авто

Переключатель языков

Қазақстан Республикасының Мемлекеттік Орталық Музейі қалыпты жұмыс тәртібіне ауысты. Толығырақ осы жерден қараңыз "Байланыс ақпараттар".

Құрметті музей қонақтары! Мерекелік күндердегі музейдің жұмыс істеу тәртібі: 6, 7 шілде -қалыпты кесте, 8, 9 шілде – демалыс.

Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

15.10.2020 ж. «БИЛІК СЕЗІМІ. ГЕРМАНИЯ 19/19» атты фотокөрме

«БИЛІК СЕЗІМІ. ГЕРМАНИЯ 19/19» атты фотокөрме

Қазақстан Республикасы Мемлекеттік орталық музейі мен Қазақстандағы Гете-Институты, Германия Федералдық Сыртқы істер министрлігінің қолдауымен халықаралық ынтымақтастық аясында 2020 жылдың 15 қазаны мен 30 қарашасы аралығында «БИЛІК СЕЗІМІ. ГЕРМАНИЯ 19/19» атты фотокөрмесін ұсынады.

Көрмеге көрермендерді адамның 18 эмоциалық жағдайымен, сондай-ақ Германиядағы демократия мен диктатураның даму тарихымен таныстыратын   130 жуық фотосурет қойылған. Фотосуреттер соңғы 100 жылдағы Германияның әлеуметтік-экономикалық және саяси дамуын сипаттайтын бетбұрыстар мен оқиғаларды байқауға мүмкіндік береді.«Билік сезімі. Германия 19/19» фотокөрме адамдардың «Шабыт», «Ашу», «Мақтаныш», «Сенім», «Қызғаныш», «Қызығушылық», «Үміт», «Реніш» және басқада әр түрлі сезімдері мен күйлерін ашады.

Германияның федералдық сыртқы істер министрі Хайко Маас көрме жайлы: «Сезімдер реформалар мен демократияландыру процестерінің қозғаушы күші де, саяси инструментализация мен айла жасау тақырыбы болды және солай болып қала береді.Саясатты адамдар жасайды, сондықтан ол біздің күнделікті өміріміз сияқты сезімге толы. Бұл сезімдерді түсінудің қиындығы: ашуланшақтық немесе қорқыныш, көр соқыр болу, сенім жоғалуы мүмкін немесе оны пайдаланып кетеді, жанашырлықтан қызғаныш басым болуы мүмкін. Үміт пен жігерілік жақсылыққа да, жамандыққа да әкелуге қабілетті» деп атап өтті.

Фотокөрменің авторлары және ұйымдастырушылары германияның танымал тарихшылары – Уте және Беттина Фреферт, «Естелік, жауапкершілік және Болашақ» қоры мен «Диктатураны зерттеу» Федералдық қоры.Көрме экпозициясынан германияның танымал фотографы Регина Шмекеннің жұмыстары мен Федералды мұрағат пен Федералды баспасөз қызметі ұсынған материалдарда орын алған.Көрменің ерекшелігі қазіргі саяси пікірталастарда бізге не қажет екенін көрсетеді: ашулану мен қорқыныш аз, демократияға деген құштарлық көп. Бұл үшін бірге күресу керек.

02.10.2020 ж. "Акварельді фреш" көрмесі

 2020 жылдың 2 қазанынан 16 қазанына дейін Қазақстан Республикасы Мемлекеттік орталық музейінде Қазақстан Республикасы Суретшілер одағымен бірлесіп "Акварельді фреш" көрмесі өтеді.

"Акварельді фреш" көрмесіАталмыш көрмеде Қазақстандық үздік акварельшілері Елена Иоктон, Абай Чунчалинов, Анна Петракова, Лидия Дроз­дова, Светлана Кравч­енко, Оксана Шольц, Елена Попова, Олена Коломыцева, Наталья Дубовая, Перизат Есназарова, Дина Гаитов­а, Максим Ведерников, Игорь Баграмов, Ру­слан Абрафиков, Ольга Салькова, Кулбаты­ров Рашид, Канағат Кодеков, Камила Лаптева-Тулешова, Дәурен Қастеев, Рауан Сүлейменов, Мұ­хтар Сыздықов, Мақсат Қантарбаев, Майса Ықыласова, Төлеуғазы Байғалиев, Оразалы Жәнібек, Марлан Нысанба­евтың 100-ден астам картиналары музей кеңістігінде ұсынылады.

