Қазақстан Республикасы Мемлекеттік орталық музейі Венгрияның Алматыдағы Бас консулдығымен бірлесіп 2021 жылдың 21 маусымы күні сағат 15.00-де Мажар Ғылым Академиясы Шығыс жинағы Кітапханасы материалдары негізінде дайындалған «Армин Вамбери түркі дүниесінің мажар ғалымы» атты ақпараттық көрмесін ашады. Көрме саясатшы, акдемик, профессор, Мажар География Қауымдастығының негізін салушы және мажар шығыстану ғылымының ерекше тұлғасы Армин Вамбериге арналады.
Армин Вамбери (1832-1913) Оңтүстік Германиядағы еврей отбасынан шыққан. Вембери жас кезінде оқытушылық ісімен қатар бірнеше тілді меңгеруге тырысқан Балалақ шағы көп тілді ортада өткен соң неміс, мажар, словак, тілдерін, мектепте иврит, грек тілдерін үйренген. Ол Хорватиядағы Кутьево қаласында мұғалім болған кезінде Европа тілдерімен қатар осман - түрік тілінде үйренуге мүмкіндік тапқан. Сондай - ақ, 1857 жылы Ыстамбулда ұзақ уақыт оқып жүріп осман - түрік тілін толық меңгеріп алған.
Армин Вамбери үздіксіз академиялық мансап жасады. 1860 жылы ол Венгрия Ғылым академиясының корреспондент-мүшесі, 1876 жылы қатардағы мүшесі болып сайланды. 1976 жылдан 1905 жылға дейін Пештедегі Король университетінде шығыс тілдерінен сабақ берді, ал 1870 жылы университет профессоры атағын алды.
Мажарстан Ғылым академиясының академигі Арман Вамбери, мажар түріктануының негізін қалаушы ғалым.
Ең алғаш 1926 жылы Н.С.Тихонов жазған Вамберидің өмірі жайлы әлемнің әртүрлі тілдерінде бірқатар қызықты кітаптар жарыққа шықты.
Көрме ғалымның өмірі мен ғылыми қызметін ашатын 9 тақырыптық блоктан тұрады: «Армин Вамбери», «Тікендер, оқшаулану және түрлі азаптар», «Үйрету арқылы үйренеміз», «Бір амалын табу керек», «Иран (Парсы) жерінде», «Дәруіштің жыртылған киімінде», «Менің қыпшақ жолдасым», «Ғалымдардың қатарында», «Үш мұхитты шарлап жүрдім».
Іс-шара бағдарламасы аясында көрменің ресми ашылуында Қазақстан Республикасы Мемлекеттік орталық музейінің директоры, профессор Нұрсан Әлімбай, Венгрияның Алматыдағы Бас консулдығының Бас консулы Ференц Блауманн, ҚР ҰҒА академигі, тарихшы-шығыстанушы профессор Көмеков Болат Ешмұхамбетұлы сөз сөйлейді. Сондай-ақ көрменің ашылу салтанатында Иштван Қоңыр Мандоки атындағы №154-ші орта мектептің оқушылары музыкалық бағдарламасын ұсынады.
Көрме 2021 жылдың 12 шілдесіне дейін жалғасады.
2021 жылдың 11 маусымында Қазақстан Республикасы Мемлекеттік орталық музейінде BI Group компаниясымен бірлесе отырып ұйымдастырған «Бірге жеңеміз» көрмесінің ашылуы өтті. Аталмыш көрме COVID-19 коронавирус пандемиясына қарсы өз өмірін қауіпке тігіп, алдыңғы шепте ауыр дертпен күрескен дәрігерлердің құрметіне арналған.
