2022 жылдың 16 ақпанында сағат 15.00 – де Қазақстан Республикасы Мемлекеттік орталық музейінде Алматы қаласы «Алмалы Палитра» суретшілер қауымдастығының Республикамызға арналған «Менің Қазақстаным-менің отбасым» атты көрменің ашылуы өтеді.
Жыл басында орын алған «Қаңтар оқиғасы», әрқайсымызға сүйікті қаламыз Алматының әр адам үшін маңызды екенін, тіпті, өмір құндылығын ойландыратындай әсер қалдырды.
Белсенді суретшілер өз жұмыстарында еліне деген сүйіспеншілігін, қолдауын және махаббатын көрсетті. Суретшілердің жұмыстары — бұл тек авторлардың оқиғаға деген көзқарасы ғана емес, біздің тарихымыздың бір бөлігі.
Көрме 35-тен астам суретшілердің жұмыстарын біріктіріп, келушілер назарына — бейнелеу өнер, акварель, графика, сәндік қолданбалы өнер және тағы басқа жанрдағы жұмыстарын ұсынады. Көрмедегі көрсетілген көркем шығармалар қаламыздың тарихын, сонымен қатар әр ғимаратының біз үшін тарихи құнды дүние екенін бейнелейді.
«Алмалы палитра» қоғамдастығы атап кеткендей: «Біздің өміріміздің бостандығы мен бақытын құрау біздің берік ұстанымымыз. Сондай-ақ, айналамыздағы тұмса табиғатын, барлық тұрғындардың бақытты өмірін, күнделікті жұмыс тәртібінің тіршілігін, өмірге деген қызығушылықтарын, еліміздің тыныштығы мен берекесін берік ұстанамыз»
Аталмыш көрме, қылқалам шеберлерінің Алматы қаласына деген сүйіспеншілігі мен патриоттық, рухтық сезімдері арқылы жеткізуге арналған.
Суретшілердің кейбір жұмыстары ҚР Орталық музейінің қорын толықтырады.
Жұмыстарды алушылар болса, көрме жетекшісіне хабарласуына болады. Ұйымдастырушылар: ҚР МОМ 2644650
Жетекші: Лидия Дроздова 87052178976
2022 жылдың 9 ақпанында сағат 15.00-де Қазақстан Республикасы Мемлекеттік орталық музейінде Қазақстанның «Көркем еңбек» пәні мұғалімдерінің қатысуымен Республикалық «Бабалар үні» атты көрменің ашылуы өтеді.
Бабалар аманаты жобасының мақсаты Республикамыздағы бүкіл көркем еңбек пәні мұғалімдерінің басын қосу, болашақта өскелең ұрпақтың тәлім тәрбиесімен білім негізін ұштастыру, сондай-ақ әр қилы жанрдағы туындылардың қыр-сырын тарих тағлымына терең бойлата отырып, осы ұстаздардың арқасында көрерменге жеткізу.
Биыл «Бабалар аманаты» Ұлттық жобасының құрылғанына үш жыл толады. Жобаға ҚР Суретшілер Одағы, ҚР дизайнерлерінің Еуразиялық Одағы, Қолөнер Одағы және шығармашылықпен айналысатын Қазақстан Республикасының Көркем еңбек мұғалімдері кіреді. Олар Түркия, Греция және Орталық Азия елдері сияқты халықаралық көрмелерге үнемі қатысады.
Қанағат Кодеков – «Бабалар аманаты» жобасының жетекшісі, кураторы, «Үздік Педагог-2021» жеңімпазы, ҚР Суретшілер одағының мүшесі, «Бабалар аманаты» халықаралық және республикалық көркем еңбектер мен кәсіби суретшілер жинағының авторы. «Бабалар аманаты» - Қазақстан Республикасының халықаралық кәсіби суретшілері мен талантты Көркем еңбек мұғалімдерінің үздік шығармаларының жинағы. Сондай - ақ әл-Фарабидің 1150 жылдығына, Абай Құнанбайұлының 175 жылдығына, Мұқағали Мақатаевтың 90 жылдығына, ҚР Тәуелсіздігінің 30 жылдығына және т. б. арналған шығармалар жинақтары жарық көрді.
Көркем еңбек пәндерін оқытатын республиканың барлық өңірлерінен келген 800-ден астам ұстаз, шығармашыл педагог «Бабалар аманаты» жобасында республикалық және халықаралық деңгейде педагогикалық өнерді насихаттау мақсатында бірікті. Жоба мүшелері елімізде өтіп жатқан мәдениет күндеріне белсенді қатысып, көрмелер өткізеді.
