04.09.2024 ж. «Ашық қалпына келтіру орталығының» таныстырылымы
Қазақстан Республикасының Мемлекеттік орталық музейі 2024 жылдың 4 қыркүйегі күні сағат 11.00-де Қазақстан Республикасы Мәдениет және ақпарат министрлігі Мәдениет комитетінің қолдауымен ашылатын «Ашық қалпына келтіру орталығының» таныстырылымы және «Мәдени құндылықтарды қалпына келтіру жолдары» дөңгелек үстеліне шақырады.
«Ашық қалпына келтіру орталығы» жобасының мақсаты – музейлерде ашық қалпына келтіру орталықтарын ұйымдастыру арқылы қалпына келтіру жұмыстарын жүргізу бойынша білім беру алаңын ұйымдастыру, сонымен қатар қалпына келтіру мамандары, тарихшылар мен өнер сүйер қауым арасындағы іскерлік қарым қатынасты қалыптастыру. Мұндай орталықтарды қоғамдық өмірге енгізу мәдени нысандар мен музейлер қорларындағы музейлік заттарды сақтаудың маңыздылығын музей көрермендері арасында жан-жақты насихаттау және көрермендер арасында белсенді азаматтық ұстанымды қалыптасыруға ықпал ету.
Жобаның міндеті: Қалпына келтіру мамандарын ерте жастан қалыптастыру мақсатында білім беру және ағарту жұмыстарын жолға қою; қалпына келтіру кезеңдерінің көрсетілімін ұйымдастыру; зерттеу жұмыстарын және құжаттаманы жүргізудің жолдарымен таныстыру; қоғамдастықпен өзара әрекеттесу; мәдени мұраны сақтау; қалпына келтіру мамандары желісін қалыптастыру; әртүрлі аудиторияларға арналған бағдарламаларды әзірлеу және т.б.
«Мәдени құндылықтарды қалпына келтіру жолдары» дөңгелек үстелінің негізгі баяндамашылары: ЮНЕСКО және Еуроодақтың Жібек жолы жобасының үйлестірушісі Маджер Масанов «Жібек жолы бойынша ЮНЕСКО жобалары аясында жүзеге асырылған қалпына келтіру жұмыстары»; Қазақстан қолөнершілер одағының төрағасы, материалдық емес мәдени мұра жөніндегі ұлттық комиссияның мүшесі және сарапшысы Айжан Бекқұлова және «Қырым аралы» ғылыми-қалпына келтіру зертханасының дизайнері және реставраторы Элина Алтынбекова «Қожа Ахмет Яссауи кесенесінің оюлы есігінің қайта жаңғыруы: консервациялау және қалпына келтіру» тақырыбында баяндама жасайды.
«Ашық қалпына келтіру орталығының» ашылуы барысында Орталық музей қызметкерлері келесі бағыттар бойынша шеберлік сааттарын ұсынады:
- Керамика бұйымдарды қалпына келтіру (А.М.Құрақбаев);
- Кілем және тоқыма бұйымдарын қалпына келтіру (Д.Ибраева);
- Киіз бұйымдарды қалпына келтіру (Мекебаева Г.);
- Киім және мата бұйымдарын қалпына келтіру (Перова О.);
- Металлдан жасалған бұйымдарды қалпына келтіру (Шайкенов Б.);
- Бейнелеу өнері туындыларын қалпына келтіру (Заманбекова Ш.).
«Ашық қалпына келтіру орталығының» құрылуы музейге деген қызығушылықты арттырып, музей көрермендерінің, мамандардың (қалпына келтіруші, өнертанушы, суретші, сәндік-қолданбалы өнер шеберлері және т.б.), ғылыми қоғамдастықтың, сондай-ақ Қазақстанның тарихи-мәдени мұрасы мәселелеріне қызығушылық танытатын көпшіліктің назарын аударары сөзсіз.
Таныстырылым аясында бірегей экспонаттар – белгілі зерттеуші, өнертану ғылымдарының докторы, Орталық Азия мен Қазақстанның сәулет өнерін зерттеуші кеңестік ғалым Лия Юлиевна Маньковскаяның Қожа Ахмет Ясауи кешенін қалпына келтіру жұмыстарына даярлаған сызбалары, ҚазКСР-нің еңбек сіңірген суретшісі Молдахмет Сыздықұлы Кенбаевтың (1925-1993) Қожа Ахмет Ясауи кесенесі есігінің қарындашпен салған сызбасы ұсынылады.
29.08.2024 ҚР Коституциясы күніне арналған «Ата заң - айбыным» меркелік шара
Қазақстан Республикасы Мемлекеттік Орталық музейінде 2024 жылдың 29 тамызы күні сағат 11.00-де Қазақстан Республикасының Коституциясы күніне орай «Ата Заң - айбыным» салтанатты шарасы өтті.
Алғашқы құттықтау сөз Орталық музей директоры Рашида Ерімқызы Хариповаға берілді. Ол Қазақстан Республикасының Конституциясы демократиялық институттарды нығайту, азаматтардың әл-ауқатын арттыру және әлемнің дамыған 30 елінің қатарына ену жолында қоғамды шоғырландырудың қуатты факторы екенін айта келіп, мемлекеттің басты мерекесі қарсаңында мәдени саланың дамуына елеулі үлес қосып жүрген бірқатар музей қызметкерлерін марапаттады.
