Қазақстан Республикасы Мемлекеттік Орталық музейінде Тәуелсіздік күні және 1986 жылғы Желтоқсан оқиғаларына арналған «Желтоқсан – Тәуелсіздік жаңғырығы» көрмесінің ашылуы өтті.
Қазақстанның тәуелсіздікке қол жеткізуіне 1986 жылы Алматыда өткен желтоқстан оқиғасының бірден-бір себеп болғаны тарихтан мәлім. Бұл күн егемен еліміздің қалыптасуы мен дамуы жылдарында жүріп өткен сан қилы жолдарын еске түсіреді. Уақыт өткен сайын бұл тарихи оқиғаның маңызы арта түседі және халық жадында болады.
Көрмеге қойылған құнды экспонаттар қатарында 1986 жылғы Брежнев алаңында өткен Желтоқсан оқиғасының қатысушысы, КСРО Халық әртісі Ә.Мәмбетовтың қанға боялған киімдері (пиджак, жейде және галстук) бар. Танымал режиссер өз естелігінде: «1986 жылдың, 17-желтоқсанында Кеңес армиясы солдаттары бізді соққыға жығып, жүк көлігіне бірнеше адамды міңгестіріп жатқанда түбінде ақиқат анықталарына сенгенмін. Сол күн туды» - деп жазады.
Сондай-ақ көрмеге Қазақстанның Халық жазушысы Мұхтар Мағауиннің жеке коллекциясынан алынған темір арматуралы сойылдар қойылды. Бұл туралы қаламгер былайша баяндайды: «1986 жылы желтоқсан оқиғасынан 10 шақты күн өткеннен кейін алаңға арнайы бет алдым. Қалың қар күреліп, алаңның шетіне үйілген екен. Әлдебір тұстан таяқтың ұшы көрінді. Сақшылардың көзін ала бере таяқты суырып алдым. Кері қайтып келдім де, тағы бір таяқты аршып алдым. Екеуін де үйге әкеліп, сақтап қойып едім». Жазушы сойылдарды 2014 жылы музей қорына өткізген.
Сонымен қатар, көрмеге келушілер назарына 17-18 желтоқсан күндері дыбысты күшейту үшін пайдаланылған электромегафон, желтоқсан оқиғасы негізінде «Аллажар» фильмін түсірген режиссер Қалдыбай Әбеновтың кешенінен алынған материалдар, Қайрат Рысқұлбековтың фотосуреттері мен жеке құжаттарының түпнұсқасы, өзге де Желтоқсан оқиғасына қатысушылардың заттық экспонаттары мен құжаттары, фотосуреттері және осы тарихи оқиға туралы жазылған кітаптар ұсынылды. Жалпы бүгінде музей қорында Желтоқсан оқиғасына қатысты 200-ден астам жәдігер бар.
Шараға Қазақстан Жазушылар Одағының мүшесі, журналист-публицист, желтоқсаншы Хасен Қожа-Ахмет және Желтоқсан ардагерлері қатысып, естеліктерімен бөлісті.
Көрме аясында ұйымдастырылған «Тәуелсіздік бастауы - Желтоқсан» мәдени-танымдық іс-шарасында Бауыржан Момышұлы атындағы Республикалық «Жас Ұлан» мектебінің, Қазақстан Республикасы Ұлттық қауіпсіздік комитеті Шекара академиясының курсанттары және Алматы қаласының полиция департаментінің қызметкерлері өнер көрсетті.
Қазақстан Республикасы Мәдениет және ақпарат министрлігі, Қазақстан Республикасы Мемлекеттік орталық музейі мен Құрманғазы атындағы Қазақ ұлттық консерваториясының халық музыкасы факультетінің ұйымдастыруымен Махамбет Өтемісұлының 220 жылдығына орай
Алматы қаласы бойынша күйшілер мен термешілер арасында сайыс өтеді. Өнер додасының басты демеушісі «Арыс» қоры.