Қазіргі уақытта еліміздің педагогикалық қоғамдастығы өскелең ұрпақты ұлттық бейнелеу өнерінің құпиялары мен қыр-сырына үйрету үшін тынымсыз еңбек етуде, өнер арқылы оларды қазіргі заманғы көркемдік бағыттармен таныстырады, эстетикалық тәрбиені, сұлулықты дұрыс түсінуді қалыптастырады. Қазақстанның ұлттық өнерін насихаттау бойынша жұмыс жүргізуде.
«Бабалар үні» көрмесінде республиканың әртүрлі қалаларынан (Қарағанды, Атырау, Ақтау, Шымкент, Маңғыстау, Павлодар, Семей, Өскемен) қазақ халқының ұлттық мәдениетін, тарихын, салт-дәстүрін, Қазақстан табиғатының сұлулығын бейнелейтін педагогтардың 40-тан астам жұмыстары ұсынылған.
Көрме 2022 жылдың 23 ақпанына дейін жалғасады.
2021 жылдың 6 желтоқсаны, сағат 15:00-де Қазақстан Республикасы Мемлекеттік Орталық музейінде ҚР Тәуелсіздігінің 30 жылдық мерейтойына орай этнограф-ғалым Тәттігүл Қартайдың «ЭТНО-ЭКСПЕДИЦИЯ КҮНДЕЛІГІНЕН» атты фотокөрмесінің ашылу рәсімі өтеді.
Тәттігүл Қартай – Әл-Фараби атындағы Қазақ ұлттық университеті Археология, этнология және музеология кафедрасының профессоры, тарих ғылымдарының кандидаты, «Музеология және ескерткіштану» ғылыми-зерттеу орталығының жетекшісі. Кандидаттық диссертациясының жетекшісі – профессор Нұрсан Әлімбай. Зерттеу бағыты: тарихи этнография, мәдени антропология, ескерткіштану, этноархеология. Үш жүзге жуық ғылыми және ғылыми-танымдық еңбектердің авторы. «Қазақстан Республикасы Құрмет грамотасы» (2010); «Қазақстан Республикасы Тәуелсіздігінің 20 жылдығы» медалі (2011) мемлекеттік марапаттарының; «Ғылым мен техникаға елеулі үлес қосқан ғалымдар мен мамандарға арналған мемлекеттік ғылыми стипендия» (2015); «ЖОО – үздік оқытушысы» (2016) мемлекеттік гранттардың иегері. Тәттігүл Қартайдың есімі Түркиядағы Стамбул қаласындағы Халықаралық Expo Heritage көрмесіндегі ескерткіш тақтаға жазылған (2021).
«Қазақстанның аридтік аймақтарында сумен қамтудың дәстүрлі әдістері: этнологиялық және геоархеологиялық тұрғыда қарастыру» (2018-2020); «Қазақстанның шөлді атыраптарының егіншілік-малшаруашылық ландшафттарын этнографиялық және геоархеологиялық зерттеу: игеру мен бос қалдырулардың тарихи себептері» (2020-2022) атты іргелі ғылыми-зерттеу жобаларының ғылыми жетекшісі. Тәттігүл Қартайдың ғылыми жетекшілігімен Жәңгір хан қаздырған Хан құдығы, Хан бағы мен Хан мешіті құдығы қайта қалпына келтіріліп, Батыс-Қазақстан облысындағы «Хан Ордасы» қорық музейіне табысталған (2019).
Тәттігүл Қартайдың ғылыми жетекшілігімен жүргізілген экспедициялар: Сыр-Арал этнографиялық экспедициясы (2012-2014); Сыр-Арал, дариялық тақыр геоархеологиялық, этнографиялық кешенді экспедициясы (2018-2020); Батыс Қазақстан облысы, Маңғыстау геоархеологиялық, этнографиялық кешенді экспедициясы (2018-2019); Шу-Іле аңғары, Қызылқұм геоархеологиялық, этнографиялық кешенді экспедициясы (2021).
Көрмеге этнографиялық ескерткіштердің фототіркелімдері қойылған. Фотокөрме қолданыстағы дәстүрлі баспана, дәстүрлі әдіспен шегенделген құдық түрлері, мерзімдік жайылымдағы төрт түлік малдың бағымы, үй кәсіпшілігінің қазіргі кезеңде дамуы, байырғы қоныстарда сақталған сәулеттік ескерткіштер және исламға дейінгі реликтерге байланысты ғұрыптармен таныстырады.