Акварель бояуы – кескіндемедегі күрделі әдістердің бірі. Акварель минималды құралдар мен максималды мәнерлікті қолдана отырып, әлемді барлық түстерде нәзік түрде көрсете алады. Бұл жеңіл, қозғалмалы кескіндеме, ол ерекше шеберлік пен шыдамдылықты қажет етеді.

Акварель техникасы суретшілер мен осы өнерді бағалаушылар үшін де әрқашанда ең тартымды болып қала береді. Тапқырлық пен батылдықтың арқасында қағаздағы кескіндеме пайда болады.

Көрмеде пейзаж, портреттер, натюрморттар, сюжеттік және дерексіз композициялар ерекше орын алады. Архитектуралық сюжеттер, этникалық мотивтер және адам өмірі - мұның бәрі акварель суретшілерінің жұмысында көрініс табады.

"Акварельді фреш" көрмесіне Қазақстанның түрлі қалаларынан келген дарынды суретшілердің акварель өнері туындыларының кең палитрасы ұсынылады.

Әр шығармада жоғары сапа белгісі бар, ал күрделі стиль әр суретшіні акварельдің бейнелеу өнерінде бөлек орынға қояды.

 

15.09.2020 ж. «Қытай халықтарының ұлттық мерекелік киімі» онлайн-көрмесі

 ҚР орталық музейі Қытай Халық Республикасының Бас консулдығымен халықаралық ынтымақтастық аясында 2020 жылғы 15 қыркүйекте сағат 15.00-де келушілер назарына «Қытай халықтарының ұлттық мерекелік киімі» онлайн-көрмесін ұсынады.

«Қытай халықтарының ұлттық мерекелік киімі» онлайн-көрмесіКостюм тарихы ежелгі заманнан бері адамзаттың өткенін бейнелейтін айна іспеттес. Әр ел, әр халық өз дәстүрлерімен адамдардың киіміне, костюм кию ережелерінде із қалдырады. Костюм арқылы ұрпақтан-ұрпаққа өмірлік даналықты, дүниетанымды, моральдық мұраттар мен эстетикалық талғамды жеткізуге болады. Қытай Халық Республикасы – көпұлтты ел, оның аумағында 56 түрлі ұлт өкілдері, атап айтқанда, хань, тибет, моңғол, хуэй, ұйғыр, қазақ, маньчжур, чжуан және т.б. тұрады. Олардың әрқайсысы ұзақ тарихи үрдісте өзінің бірегей дәстүрлі мәдениетін қалыптастырып, ұрпағына мирас етті. Сондықтан ұлттық киім (дәстүрлі костюм) – бұл әдет-ғұрыптар мен ғасырлар бойы қалыптасқан дәстүрлер туралы ақпарат беретін халықтың өзін-өзі тануының элементі. Қытайдағы халықтардың ұлттық костюмдері олардың өмір салтын ескере отырып жасалды. Онда бірегей образдар сан алуан мата түрлері, түстердің байлығы және үлгілермен үйлесім тапқан. Солтүстіктегі халықтардың еркін пішілген костюмдері мен Оңтүстіктегі ұлттардың нәзік те талғампаз киімдері сәндік-қолданбалы және мәдени функцияларды қатар орындайды.

58 шығармадан тұратын «Қытай халықтарының ұлттық мерекелік киімі» онлайн-көрмесі Қазіргі Қытайда тұратын әртүрлі халықтардың бай материалдық мәдениетін көрсететін фотосуреттер жиынтығымен таныстырады. Аталмыш фотосуреттер халықтардың нақты тұратын аймағына, жынысына (әйелдер мен ерлер костюміне), мақсатына байланысты киімнің ерекшеліктерінен мәлімет береді.

Онлайн-форматта алғаш рет ұсынылып отырған фотокөрме музейдің мәдени-білім беру жұмысының жаңа нысаны болып табылады, ол онлайн-көрермендерге Аспан асты мәдениетінің алуан түрлілігімен танысуға мүмкіндік береді.

Фотокөрме Аспан асты елі мәдениетінің алуан түрлілігін, ондағы ұлттардың бірлігін, олардың шынайы сұлулығы мен үйлесімділігін толықтай көрсетуге арналған.

