2019 жылдың 9 желтоқсанында сағат 15.00 Қазақстан Республикасы Мемлекеттік орталық музейі қазақ халқының Үш бәйтерегі, сталиндік зобалаңның құрбандары, артына өшпес рухани мұра қалдырған қазақтың ақиық ақыны, қоғам қайраткері – Ілияс Жансүгіров, жалынды ақын, жазушы, дарынды драматург Сәкен Сейфуллин мен ауызша әңгіменің хас шебері, сатрик-жазушы Бейімбет Майлиннің 125 жылдық мерейтойына орай «Құрбан болған тұлғалар» атты көрме ашады.
Тарихи деректерге сүйенсек, 1930-1953 жылдар аралығында 40 миллионнан астам Кеңес азаматтары репрессияға ұшыраған. Осы кезеңде қазақтардың 40 пайызы қаза тапқан. Әсіресе бұл заңсыз жазалауға Кеңес Одағы құрамында болған барлық халықтар мен ұлттардың бетке ұстар зиялы қауым өкілдері ұшыраған. Бар өмірін қазақ халқының руханиятына арнаған тұлғалардың 125 жылдығына арналған іс-шаралар ел көлемінде кешенді қолға алынуда. Осыған орай Орталық музейде ұйымдастырылып отырған көрменің негізгі мақсаты – 30-40 жылдары құрбан болған зиялы қауымның азаматтық тұлғасымен таныстыру, өзге де дара тұстарын өскелең ұрпаққа насихаттау.
Көрмеге Орталық музей қорындағы І.Жансүгіровтың, С.Сейфуллин, Б.Майлиннің жеке кешендеріндері, сонымен қатар замандастары – Т.Рысқұлов, С.Қожановтың мұрағаттан алынған материалдары қойылады. Сондай-ақ келушілер назарына сол жылдардағы зиялы қауымның жұмыс кабинетінің көрінісі мен С.Сейфуллиннің жеке мөрі, алтын сағаты, портсигары, сакваяжы және т.б. заттары ұсынылады.
Көрме ҚР Президентінің архиві, ҚР Орталық мемлекеттік мұрағаты және «Ғылым Ордасы» Орталық ғылыми кітапханасымен бірлесіп ұйымдастырылды.
Көрме 2020 жылдың 9 қаңтарына дейін жалғасады.
2019 жылдың 28 қарашасы, сағат 15.00-де ҚР Мемлекеттік Орталық музейінде Семей ядролық сынақ полигонының жабылуына арналған «Қазақстан Республикасының Тұңғыш Президенті – Елбасы Н.Ә. Назарбаев ядролық қарусыз әлем үшін» атты көрме ашылады.
Тәуелсіз Қазақстанның ядролық қарусыз әлем үшін күресіндегі алғашқы батыл қадамдарының бірі – Семей ядролық сынақ полигонының жабылуы. Семей полигоны 1947 жылдың 21 тамызында КСРО Министрлер Кеңесінің шешімі бойынша құрылды. Алғашқы ядролық сынақ 1949 жылы 29 тамызда ауада жасалды. Өлкені жарылыстар алаңына айналдыру барысындағы қазақ жерін улаған сынақтардың зардаптары қоршаған ортаға, бүгінгі және болашақ ұрпақтың денсаулығына алапат әсерін тигізіп, орны толмас қайғыға душар етті. Соңғы жарылыс 1989 жылдың 19 қазанында жүзеге асырылды. Дәл осы 1989 жылы әлемдегі ядролық жарылысты тоқтатуды жақтаушылар мен қазақстандық белгілі қоғам қайраткері Олжас Сүлейменовтың бастамасымен «Невада – Семей» қозғалысы құрылды.
1991 жылдың 29 тамызында Қазақстан Президенті Н.Ә. Назарбаевтың Жарлығымен Семей ядролық сынақ полигонын ресми түрде жабылды. Бұл жағдай туралы Мемлекет басшысы «Қазақстан, біздің жаңа мемлекетіміздің күш-қуаты ядролық бұлшық еттерін көрсетуде емес, керісінше, оларды қолданбауда және толықтай бас тартуда деп бірден және мәңгілікке шешім алды. Және бұл біздің мемлекеттілігіміздің – жалпыұлттық идея рангына шығарылған бүкілхалықтық ақыл-ойымыздың темірқазығы болды. 1991 жылдың 29 тамызында іс жүзінде жаһандық ядро тарихында жаңа дәуір басталды», - деді.
Ядролық әлеуеттен өз еркімен бас тартудағы Қазақстанның қызметін мойындаған БҰҰ Бас Ассамблеясы 29 тамыз – Халықаралық ядролық сынақтарға қарсы күні деп жариялады. Бұл әлемдік тарихта ядролық сынақ полигонын халықтың еркіне сай жапқан алғашқы жағдай еді. Осылайша, Қазақстан әлемдік антиядролық қозғалыстың көшбасшысы және бейбітшілік кіндігі болды.