Сайыс ережесімен таныс болыңыздар!
І. САЙЫСТЫ ӨТКІЗУ ТӘРТІБІ:
- 1.Сайысқа 16 мен 35 жас аралығындағы орындаушылар қатынаса алады;
- 2.Сайыс «Жыр-терме» «Домбыра» номинациялары бойынша өтеді;
- 3.Сайыс Алматы қаласында, 2023 жылдың 19-ші желтоқсаны күні өтеді
(ұйымдастырушылардың шешімімен өткілетін күні мен уақыты өзгертілуі мүмкін, ондай жағдайда қатынасушыларға алдын-ала ескертілетін болады);
- 4.Сайысқа қатынасу үшін 2023 жылдың 1-15 желтоқсаны аралығында «Қайран,
Нарын..» Алматы қалалық күйшілер мен термешілер сайысына қатысуға өтінімді осы Ереженің 1-қосымшасына сәйкес электронды түрде келесі құжаттар жібереді. (бұдан әрі – Өтінім)
ӨТІНІМ:
1. PDF форматындағы сайысқа қатысушының жеке басын куәландыратын құжат көшірмесі;
2. Сайысқа қатысушының шығармашылық өмірбаяны (PDF немесе docx форматында);
3. Сайысқа қатысушының музыкалық білімі туралы құжаттың көшірмесі (PDF форм.);
4. оқу орнынан анықтама (студенттер үшін), жұмыс жасайтын орнынан ұсыным;
5. Өтінімде қатысушылар алдын-ала көрсеткен бағдарламасы өзгермейді.
6. Өтінім This email address is being protected from spambots. You need JavaScript enabled to view it. поштасына жіберіледі.
Байланыс тел:8 (727) 264 55 66; 8 776 913 33 97
7. Сайыста өнер көрсету тәртібі жеребе тарту арқылы анықталады.
8. Сайыс 2023жылдың 19-желтоқсан күні өткізіледі және сол күні қорытындыланып, марапаттау рәсімі мен Гала-концерт өтеді.
ӘМІРЕ ҚАШАУБАЕВТЫҢ 135 ЖЫЛДЫҒЫНА ОРАЙ «ӘЛЕМДІ ӘНМЕН ТЕРБЕТКЕН ҰЛЫ ДАЛА ДҮЛДҮЛІ» КӨРМЕСІ АШЫЛДЫ Музыкалық тілде жоғары тенор деп аталатын Әміре дауысы – табиғаттың қазақ халқына тарту еткен сирек сыйы. Әміре даусының мінсіз сұлулығы ғасырларда ғана қайталанар ерекше құбылыс. ҚР Мемлекеттік орталық музейі қорында біртуар дарын иесінің жеке мұрағаты бар. Көрме төрінен орын алған аса құнды жәдігердің бірі – XX ғасырдың 20-жылдары Әміре Қашаубаевтың даусы жазылған патефон. Сондай-ақ әншінің домбырасы, портреті, Парижде сатып алған айнасы, өмірі мен шығармашылығын зерттеген ғалымдардың еңбектері мен құжаттарының түпнұсқасы көпшілік назарына ұсынылды. Шараға ҚР Жазушылар Одағының мүшесі, қоғам қайраткері, Ә. Қашаубаевтың туысы Хасен Керімжанұлы, ақын, журналист, Ә. Қашаубаевқа арналған «Ұлы тенор» поэмасының авторы Шағыр Семейғазыұлы және БАҚ өкілдері қатысты.
Көрме 2023 жылғы 19 - желтоқсанға дейін жалғасады.
