Қазақстан Республикасының Орталық Мемлекеттік Мұражайы

Соңғы жаңалықтар

27.08.2025 ж. Шыңжаң-Ұйғыр автономиялық районының құрылғанына 70 жыл толуына орай ҚХР суретшілерінің «Таңғажайып Қытай: Шыңжаң өнері мен сұлулығы» атты көркем фотосурет пен өнер туындылары көрмесі

2025 жылғы 27 тамыз күні сағат 16:00-де Қазақстан Республикасы Мемлекеттік орталық музейі, Қытай Халық Республикасының Алматы қаласындағы Бас консулдығы, Бүкілқытайлық мәдениет және өнер қызметкерлері қауымдастығы

Подробнее »

22.08.2025 ж. Қазақстанның көрнекті графигі және кескіндемешісі Аман Бақтығалиұлының 80 жылдық мерейтойына арналған мемориалдық көрмесі

Қазақстан Республикасы Мемлекеттік орталық музейі 2025 жылғы 22 тамыз бен 5 қыркүйек аралығында Қазақстанның көрнекті графигі және кескіндемешісі Аман Бақтығалиұлының 80 жылдық мерейтойына арналған мемориалдық

Подробнее »

25.07.2025 ж. Билет бағасы өзгерді!

ҚҰРМЕТТІ МУЗЕЙГЕ КЕЛУШІЛЕР! Қазақстан Республикасының Мемлекеттік орталық музейі музейге кіру құны мен көрсетілетін қызметтер бағасының өскені туралы хабарлайды. Бұл қадам  музейде өткізілетін іс-шаралардың сапасын арттыру

Подробнее »

25.07.2025 ж. Молдахмет Сыздықұлы Кенбаевтың (1925–1993) туғанына 100 жыл толуына арналған «ЖАРҚЫН БОЯУЛАР ШЕБЕРІ» мерейтойлық көркемөнер көрмесі.

2025 жылғы 25 шілде күні сағат 16:00-де Қазақстан Республикасы Мемлекеттік орталық музейінде көрнекті қазақстандық суретші, Қазақ КСР-інің еңбек сіңірген өнер қайраткері, Қазақ КСР-інің халық суретшісі

Подробнее »

26.02.2025 ж. «Көктемгі рапсодия» көркемөнер көрмесі

2025 жылғы 26 ақпанда сағат 15.00-де ҚР Мемлекеттік орталық музейінде Алматы қаласының Белсенді ұзақ өмір сүру орталығының ұйымдастыруымен 8 наурыз – Халықаралық әйелдер күніне арналған «Көктемгі рапсодия» көркемөнер көрмесінің ашылуы өтеді.

Көрмеде 61 жастан 84 жасқа дейінгі 31 қатысушының акварель, гуашь, акрил және майлы бояу сияқты түрлі техникада орындалған 96 өнер туындысы ұсынылады. Жұмыстардың тақырыптық және жанрлық әртүрлілігі көктем мен әйел сұлулығының символы ретінде гүлдерді, пейзаждарды, натюрморттарды, абстракцияларды, декоративтік кескіндемені, интерьерлік композициялар мен графиканы қамтиды.

Көрменің символдық мәні оның тақырыбымен тығыз байланысты: көктем – жаңару мен шабыттың белгісі, ал әйел бейнесі – сұлулықтың, нәзіктіктің және өмірлік қуаттың көрінісі. Бұл идеялар ұсынылған әрбір жұмыста көрініс тауып, өнер мен табиғатты үйлесімділікпен байланыстырады.

Көрменің мақсаты – кез келген жаста сурет салуды үйренуге және көркем туындылар жасауға болатынын қоғамға көрсету. Белсенді ұзақ өмір сүру орталығының қатысушылары үшін бейнелеу өнері өзіндік көркемдік ойды білдіру тәсілі ғана емес, сонымен қатар арт-терапия мен денсаулықты нығайтудың тиімді құралына айналды.

Белсенді ұзақ өмір сүру орталығының қатысушыларының жасы әртүрлі, олар шығармашылықпен 3 айдан 2,5 жылға дейін айналысып келеді. Оларға суретші-график, акварелист, Қазақстан және Грузия Суретшілер одағының мүшесі, ҚР Өнер академиясының вице-президенті, «Қазақ өнерінің қайраткері» және «Тарланды Великого Эля» медальдарымен марапатталған, Ұлыбританияның ОСА журналының нұсқасы бойынша Еуразияның ең ықпалды 40 тұлғасының қатарына енген кескіндеме педагогы Марлан Кенесұлы Нысанбаев жетекшілік етеді. Дәл оның бастамасы мен қолдауының арқасында бұл көрме ұйымдастырылды. Оны өткізу идеясы да тікелей өзіне тиесілі, өйткені ол қатысушыларды шығармашылыққа шабыттандырып қана қоймай, олардың дамуына белсенді түрде ықпал етіп, өзін-өзі білдіруге және жаңа жетістіктерге жетуге мүмкіндік беретін кеңістік қалыптастырып келеді.

2022 жылдан бері жұмыс істеп келе жатқан Алматы қаласының Белсенді ұзақ өмір сүру орталығы, (орталықтың директоры және негізін қалаушысы, «Құрмет» орденінің иегері – Бекетаева Сауле Станиславовна) егде жастағы адамдарға денсаулықты нығайтуға, қолайлы орта қалыптастыруға және өмір сүру сапасын арттыруға бағытталған кең ауқымды қызметтерді ұсынады. Орталықтың білікті мамандары мен нұсқаушылары қарттарға 40-тан астам әлеуметтік қызмет түрін тегін көрсетеді, оның ішінде: геронтолог дәрігерінің кеңестері, өз-өзін сауықтыру жүйесі бойынша психологиялық тренингтер, дене шынықтыру, йога, кинезиология, скандинавиялық жүріс, сондай-ақ декоративті-қолданбалы өнер мен кескіндеме бойынша шеберлік сыныптары өткізіледі. Орталық Наурыз мейрамы, ұлттық киімдердің көрсетілімімен концерттік бағдарламалар, ұлттық шығармашылық көрмелер, ұзақ өмір сүру фестивальдері мен флешмобтар, өнім жинау мерекелері және басқа да ірі іс-шараларды белсенді түрде ұйымдастырып келеді.

2023 жылы Орталық «Алматы әжелері» жас ерекшеліктері бойынша модельдер клубын іске қосты (жетекшісі – Қазақстан Республикасының білім үздігі Ищанова Зина Сайлауовна). Ең жас модельдің жасы 76-да. Бұл таңғажайып әйелдер Италиядағы халықаралық сән апталығында Қазақстанды таныстырды, Түркия, Қырғызстан елдерінде өткен халықаралық этнофестивальдерде жеңімпаз атанды және 2024 жылы қалалық ұлттық киімдер фестивалінің жеңімпаздары болды. Олардың жарқын қойылымдары бұқаралық ақпарат құралдарында кеңінен талқыланды. Жас ерекшеліктері бойынша модельдер тобы сондай-ақ Ольга Сапожникованың «Өзіңе жол. Ұзақ өмір» атты деректі фильмінің кейіпкерлеріне айналды.

Музей алматылықтарды «Көктемгі рапсодия» көрмесін тамашалауға және шығармашылық арқылы жаңа жетістіктерге жеткен қарт адамдардың шабыттандыратын өмірлік тарихтарының куәгері болуға шақырады. Олар үшін өнер – қуаныш, өзін-өзі жүзеге асыру және жаңа мүмкіндіктерге қол жеткізудің қайнар көзіне айналған.