Көрменің мақсаты: әлемдік қауымдастықтағы Қазақстанның орны мен рөлін, ядролық қауіпсіздікті қамтамасыз етудегі Қазақстанның үлесін көрсету.
«Қазақстан Республикасының Тұңғыш Президенті – Елбасы Н.Ә. Назарбаев ядролық қарусыз әлем үшін» атты көрме екі бөлімнен тұрады:
-бірінші бөлімде музей қорындағы атом полигонын жабудағы Тұңғыш Президенттің рөлі мен сіңірген еңбегін көрсетуге арналған материалдар көрсетіледі;
- екінші бөлімде музей қорындағы алғашқы совет атом бомбасын құру туралы құжаттар, Семей полигонының орналасу картасы, фотоқұжаттар, газет, кітап, плакат және басқа да заттай деректер қойылады.
ҚР Президенті мұрағатының құжаттық материалдары мен «Невада-Семей» халықаралық қозғалысы комитеті ұсынған материалдар, «Ғылым Ордасы» Орталық ғылыми кітапханасының Семей ядролық полигонына арналған кітап көрмесі ерекше қызығушылық тудырады.
Көрме 2019 жылдың 20 желтоқсанына дейін жалғасады.
Қазақстан Республикасы Мемлекеттік орталық музейі «Бақыт» сәндік-қолданбалы өнер орталығымен бірлесіп 2019 жылдың 25 қарашасы мен 5 желтоқсан аралығында Қазақстан Республикасы Тұңғыш Президенті күніне орай «Ұлы Даланың Жеті қыры» мақаласы аясында «Ұлттық тақырыптағы Натюрморт» атты Халықаралық көркем шығармалар байқауын өткізеді.
ҚР Орталық музейі дәстүр бойынша Алматы қаласының оқу орындарымен ынтымақтастықта көркем көрмелер топтамасын жалғастыруда. Музейде өткізілетін іс-шаралар өскелең ұрпақты ұлт тарихымен, мәдениетпен және өнермен таныстыруға, жастарды патриоттық сезімде, өз халқына, еліне және дәстүріне құрметпен қарауға тәрбиелеуге бағытталған.
Көрменің мақсаты: оқушылардың көркем шығармашылығын қолдау, сәндік-қолданбалы өнердегі байқауға қатысушылардың кәсіби дағдыларын жетілдіру, отандық және әлемдік тарих пен мәдениетке деген қызығушылығын арттыру, Қазақстанның тарихи-мәдени мұрасын жастар арасында насихаттау, суретшілердің бейнелеу және қолданбалы өнердің түрлі жанрларында және техникаларында орындалған шығармашылық жұмыстарын көрсету.
Натюрморт-суретшілердің шығармашылығында бейнелеу өнерінің кең тараған жанрларының бірі. Көрме натюрморт жанрында пәндік әлемді бейнелейтін жұмыстарды көрсетеді. Акварель және майлы техникадағы көркем туындылар тамаша; сәндік-қолданбалы өнер туындылары: матаға сурет салу – суық және ыстық батик, киіз, гобелен; керамика және т. б.
«Ұлттық тақырыптағы Натюрморт» көрмесінде Алматы қаласының көркем өнер колледждері мен жоғары оқу орындары оқытушыларының 100-ден астам шығармашылық жұмыстары ұсынылады. Көрме түрлі жанрлық бағытты – кескіндеме, графика, мүсін, сәндік-қолданбалы өнерді қамтиды. Әр картинаның композициялық шешімі – өзіндік қолтаңбасы, стилі бар суретшінің бай ішкі рухани әлемін көрсетеді. Акварель және майлы техникадағы тамаша көркем жұмыстар; сәндік-қолданбалы өнер туындылары: матаға сурет салу – суық және ыстық батик, киіз, гобелен, қыш және т.б. Байқауға қатысушылар арасында Қазақстан, Тәжікстан, Өзбекстан және Ресейден келген студенттерде бар.
Көрме 2019 жылдың 5 желтоқсанына дейін жалғасады.
2019 жылдың 27 қараша күні сағат 16.00-де Қазақстан Республикасының Мемлекеттік орталық музейі Польша Республикасының Алматы қаласындағы Бас консулдығымен көпжылдық ынтымақтастық аясында «Польша - 15 жыл Еуропалық Одақта» атты көрме ашылады.