ҚР Орталық музейі мен Алматы қаласындағы ҚХР Бас консулдығының «Қытай халықтарының ұлттық мерекелік киімі» онлайн-көрмесі екі ел халықтары арасындағы халықаралық мәдени алмасуды, достық пен ынтымақтастықты нығайтуға бағытталған.

«Қытай халықтарының ұлттық мерекелік киімі» онлайн-фотокөрме (1 – бөлім)

«Қытай халықтарының ұлттық мерекелік киімі» онлайн-фотокөрме (2 – бөлім)

 

01.10.2020 ж. «Ғажайып қолтаңба» (Қазақстан Республикасы Мемлекеттік орталық музейі қорындағы қытай фарфор бұйымдарының топтамасы) атты көрме

 

2020 жылдың 1 қазанында сағат 15.00-де Қазақстан Республикасы Мемлекеттік орталық музейінде халықаралық ынтымақтастық аясында Қытай Халық Республикасының Алматы қаласындағы Бас консулдығымен бірлескен «Ғажайып қолтаңба» (Қазақстан Республикасы Мемлекеттік орталық музейі қорындағы қытай фарфор бұйымдарының топтамасы) атты көрмесі ашылады. Шара Қытай Халық Республикасының 71 жылдығына арналған.

«Ғажайып қолтаңба»Қытай фарфоры - аспан асты империясының мәдениеті мен өнерінің маңызды компоненттерінің бірі. Фарфордан жасалған бұйымдар фарфорға сурет салу өнерін көрсетеді, сонымен қатар ежелгі дәуірлерден бастап әр заманда өз туындылары арқылы әлемдік өнерге құнды үлес қосқан қытай шеберлерінің ғасырлық дәстүрлерін паш етеді.

Қазақстан Республикасы Мемлекеттік орталық музейінің қорында XIX ғасырдың екінші жартысында (ҚР МОМ Орынбор кезеңінің тарихы) қалыптаса бастаған қыш пен фарфор топтамалары ерекше орын алады. Ол кезде музейге өткізілген алғашқы экспонаттарды жеке адамдар «сыйға берген» және олар негізінен XVIII-XIX ғасырларға тиесілі тұрмыстық заттар еді. Олардың арасында әсемдігі және көркем пішіндерімен назар аудартатын әр түрлі керамикадан жасалған бұйымдар бар.

«Ғажайып қолтаңба» көрмесінің экспозициясы 3 бөлімнен тұрады: археологиялық қазба жұмыстарының үлгілері; фарфорды көркем керамика өнерінің айрықша үлгісі ретінде таныстыру; сондай-ақ көркем керамиканың сәнді шағын түрлері. Көрмеге ҚР Орталық музейінің фарфордан, фаянс, керамика, мыс, саздан жасалған 60-тан астам бірегей экспонаттары қойылады. Ұсынылған заттардың ішінде Талғар қаласынан (Талхир) табылған, Ұлы Жібек жолымен бізге жеткен қыш бұйымдарын көрсететін археологиялық қыш бұйымдары ерекше қызығушылық тудырады. Бұл XI-XII ғасырлардағы қытай фарфорынан жасалған, Сун династиясына тиесілі, Алматы маңындағы ежелгі Талхир (Талғар) қаласындағы қазба жұмыстары кезінде табылған тостақтар мен табақтар. XIX ғасырдың 40-жылдарында Орынбор қаласында сатып алынған гүлді оюлар мен қытайлық өрнектері бар фарфордан жасалған ыдыс-аяқтардың ғажайып коллекциясы, құмыралар, оның ішінде Қашқариядан Ш.Уәлиханов әкелген жеке құмырасы, сонымен қатар 20 ғасырдың әр жылдарындағы шай рәсімінің заттары да көрмеде ұсынылады. Қазақстан Республикасының Тұңғыш Президенті Н.Ә. Назарбаевқа ҚХР басшылары сыйға тартқан құмыралар мен кәдесыйлар де құнды жәдігерлердің бірі болып табылады.

Қытайлық қолөнершілер салған бұйымдар сапасы, әдемілігі, декордың өзіндік ерекшелігі, пішіндері мен тақырыптарының алуан түрлілігімен ерекшеленеді. Қытай пейзаждарының сұлулығы, будда храмдарының, сарайлар мен пагодтардың әсем формалары, гүлдермен әшекейленген бұйымдар, гүл композицияларының сызбалары, суреттер, иероглифтер - осының бәрі суретшілердің жоғары шеберлігін паш етеді.