Көрменің ресми ашылу рәсімінде ҚР Мемлекеттік орталық музейі директорының орынбасары Ғалия Теміртон, Алматы қ. Балалар қалалық клиникалық жұқпалы аурулар ауруханасының төртінші бөлімшесінің меңгерушісі Сәрсен Перизат Орынбасарқызы, Алматы қаласы Фтизиопульмонология орталығының Жансақтау бөлімінің меңгерушісі Айнакөзова Гүлмира Линатқызы сөз алып, көрменің ашылуымен құттықтады. Көрменің ресми ашылу рәсіміне Алматы қ. медициналық қауымы мен медициналық ұйымдардың өкілдері, суретшілер, БАҚ өкілдері қатысты.
![]() |
![]() |
Мемлекет басшысы Қасым-Жомарт Тоқаев 2021 жылдың 31 мамырында өткен Дүниежүзілік денсаулық сақтау ассамблеясының 74-ші сессиясының жабылуында бір жарым жыл бойы бүкіл әлем күресіп келе жатқан коронавирус пандемиясының нағыз сын сағаты енді келгенін айтты. Оның сөзі бойынша коронавирус індетінің таралуы ұлттық денсаулық сақтау жүйесі мен халықаралық институттар үшін теңдесі жоқ стресс-тест болды. Президенттің пікірі бойынша, алғашқы медициналық көмек көрсетудің мықты қалыптасқан жүйесі кез келген жұқпалы ауруға төтеп берудің басты құралы екендігі осы пандемия кезінде нақтыланды. Қазақстандық медицина бұл сынақтан сүрінбей өтіп қана қоймай, ғаламдық мәселені шешуге өз үлесін қосты. «Бірге жеңеміз!» көрмесінде фотограф Руслан Мазунин мен «BI Group» компаниясының «Мен ризамын» ортақ жобасының аясында түсірілген Нұр-сұлтан қаласының дәрігерлері портреттерінің галереясы орналастырылды. Бұл айтып отырғанымыз – Елордалық жұқпалы ауруларды емдейтін аурухананың дәрігерлері мен медициналық ұжымының 101 суреті. Сондай-ақ, көрмеге індетке қарсы күрескен мекемелер Алматы қаласы Балалар қалалық клиникалық жұқпалы аурулар ауруханасы мен Алматы қаласы фтизиопульмоногия орталығы қызметкерлерінің жоғары кәсіби деңгейде жүргізген жұмыс нәтижелері жайлы материалдар қойылған. Жоба аясында «REMI» мен «Argo» компаниялары арнайы қорғаныш құралдарының жиынтығын музей қорына тапсырды. Сондай-ақ, еліміздің ақындары суретшілері, музыканттары, дизайнерлері мен әншілері де ел басына түскен ауыр жағдайға бейқам қарамай қолдау көрсеткені бәрімізге аян. Суретші Георгий Ли, Тамара Елфимова мен Джохар Исмаиловтың, сондай-ақ, Алматы қаласындағы бейнелеу өнеріне баулитын «Лидии Дроздованың арт-шеберханасы», «Феникс» балалар клубы, «Тұран» мектеп-лицейі жанындағы «Вдохновение» студиясы сынды үйірме оқушыларының коронавирус пандемиясымен күрес тақырыбындағы шығармалары да көрме экспозициясынан орын алды.
Қазақстан Республикасының Мемлекеттік орталық музейі Қазақстан Республикасы Тәуелсіздігінің 30 жылдығына орай, Қытай Халық Республикасының Бас консулдығымен бірлесіп, 2021 жылдың 30 сәуірінде «Қытай Халық Республикасында туризмді дамыту арқылы кедейлікпен күресудің сәтті кезеңдері» атты халықаралық фотокөрмесін ашады.
Кедейлікті жою-бүкіл адамзаттың ортақ миссиясы. Халықаралық туризімді дамыту шеңберінде кедейлікті азайту жөніндегі қытай тәжірибесі қызығушылық тудырып отыр. Соңғы жылдары Қытай Халық Республикасы туризм, мәдениет және әлеуметтік экономиканың үйлесімді интеграциясына баса назар аудара отырып, кедейлікпен шешуші күрес жүргізуде. Орташа ауқатты қоғам құру және 2030 жылға дейінгі кезеңге орнықты даму саласындағы күн тәртібін жүзеге асыру шеңберінде Қытай үкіметі кедейлікті жою жөніндегі стратегияны іске асыруға және кедейліктен 98 миллионнан астам адамды шығаруға қол жеткізді, бұл халықтың 7% - ын құрады.