Көрменің ашылу барысында автордың «Бөрітаным: экспедициялық зерттеулер», «Сутаным: экспедициялық зерттеулер» атты ғылыми-танымдық кітаптарының таныстырылым рәсімі өтеді.
Фотокөрме 2021 жылдың 20 желтоқсанына дейін жалғасады.
Қазақстан Республикасы Мемлекеттік Орталық музейі 2021 жылдың 24 желтоқсанында сағат 15.00 «Бірегей артефактілер» (ҚР Мемлекеттік орталық музейі археологиялық экспедиция материалдары негізінде) атты көрмесін ашады.
Көрме 2017-2021 жылдар аралығында ҚР Мемлекеттік орталық музей қызметкерлерінің археологиялық экспедициясы кезінде жинаған материалдарының негізінде ұйымдастырылып отыр.
Көрменің мақсаты: музейге келушілерді археологиялық қазба жұмыстарының нәтижесімен таныстырып, Қазақстанның тарихи-мәдени мұрасын кеңінен насихаттау.
Қазақстан Республикасы Мемлекеттік Орталық музейі (әрі қарай ҚР МОМ) 2015 жылғы 19 мамырдағы № 15009141 лицензия негізінде жыл сайын Алматы, Жамбыл және Түркістан облыстарында археологиялық қазба жұмыстарын жүргізеді. Экспедиция үш отрядтан тұрады: Күлтөбе отряды Оңтүстік Қазақстан, Ордабасы ауданы, Сарыарық ауылы, Арыс өзенінің сол жағалауында орналасқан қаңлы кезеңімен мерзімделетін (б.з.д. II ғ. б.з. – IV ғ.) қалашық және қорымдарда; Ақтерек отряды Алматы облысы, Жамбыл ауданы, Ақтерек ауылының оңтүстік шетінде орналасқан диапазоны әртүрлі дәуірлерге жататын палеолит кезеңнен бастап орта ғасыр уақытымен мерзімделетін қоныстар мен обаларда; Бақа төбе отряды Жамбыл облысы, Байзақ ауданы, Жаңатұрмыс ауылының солтүстік-шығыс бағытында орналасқан Бақа төбе екі ярусты ежелгі қорғаныста археологиялық қазба жұмыстарын жүргізеді, сонымен қатар музейдің ғылыми қызметкерлері археолог Ж.Құрманқұловтың жетекшілігімен Қызылорда облысы, Қармақшы ауданында орналасқан Шірікрабад қалашығында жүргізілген археологиялық зерттеу жұмыстарына қатысып отырады.
Көрмеге алғашқы рет әртүрлі археологиялық нысандардан табылған 50 ден астам бірегей артефактілер қойылады. Қазақстанның оңтүстігінде өркениет пен мемлекеттіліктің жоғары деңгейінің болғандығын куәландыратын Күлтөбе (прото-соғды, қаңлы) жазуы бар әлемдік жаңа форматқа ие Қаңлы мемлекетінің (б.з.д. II ғ. б.з. – IV ғ.) хаты, мәтіні толық сақталған қыш текшелер, соны қатар жерлеу орнынан табылған артефактілер: зооморфтық қола алқалар, мысырлық фаянс, жебе ұштары, темір қылыштар мен қанжарлар, Ұлы Кушан империясына тиесілі қола монета. Аталмыш монета Кушан патшалығының екінші билеушісі және сол империяның негізін қалаушы Вим Кадфистің ұлы Вим I Такто патшасына тиесілі. Ақтерек ескерткішінен табылған ат әбзеліне арналған тоғалар, әшекей бұйымдар, қола айна, қыш ыдыстар және тасқа қашалып жасалған суреттер (петроглифтер), Бақа төбе ежелгі қорғанысынан табылған (б.з.д. ІІ ғ. – ІІІ ғ. басы) қыш ыдыстар және ыдыстардың таңбаланған фрагменттері, Шірік рабад ескерткішінен табылған (б.з.д. IV-ІІ ғғ.) гипс типтес материалдан жасалған жазуы бар ақ түсті ыдыстар үлкен қызығушылық тудырады. Ыдыстағы жазу ежелгі грек альфавитімен жазылған және бүгінгі күнге дейін өшпей толығымен сақталған.
2017-2021 жылдар аралығында ҚР МОМ археологиялық экспедициясы атқарған қазба жұмыстары нәтижесінде музейдің археология қоры 875 с.б. экспонатпен толықтырылды.
Көрме музейге келушілерді Қазақстанның оңтүстік және оңтүстік-шығыс өңірінің ежелгі және ортағасырлық мәдениетін археологиялық артефактілер негізінде таныстырады.