ЕЛ ЕРКЕСІ - АҚАН СЕРІ Қазақстан Республикасы Мемлекеттік орталық музейінде Ақан сері Қорамсаұлының туғанына 180 жыл толуына орай «Ел еркесі - Ақан сері» әдеби-шығармашылық кеші өтті. ҚР Мемлекеттік орталық музейінің жалпы жұмыстар жөніндегі директор орынбасары Сержан Бараханұлының алғы сөзімен ашылған шараға өнертанушы, әнші Ерлан Төлеутай, Құрманғазы атындағы Қазақ Ұлттық консерваториясы «Халық әні» кафедрасының меңгерушісі, аға оқытушы, Амангелді Күзеубай қатысып, Ақан серінің өмірі мен шығармашылығына қатысты құнды ақпараттармен бөлісті. Сонымен қатар, Т. Жүргенов атындағы Қазақ Ұлттық өнер академиясының «Дәстүрлі музыкалық өнер» кафедрасының және Құрманғазы атындағы Қазақ Ұлттық консерваториясы «Халық әні» кафедрасының студенттері дарынды композитордың әндерін орындап, кештің көркін қыздырды.
ҮЛКЕН «ШЫҒЫС КЕРУЕНІ»
АТТЫ ОРТАЛЫҚ АЗИЯ ҚОЛӨНЕР ШЕБЕРЛЕРІНІҢ КӨРМЕ-ЖӘРМЕҢКЕСІ
БАСПАСӨЗ ХАБАРЛАМАСЫ
«Бахыт» сәндік-қолданбалы өнер орталығы қоғамдық қоры Қазақстан Республикасы Мемлекеттік орталық музейімен бірігіп, Орталық Азия қолөнер шеберлерінің көрме-жәрмеңкесін өткізеді.
Қазақстанның әр аймағынан және Орта Азия елдерінен келген қолөнер шеберлері өздерінің бар жанын, күшін, фантазиясын салып, әр түрлі жанрда, түрлі стильде қолдан жасаған бұйымдарын паш етеді.
Жібек жолы - шығыс елдері арасындағы экономикалық және мәдени қарым-қатынаста үлкен рөл атқарған. Осындай түрлі-түсті, шулы базарларға әр елден келген сатушылар мен тұтынушылар Қытай жібектері мен фарфорын, Үнді дәмдеуіштерін, Хорезм қыштарын, көркем-сурет шығармаларын және де т.б. қолөнер бұйымдарын алып-сатып отырған. Осындай ежелгі мәдени бүгін де жалғасын тауып жатыр.
«Шығыс керуені» атты көрме-жәрмеңкеге келген қонақтарға көтеріңкі көңіл-күй мен өз қалауы бойынша таңдаған сыйлықтар, кәдесыйлар: киімдер, жүннен, жібектен, теріден жасалған бұйымдар, зергерлік әшекейлер, жібек орамалдар, қыштан жасалған ыдыс-аяқтар, интерьер бұйымдары, тоқымалар, жұмсақ ойыншықтар тағы да басқа көптеген бұйымдар ұсынады.
Көрме-жәрмеңке аясында қолөнер шеберінің түрлерінен шебер-сыныптар көрсетіледі.
1-2 желтоқсан күні сағат 11-00 – 15-00 киіз басудан шебер-сыныпты Сауғабекова Әлия жүргізеді.
3 желтоқсан күні Лилия Луценко - кескіндеме.
Көрме-жәрмеңкенің жұмыс уақыты: 1–3 желтоқсан 2023жг., сағ. 9–00 до 18–00
Өтетін орны: ҚР Мемлекеттік орталыұ музейі (Самал-1, 44 үй).
Көрменің ұйымдастырушысы: «Бахыт» сәндік-қолданбалы өнер орталығы ҚҚ
Бахыт Әбдікәрім: +7 701 3908125, e-mail: This email address is being protected from spambots. You need JavaScript enabled to view it. "> This email address is being protected from spambots. You need JavaScript enabled to view it. ;
Күнсулу Әбдікәрім:
8(727) 303-99-13, +7 7783164165, e-mail: This email address is being protected from spambots. You need JavaScript enabled to view it. "> This email address is being protected from spambots. You need JavaScript enabled to view it.