22 түрлі-түсті стендтерден тұратын көрменің фотоматериалдары Еуропа аясында XVI ғасырдан қазіргі уақытқа дейінгі Польшаның тарихын көрсетеді, сондай-ақ Польшаның Еуропалық одаққа кіру кезеңдерін және 15 жыл ішінде ел өмірінің барлық салаларындағы өзгерістерді қамтиды: ғылым, экономика, мәдениет, спорттық және туристік инфрақұрылым, қоршаған ортаны қорғау, тарихи объектілерді қалпына келтіру және т. б. Көрме қазіргі Польшаның даму деңгейі мен маңызын көрсетеді. Онда Польшаның халықаралық қызметке және кедей елдердің дамуына көмекке тартылуы ұсынылған. Көрме Польшаның Еуропаға, оның мұрасы мен мәдениетіне көп ғасырлық қатыстылығын көрсетеді.
Көрме Польша Республикасының Сыртқы істер министрлігі «Еуропалық орталық – НАТОЛИН» қорымен бірлесіп дайындалды.
Польша мен Еуропаның тарихы мен халықаралық саясатына қызығушылық танытатын барша көрермендерді көрмеге шақырамыз.
Көрме 2019 жылдың 8 желтоқсанына дейін жалғасады.
Қазақстан Республикасы Мемлекеттік орталық музейі Қазақстанның мүгедектері күніне орай, «KS – production» продюсерлік орталығы және «Қайырымды Істер Өлкесі» Қазақстан мүгедектері қайырымдылық ҚҚ-мен бірлесіп 2019 жылдың 22 қараша күні сағат 14.00-де мүмкіндіктері шектеулі балалардың «Бақытыма сенемін» атты көрмесін ашады.
Жыл сайын Қазақстан Республикасында Мүгедектер күні атап өтіледі, бұл күні мүмкіндіктері шектеулі адамдардың келелі мәселелері көпшілік назарынан тыс қалып қалмауы үшін арнайы шаралар ұйымдастырылады.
Шара мақсаты – мұқтаж жандардың қордаланған мәселелеріне халық назарын аударту, оларға әлеуметтік, психологиялық және медициналық көмек көрсету деңгейін арттыру, сондай-ақ қоғамда жалпы қабылданған стереотиптерді бұзу және бұл басқа балалар сияқты қажеттіліктер мен мүмкіндіктері бар қарапайым балалар екенін көрсету. Физикалық даму ерекшеліктеріне қарамастан, олар талантты және креативті, спортта және шығармашылықта өздерін толық көрсете алады, тіпті кейде өз қатарластарын басып озады да. Балалар кесте тігеді, сурет салады, тоқыма тоқиды, мүсіндер жасайды және т.б. Бұл өз кезегінде өзін-өзі жетілдірудің ешбір шегінің жоқтығын дәлелдейді: «Мүмкіндіктер – шектеулі, қабілет - шексіз».
Акция осы балаларға аяушылық білдіру мақсатында емес, керісінше олардың да қоғамның бір мүшелері екенін еске салу мақсатында өткізіледі.
Аталмыш шара мүмкіндігі шектеулі балаларды қалыпты өмірге бейімдеуге бағытталған. Алматы қаласының 60 баласы аурудың әр түрлі түрімен басты топ болып табылады.
Осы іс – шара аясында балалар суреттерінің көрмесі; «KS-production» продюсерлік орталығының ұйымдастыруымен Жанна Орынбасарова, Айжан Нұрмағамбетова, Жәмилә Серкебаева, Венера Нигматулина, Антон Митнев, Нина Жмеренецкая, Парвиз Назаров пен Аида Аюпованың қатысуымен концерт, музейге экскурсия, музейдің демеушілері мен серіктестерінен балаларға сыйлықтар табыс ету ұйымдастырылады.
Көрмеде 10-16 жас аралығындағы балалардың әртүрлі техникада орындалған: ағашты ою, мүсіндеу, кесте тігу, бисермен және ілмек бізбен тоқу, дәндерден аппликация және т.б. таңғажайып жұмыстары ұсынылмақ. Әр баланың көрмеге атсалыса қатысуы оның мүмкіндіктерін ашуға көмектеседі.
Іс шараға қолдау көрсеткендер: «ZUGO HOME TEXTILE», «Бостан» ЖШС, «AMIRAN» ЖШС, «Maxi чай» АҚ, «Ақсайнан» ЖШС, «Нестле Фуд Казахстан» ЖШС, Қазақстан Республикасының Қызыл Жарты Ай Қоғамы, «Мейірім» қайырымдылық қоры.
Көрме 2019 жылдың 28 қарашасына дейін жалғасады
Тағы мақалалар...
- 03.11.2019 ж. «Алматы қаласындағы Жапон мәдениеті күні»
- 25.10.2019 ж. Суретші-педагог Жұмаділхан Керімбектің «Ауыл – ел бесігі» атты жеке шығармашылық көрмесі.
- 23.10.2019 ж. «Қытай Халық Республикасының құрылғанына 70 жыл толуын мерекелеу» атты халықаралық фотокөрмесі
- 14.10.2019 ж. «Күрес және қайғы. Екінші Дүниежүзілік соғыс кезінде поляк азаматтары» атты көрмесі.