«Алтын Орда» экспозициялық залы екі ғасырдан астам уақыт бойы Шығыс Еуропадан Орталық Азияға дейінгі ұлан-ғайыр аумақта саяси, экономикалықжәне мәдени өмірде шешуші рөл атқарған мемлекетке арналған.

XIII-XIV ғасырларда Қазақстан аумағында Жошы ұлыстары (Алтын Орда) мен Шағатай ұлыстары пайда болды. Олар кейіннен Ақ Орда, Моғолстан, Әбілқайыр мемлекетін, содан кейін Қазақ хандығын құрды. Бұл мемлекеттерде қала мен дала да антагонистік әлемдер емес еді, бірақ олардың дәстүрлі экономикалық базасы болды, дала мен қала бір-бірін толықтырды, малшылар мен егіншілердің тайпалары көршілес болды.

Қазақстан тарихындағы Алтын Орда кезеңі екі жарым ғасырды қамтиды. Жалпы бұл кезең Қазақстандағы кейінгі этносаяси процестерге елеулі әсер етті. Оңтүстігінде болған күйреуге қарамастан, Алтын Орданың өмір сүру кезеңі Ұлы Даланың экономикалық және мәдени гүлденген кезеңі болды. Қазақстан халықаралық қатынастар мен сауда орталығына айналды. Соңында этникалық карта қалыптасты, ол антропологияда моңғолоидтық айқын басымдығымен көрінді.

Ұзақ жылдар бойы Қазақстан Республикасы Ұлттық орталық музейінің археология қорында (бұдан әрі – ҰОМ РК) ортағасырлық бай коллекция қалыптасты. Солардың ішінде XIII–XIV ғасырларға жататын, Алтын Орда дәуірінің мәдениеті мен тұрмысын бейнелейтін артефактілер ерекше орын алады. Бұл коллекциялар көшпелі және қалалық мәдени дәстүрлердің сан қырын көрсетеді. Артефактілер археологиялық экспедициялар барысында, көмбелерден немесе кездейсоқ табылған олжалар.

Экспозициялық материалдар ақпараттық кешендер арқылы ұсынылады:

1. XIII–XIV ғасырлардағы Қазақстан аумағындағы Алтын Орда қалалары. Сарайшық қалашығы XIII–XIV ғғ., Отырар алқабындағы қалашықтарда XIII–XIV ғғ. қолөнер, металлургия, әйнек жасау, егіншілік және суару жүйелерін дамыту.

2. XIII–XIV ғасырлардағы жауынгер қару-жарағы. Шағатай әулетінің жоғары ақ сүйектеріне тиесілі жібек матадандан жасалған салтанатты киім фрагменттері XIII–XIV ғғ.

3. Ұлы Жібек жолы. Сауда. Импорт бұйымдар. Теңгелер.
4. XIII–XIV ғғ. культтік архитектуралық өнері.