Туризм индустриясы Қытайдың жан-жақты қызметінің маңызды құрамдас бөлігі ретінде біртіндеп күшейе түсуде және кедейлікті жоюда үлкен рөл атқарады. Қытай Халық Республикасы туризмді, ауыл шаруашылығын дамытуға және ауылдарды жандандыруға үлкен үлес қосуда.
«Қытай Халық Республикасында туризмді дамыту арқылы кедейлікпен күресудің сәтті кезеңдері» атты фотокөрмесі қытайдың 20-ға жуық елді мекенін мысалға ала отырып, кедейлікпен күресудің модельдерімен таныстырады. Фотокөрме материалдарынан музей көрермендері мемлекеттік бағдарламаның, жергілікті үкіметтің және коммерциялық құрылымдардың қолдауымен ауылдарда, қалаларда, автономды округтерде, уездерде, елді мекендерде кедейлікті азайтуға және кедейлікті жоюға бағытталған көптеген жобалар жүзеге асырылғанын көре алады.
БАҚ арналған брифинг 30 сәуір күні сағат 16.00 де өтеді.
Фотокөрме 2021 жылдың 12 мамырына дейін жалғасады.
Алматыдағы Қазақстан Республикасы Орталық мемлекеттік музейінде Н.Назарбаев орталығы «Ислам және адамзат: кеше, бүгін, ертең» атты халықаралық фотокөрме өткізеді
Биылғы жылдың 17 мамырында сағат 11: 00-де Халықаралық музейлер күні қарсаңында Конфессияаралық және өркениетаралық диалогты дамыту жөніндегі Н.Назарбаев орталығы мен Қазақстан Республикасының Орталық мемлекеттік музейінің бірлесе ұйымдастыруымен «Ислам және адамзат: кеше, бүгін, ертең» атты халықаралық фотокөрменің ашылуы өтеді.
Қазақстан Республикасы Тәуелсіздігінің 30 жылдығы аясында өтетін фотокөрме қоғамдағы адами және рухани құндылықтарды дәріптеуге, әлемнің түрлі халықтарының діндері мен мәдениеттеріне деген толерантты дүниетанымды және құрметпен қарауды қалыптастыруға бағытталған.
Фотокөрмеге бейбітшілік пен келісімді бейнелейтін исламның рухани құндылықтарының тереңдігін ашатын фотосуреттер, сондай-ақ экспозицияны мейлінше толықтыра түсетін Қазақстанның Орталық мемлекеттік музейі ұсынған ислам туралы бірегей артефактілер қойылады.
Көрменің ашылу салтанатына Қазақстанның діни бірлестіктерінің, ғылыми-сарапшылық қоғамдастықтың, бұқаралық ақпарат құралдарының өкілдері, бас консулдықтары қатысады деп жоспарлануда.
Іс-шарада мәдениетаралық және дінаралық диалог саласын нығайту мақсатында Конфессияаралық және өркениетаралық диалогты дамыту жөніндегі Н.Назарбаев орталығы мен Қазақстан Республикасының Орталық мемлекеттік музейі арасында ынтымақтастық туралы меморандумға қол қою жоспарланып отыр.
«Ислам және адамзат: кеше, бүгін, ертең» атты фотокөрме барлық санитарлық сақтық шараларын сақтай отырып, 2021 жылдың 1 маусымына дейін Қазақстанның Орталық мемлекеттік музейінде ашық болады.
Әлемдік және дәстүрлі діндерге арналған келесі халықаралық фотокөрмелер туралы хабарландырулар www.religions-congress.org сайтында және Н.Назарбаев орталығының әлеуметтік желілерінде жарияланады.