2021 жылдың 2 желтоқсанында сағат 15.00-де Қазақстан Республикасы Мемлекеттік орталық музейінде Алматы қаласы суретшілер қауымдастығының «Алмалы Палитра» мерейтойлық көрмесінің ашылуы өтеді. Мерейтой Қазақстан Республикасы Тәуелсіздігінің 30 жылдығын мерекелеу шеңберінде символдық түрде өткізіледі.
«Алмалы палитра» суретшілер қауымдастығы 2017 жылы Алматы қаласында құрылған. Топтың атауы символдық. Алматы - Алма қаласы. Алматы қаласының атауы алма сөзінен шыққан. Екінші мағынасы – Киелі кітапта білімнің алмасы сияқты бейнеленген. Суретшінің ақыл-ойының негізгі мәні неде? Осыған байланысты, бірқатар сұрақтар туындайды: «Өнердің мәні неде? Неліктен суретшілер сурет салады? Өмірде алға не жетелейді?» Осы сұрақтардың барлығына «Алмалы палитра» қауымдастығы суретшілерінің шығармашылық тобы жауап бере алады.
Көрменің мақсаты – «Алмалы Палитра» қауымдастығының символымен байланысты жаңа бірегей туындыларды, жаңа шығармашылық идеяларды көрсету.
«Алмалы Палитра» суретшілер тобы бес жыл ішінде өзінің кәсіби деңгейін, шығармашылықтағы жетістіктерін және қандай бағытта алға жылжуын көрсету үшін өзінің белсенді көркемдік қызметін қорытындылайды. 2019 жылы ҚР Суретшілер Одағының «Алмалы Палитра» Съезінде Алматы қаласы суретшілерінің ең белсенді тобы ретінде аталып өтті. Өткен бес жыл ішінде «Алмалы Палитра» 15 көрме, 35 пленэр және этюд өткізді (Ресей, Грузия, Латвияға шығармашылық пленэрлерге шығу). Қазіргі уақытта қауымдастық құрамына 67 суретші кірген, олардың ішінде ҚР Суретшілер Одағының мүшелері және қазақ өнерінің қайраткерлері, Қазақстанның еңбек сіңірген өнер қайраткерлері бар. Әр суретшінің өзіндік ерекшеліктері бөлек, өз үлгісінде және заманауи өнердің әртүрлі жанрларында жазады. Аталмыш көрменің ерекшелігі - суретшілердің жұмыстары дөңгелек кенептерде орындалған.
Қауымдастық Алматы қаласының көптеген музейлері мен галереяларымен, сондай-ақ Латвия Халықаралық Академиясының (Рига қ.) Bi Art галереясымен, Грузия Суретшілер Одағымен, әлемнің түрлі елдерінің суретшілерімен байланыс орната отырып, соңғы жылдары «Алма Палитрасы» халықаралық көрмелеріне Ресей, Беларуссия, Латвия, Грузия, Болгария, Франция, Германия, Чехия, Әзірбайжан суретшілері қатысуда.
Қауымдастықтың негізін қалаушы және жетекшісі – Лидия Дроздова (Қазақ өнерінің қайраткері, ҚР Дизайнерлер Одағының мүшесі, «Mondial Art» Француз академиясының мүшесі, Еуразиялық Шығармашылық гильдиясының Қазақстанның бейнелеу өнері жөніндегі Сараптамалық комиссиясының мүшесі (Лондон), кураторы- Игорь Гущин (Петербург бейнелеу ғылымдары академиясының мүшесі). Г. Державина, Еуразиялық Шығармашылық гильдиясының мүшесі (Лондон), Арт – менеджері – Марлан Нысанбаев (Қазақ өнерінің қайраткері, ҚР Суретшілер Одағының мүшесі, Еуразиялық Шығармашылық гильдиясының амбассадоры (Лондон).
Көрме 2021 жылдың 14 желтоқсанына дейін жалғасады.
Тағы мақалалар...
- 03.11.2021 ж. Еуропадағы бірінші заманауи, демократиялық түрде қабылданған конституция туралы «3 мамыр Конституциясы (1791)» атты көрме
- 29.10.2021 ж. «РМИ – Армандар орындалады!» атты көрмесі
- 22.10.2021 ж. «Көшпенділер» трилогиясы – «Тәуелсіздік жаршысы» атты көрмесi
- 21.10.2021 ж. «Қазақстан мен Армения-мәдениеттер диалогы» атты онлайн–көрме