Көрме шынайы өнерді бағалаушыларға музейдің фарфор коллекциясымен танысып, қытай фарфорын тамашалау арқылы эстетикалық ләззат алуға мүмкіндік береді.

Көрме 2020 жылдың 31 қазанына дейін жалғасады.

 

04.03.2020 ж. Қазақстан халқы Ассамблеясының 25 жылдығына арналған Иллюстрациялау бойынша I Республикалық байқауға қатысушыларының «БАЛАЛАРДЫҢ ҒАЖАЙЫП ӘЛЕМГЕ ДЕГЕН КӨЗҚАРАСЫ» атты көрмесі

Қазақстан Республикасы Мемлекеттік орталық музейі 2020 жылдың 4 наурыз күні сағат 15.00-де дизайнер-сәндеуші, оқытушы Ажар Қанатқызы Тюлеубаеваның бастамасымен «Almaty tutoring» балаларды дамыту орталығымен бірлесе отырып, Қазақстан халқы Ассамблеясының 25 жылдығына арналған Иллюстрациялау бойынша I Республикалық байқауға қатысушыларының «БАЛАЛАРДЫҢ ҒАЖАЙЫП ӘЛЕМГЕ ДЕГЕН КӨЗҚАРАСЫ» атты көрмесін ашады.

«БАЛАЛАРДЫҢ ҒАЖАЙЫП ӘЛЕМГЕ ДЕГЕН КӨЗҚАРАСЫ» атты көрмесіҚазақстанда тұратын этностардың достығы мен өзара татулығын көрсететін, қазақстандық белгілі жазушы Герольд Бельгердің «Қасқыр, Чапа және басқалар» атты туындысына негізделген иллюстрациялық бірінші Республикалық байқау, Қазақстан Республикасы Тәуелсіздік күніне орай 2019 жылы бастау алды. Байқауға жалпы білім беретін мектептердің 4-11 сынып оқушылары мен Қазақстан колледждерінің (1-2 курс) студенттері қатысты.

Байқаудың мақсаты мен міндеттері – авторлық иллюстрациялар жасау, Бельгердің балаларға арналған туындыларын көпшілікке тарату, балалардың оқуға деген ынтасын арттыру, қағазға түсіру арқылы қиялды дамыту.

Байқау қорытындысын Қазақстан Суретшілер одағының мүшелері, бейнелеу өнерінің оқытушылары, дизайнер-сәндеушілер, журналистер, Орталық музей өкілдерінен құрылған қазылар алқасы шығарды. Жұмыстарды іріктеу кезінде автордың шығармашылық көзқарасы, ойдың бірегейлігі, орындау техникасы, композицияның болуы, түс гаммасы, орындалу сапасы, сюжеттің ойластырылуы ескерілді. Жеңімпаздардың жұмыстары үш тілде жазылған Г.К. Бельгердің «Қасқыр, Чапа және басқалар» әңгімелер жинағына енеді.

«Almaty tutoring» балаларды дамыту орталығының «By ArT» көркемсурет студиясы тәрбиеленушілерінің әртүрлі техникаларда орындалған 300 жұмыстан тұратын картиналары «БАЛАЛАРДЫҢ ҒАЖАЙЫП ӘЛЕМГЕ ДЕГЕН КӨЗҚАРАСЫ» атты көрмесінің экспозициясында ұсынылған.

Келушілер іс-шара аясында ҚР Ұлттық кітапханасының көмегімен жазушы, аудармашы, Қазақстан Республикасы Тұңғыш Президентінің - Елбасының Мемлекеттік бейбітшілік және прогресс сыйлығының  лауреаты, түрлі тілдерден аударылған 1800 астам аудармалардың, сондай-ақ 50-ден астам кітаптың авторы, қазақ, неміс және орыс тілдерін жетік меңгерген, Қазақстан Жазушылар Одағының мүшесі Герольд Карлович Бельгер (1934-2015 жж.) туралы деректермен таныса алады.

Іс-шараның ашылуына педагог Бельгердің жары Раиса Закировна Хисматуллина қатысады.    

Көрме 2020 жылдың 16 наурызына дейін жалғасады.

Сайт материалдарын пайдаланған жағдайда, музейге сілтеме көрсетілуі керек. // При использовании информации с сайта, просим указывать источник.
When using information from this site, please link to the source