2025 жылдың 05 наурызы күні Қазақстан Республикасы Мемлекеттік орталық музейінде «АЛТЫН АДАМНЫҢ МҰРАСЫ» көрмесі ашылады. Көрме жұмысы кванттық физика арқылы әлемде тұңғыш рет Есік қорғанындағы Алтын адам мұрасы бойынша прото дәуірдегі алғашқы адамзат тілінің расшифровкасын жасап, 25 том кітап жазған жаратылыстанушы ғалым, адамзаттың 50000 жылдық тарихына бойлап, байырғы жаһандықтұлғалар өмірін суреттеп, ежелгі өркениеттердің ғажайып құпиясын бүгінге жеткізген бірегей зерттеуші – Мағрипа Жылқыбаеваның 80-жылдық мерейтойына арналады.
Көрмеде Мағрипа Жылқыбаеваның жеке заттарымен ғылыми еңбектері қойылады. Сонымен катар, көрменің ашылу салтанатында “Үш киян” баспасының директоры Махмут Қосмамбетов жаратылыстанушы ғалым Мағрипа Жылқыбаеваның Алтын адамның күміс зереншесіндегі 26 таңбасын расшифровкалау нәтижесінде жазып шыккан “Алтын адамның аманаты”, “Алтын адамның мұрасы”, “Құпия күштер кұдіреті” деп аталатын кітаптарының таныстырлымын өткізеді.
Өтетін күні мен уақыты: 05 наурызы 2025 жыл. сағат 11.00.
Көрме 2025 жылдын 05 – 21 наурызы аралығында өтеді.