Қазақстан Республикасы Тәуелсіздігінің 30 жылдығына орай, ҚР Мемлекеттік орталық музейі мен Қазақстанның қаржы нарығында өмірді сақтандыру қызметін ұсынатын ірі компания «Nоmаd Life» бірлесіп 2021 жылдың 29 сәуірі сағат 15.00-де «ҰЛЫ ДАЛАНЫҢ ӘЙГІЛІ ПЕРЗЕНТТЕРІ» атты мерейтойлық көрме ашады.
Қазақ тарихында ізі қалған тұлғаларды ұлықтаудың музейлер үшін бірден бір жолы – көрме ұйымдастыру арқылы насихаттау. Қазіргі заманғы музейлік тәжірибеде мемориалдық көрмелер ұйымдастыру үрдіске айналып отыр. Өйткені, мемориалдық көрмелер жекелеген тұлғалардың өмірі мен қызметінен мәліметтер беріп, отандық тарих беттерінде қалған тұлғалардың тарихи образын қалыптастыруға мүмкіндік береді.
«ҰЛЫ ДАЛАНЫҢ ӘЙГІЛІ ПЕРЗЕНТТЕРІ» көрмесі- жыр алыбы Ж.Жабаевтың 175 жылдық, күш атасы Қ.Мұңайтпасов 150 жылдық, сахнаның серкесі С.Қожамқұловтың 125 жылдық, әнші, композитор М.Ержановтың 120 жылдық, композитор Л.Хамидидің 115 жылдық, қазақ поэзиясының аса көрнекті өкілі, ақын Қ.Аманжоловтың 110 жылдық, мемлекет қайраткері, этнограф Ө.Жәнібековтың 90 жылдық мерейтойларына арналады. «Ұлы Даланың әйгілі перзенттері» көрмесі осы аталған тұлғалардың қайраткерлерлік жолын танытуға жол ашып, музей коллекциясы арқылы сыр шерткелі отыр.
Көрменің мақсаты: Орталық музей қорындағы сан алуан материалдар негізінде көрнекті тұлғалар, олардың өнегелі өмірі және шығармашылық қызметтерімен таныстыру әрі оларды дәріптеу.
Қазақстан Республикасы Мемлекеттік орталық музейіндегі көрмелердің көктемдік маусымын ашуға арқау болған «ҰЛЫ ДАЛАНЫҢ ӘЙГІЛІ ПЕРЗЕНТТЕРІ» көрмесіне мерейтой иелерінің өздеріне тиесілі жеке заттары, олардың өмірі мен шығармашылығына қатысты бірегей фото-құжаттар, хаттар, еңбектері мен марапаттары, сонымен қатар бейнелеу өнері туындылары мен иллюстрациялар қойылады. Сонымен қатар, Ж. Жабаевтың өмірден өткеннен кейінгі бет-пішінінің гипстен құйылған бедері, Қ.Мұңайтпасовтың тымағы келушілер назарын аударары сөзсіз.
«ҰЛЫ ДАЛАНЫҢ ӘЙГІЛІ ПЕРЗЕНТТЕРІ» мерейтойлық көрмесі қалың көпшіліктің қызығушылығын тудырары сөзсіз. Көрменің онлайн нұсқасымен музейдің әлеуметтік желідегі парақшаларында танысуға болады.
Көрме 2021 жылдың 21 желтоқсанына дейін жалғасады.
Тағы мақалалар...
- 16.04.2021 ж. «Біз бұл әлемді көріктендіреміз...» балалар шығармашылығының көрмесі
- 15.03,2021 ж. «Бабадан қалған сырлы әуен» атты көрме
- 05.03.2021 ж. «Мәңгілік дауысы» атты көркемөнер туындыларының халықаралық көрмесі
- 26.02.2021 ж. Көрнекті дәрігер-хирург, медицина ғылымдарының кандидаты Иван Иванович Лиді еске алуға арналған «АЛҒЫС АРҚАЛАҒАН АЗАМАТ» көрмесі