 500 дана дерматоглификалық (алақан мен саусақ өрнектері) материалдар сақталуда.
Қызылорда облысы, б.з.д. IY-II ғғ. Шірік-Рабад қалашығы
ОҚО, Арыс мәдениеті, Күлтебе қорымы. б.з. I-IY ғғ.