![]() |
![]() |
![]() |
![]() |
![]() |
![]() |
Сонымен қатар, шара қонағы "Офицерлер одағы" ҚБ Президиумның төрағасы генерал майор Телегусов Махмуд Өтегенұлына сөз алып, атаулы күннің мән-маңызына тоқталды.
Шараға Алматы қаласы Полиция департаментінің оркестры, оркестрдың солистері және 97617 әскери бөлімнің қызметкерлері Жоғарғы әскери-техникалық мектебінің курсанттары қатысып, өнер көрсетті.
09.08.2024.«Абай күніне» арналған «Жазамын мен бәйітті.....» әдеби-сазды кеш
Қазақстан Республикасы Мемлекеттік орталық музейі 2024 жылдың 9-тамыз күні қазақтың ұлы ақыны, ағартушы, жазба әдебиетіміздің негізін қалаушы Абай Құнанбайұлының туған күніне арналған «Жазамын мен бәйітті...» әдеби-сазды іс-шараны өткізді.
Іс-шара мақсаты: Абай шығармалары арқылы әр тұлғаның бойына адами құндылықтарды сіңіру.
![]() |
![]() |
![]() |
![]() |
![]() |
![]() |
![]() |
![]() |
Шараны Қазақстан Республикасы Мемлекеттік орталық музейінің директоры Р.Е.Харипова ашып, Орталық музей қорындағы Абай мұрасына қатысты аса құнды жәдігерлермен таныстырды.
Сондай-ақ Әуезов атындағы әдебиет және өнер институтының жас ғалымдар кеңесінің төрағасы Мағазбеков Нұр Жандосұлы сөз алып, Абай мұрасын насихаттау қай кезеңде де құндылығын жоғалтпайтынын тілге тиек етті.
ҚР мәдениет саласының үздігі, ҚР жазушылар одағының мүшесі, күйші Қараш Талапұлы ақынға арналған өз шығармасынан «Абай тойы» күйін орындады.
Сонымен қатар, Абай атындағы Қазақ Ұлттық опера және балет театрының солисті, Халықаралық конкурстардың лауреаты Балуан Беркенов «Көзімнің қарасы» әнін орындаса, Халықаралық конкурстардың лауреаты Алияр Өтетілеу «Абайға арналған фортепианолық фантазия» шығармасын көрермен назарына ұсынды.
Республикалық Достық үйіне қарасты этно-мәдени орталықтардың өкілдері, Алматы қаласы «Шыңға өрлеу» әлеуметтік клубы «Жас қанат» бөлімінің және облыстық арнаулы әлеуметтік қызметтерді қажет ететін балаларды қолдау орталығының тәрбиенушілері де өнерлерін ортаға салды. Ал музейлік педагогика бөлімі музей қорында сақталған Абай Құнанбаевтың жеке заттарына экскурсиялық шолу жүргізіп, «Абай ақын, Абай сазгер» викториналық ойынын өткізді.
14.08.2024 ж. Мәдина Ералиеваның туғанына 70 жыл толуына орай "ҚАЗАҚТЫҢ АҚБАЯНЫ" мәдени сазды кеші
Биыл Қазақстанның еңбек сіңірген әртісі, күміс көмей әнші Мәдина Ералиеваның туғанына 70 жыл толып отыр. Осыған орай, Қазақстан Республикасы Мемлекеттік орталық музейі «Қазақтың Ақбаяны» мәдени-сазды кешін өткізді.
![]() |
![]() |
![]() |
![]() |
![]() |
![]() |
Мәдина Ералиева өзіне ғана тән қайталанбас әншілік мәнерімен, орындау ерекшелігімен дараланатын «Күрең күз», «Сағым жылдар», «Ақбаян» сынды әндерімен халық жадында сақталған, халықтың сүйікті әншісіне айналған жан. Кешке Мәдина Ералиеваның ұлы Арсен Ералы, сіңлісінің қызы Ақжан және ұстаздары мен жақын достары қатысты.
Шарада Т.Жүргенов атындағы Қазақ ұлттық өнер академиясының студенті Аймағанбет Хайролла, Талғар мәдениет үйінің әншілері Гаухар Сардарбек, Баржан Ерғайып және М.Мәметова атындағы мектептің оқытушысы Ая Кемербаева Мәдина Ералиеваның репертуарынан «Есіңе мені алғайсың», «Күрең күз», «Айқаракөз» әндерін орындады. Кештің соңында
Мәдина Ералиеваның «Сағындым, сағым жылдар» әнін шараға келген көрермендер қосыла шырқады.
05.07.2024 -30.08.2024 аралығында Жазғы шығармашылық бағдарлама
Қазақстан Республикасы Мемлекеттік орталық музейі 05.07.2024 -30.08.2024 аралығында балалар мен үлкендерді жаздық бағдарлама аясында ұйымдастырылып отырған түрлі шеберлік сабақтар, қызықты квест ойындары мен экскурсияларға шақырады. Шеберлік сабақта жасаған бұйымдарын қатысушы өзімен бірге алып кете алады. Сонымен қоса, «Менің отбасым музейде» фото-байқауына қатысып, үздік деп танылған фотосурет музейдің әлеуметтік желілерінде жарияланатын болады.
Шеберлік сабақтар мен экскурсия, квест ойындары ақылы түрде өтеді.