2019 жыл Мемлекеттік музей үшін ауқымды жұмыстарға қарқынды жоспарлар жасала басталып та кетті. 8 қаңтар күні қазақтың қара шаңырағы – ҚР Мемлекеттік орталық музейіне Түркияның танымал азаматы Мехмет Дервиш Клынчкая арнайы ат басын бұрды. Мехмет Дервиш Клынчкая – Хажетеппе университетінің профессоры, Ататүрік принциптері және төңкерістер тарихы институтының директоры, СКОПУС халықаралық базасына кіретін "Мемлекет тарихы зерттеулері" журналының басшысы және жалпы түркі халқы үшін аянбай еңбек етіп жүрген ғалым. Орталық музейдің бай коллекцияларымен таныс болған ғалым жалпы қазақ, қырғыз, түрік демей, жалпы түркі халқына мұра болатын, түп тамырымызды танытатын өшпес еңбектер жасап, барша әлемге паш етуді көздейтінін, әрбір жас ғалымға жол сілтеп бағыт беруге даяр екенін, өзі басқарып отырған әлемге әйгілі беделі зор журналға басылатын әрбір ғылыми еңбектің арқалайтын жүгінің ауырлығын, сөз құдыреті жайлы біраз сыр шертті.

Жас буын ғалымдарға тағылымы мол жылы кездесу болды. Оған музейдің ғылыми қызметкерлері, әл-Фараби атындағы Қазақ Ұлттық университеті тарих, археология және этнология факультетінің оқытушылары, Ш. Уәлиханов атындағы Тарих және этнология институтының қызметкерлері және жас ғалымдар қатысты. Кездесу барысында екі ел арасындағы достық қарым-қатынасты нығайту, жалпы түркі жұртына ортақ дүниелерді жариялау мақсатында өзара ынтымақтастық туралы меморандум да жасалды.

2018 жылдың 14-18 желтоқсан аралығында Қазақстан Республикасы Мемлекеттік Орталық музейінде Алматы қаласындағы «Творческие сезоны» компаниясының ұйымдастыруымен Орталық және Орта Азиядағы ең ірі Халықаралық «Christmas Art Fair-2018» атты бейнелеу өнері көрме-жәрмеңкесі өтеді.

14 желтоқсан күні сағат 13:00-де салтанатты ашылу рәсімі өтеді, көрме-жәрмеңке аясында Қазақстанның бисер өнерінің шеберлері қоғамдастығынан премиум-класты авторлық әшекейлер көрсетіледі.

Жаңа жыл — үлкендер мен балалар күтетін сиқырлы мереке. Ол ертегі әлеміне сиқырлы, жылтыр және жарқын оттармен дем алады. Жаңа жылдық мерекелердің уақыты — әр жылдың соңында әрбір үйге келетін ең ізгі, әдемі ертегі уақыты.

Бейнелеу өнері көрме-жәрмеңкесін өткізу Қазақстан мен басқа шет мемлекеттің суретшілері, шеберлері мен өнерді бағалаушылар үшін игі дәстүрге айналды. Көрме-жәрмеңкеде жұртшылық Қазақстан, Ресей, Украина және Орталық Азиядан келген дизайнер, суретші, шығармашылыққа құштар өзге де өкілдердің тартымды бұйымдарымен таныса алады. Көрме-жәрмеңкеге қатысушылар өздері жасаған дизайнерлік бұйымдарымен келушілерді таңқалдыру үшін бірнеше ай бұрын дайындық жасайды. Сонымен көрме-жәрмеңкеге әшекей бұйымдар, киім-кешек пен керек-жарақтар, интерьерлік заттар, авторлық карамельдер, тоқаштар, шоколад пен пісірілген түрлі тәттілер, шырша ойыншықтары, қуыршақтар, нәзік жібектер, жылы авторлық киізден жасалған заттар, фарфор, әйел сөмкелері, түрлі керамикалық заттар, эко-косметика және т.б. қойылады.

Рождестволық көрме жаңа жылдық өнімдердің бай ассортиментімен танысып қана қоймай, сонымен қатар барлығына қуаныш сыйлап, алдағы жылға жағымды әсер етеді.

Қазақстан Республикасы Мемлекеттік орталық музейі мен «Творческие сезоны» компаниясы Сіздерді Халықаралық «Christmas Art Fair-2018» көрме-жәрмеңкесін тамашалауға шақырады.

Көрме-жәрмеңкенің ресми ашылуы: 2018 ж. 14 желтоқсан, сағат 13-00-де

Көрме-жәрмеңкенің жұмыс уақыты: 14 - 18 желтоқсан, сағат 9.00-19.00-ге дейін

Қазақстан Республикасы Орталық мемлекеттік музейінде 2018 жылдың 25 желтоқсанында сағат 16.00-де белгілі ғалым-этнолог, Түрік Республикасы ЮНЕСКО Ұлттық Комиссиясының Төрағасы, «Milli Folklor» атты Томсон Рейтер базасы ғылыми журналының бас редакторы, профессор Ожал Оғыздың қатысуымен «Фольклордың этникалық функциясы»  семинары өткізілді.

Семинардың ашылуында Орталық мемлекеттік музей директоры Нұрсан Әлімбай фольклорды зерттеу мәселелеріне және халық санасында шаруашылық, рухани, мәдени қызмет тәжірибесінің ауызша түрде сақталып қалған оны зерттеу маңыздылығына назар аударды.

Тарих және мәдениет теориясы, халық мәдениетінің генезисі мен даму, мәдени құндылықтардың қалыптасу үдерісі мәселелерін зерттеуде маңызды және қажетті жолдардың бірі ретіндегі халық білімін зерттеудің көкейтестілігі мен қажеттілігі айқындалды.

Семинардың негізгі баяндамашысы профессор Ожал Оғыз өз сөзінде халық мәдениеті – фольклордың түрлі бағыттарын қолдау, жаңғырту мен дамыту мәселелеріне көңіл бөлді. Нәтижелері халық білімін зерттеу мен насихаттауға дерекнамалық негіз бола алатын және болуы тиіс дала жұмыстарының түрлеріне – фольклорлық экспедицияларға, сонымен қатар халық ісмерлерін, шеберлерін, фольклордың ауызша түрлерін (өлеңдерді, эпостарды және басқаларын) орындаушыларды қолдауға ерекше назар аударды. Профессор Ожал Оғыз меңгерушісі болып табылатын Хажы Байрам (Анкара қ.) университеті халық білімі кафедрасының  жұмыс тәжірибесі семинарға қатысушылардың зор қызығушылығын туғызды. Профессор кафедра қызметкерлерінің ғылыми-практикалық қызметі туралы айтып берді. Олар халық шеберлері мен орындаушыларын қамти отырып, жастармен, балалармен жүйелі түрде дәрістер өткізіп тұрады және осылайша өскелең ұрпаққа халық білімін береді. Мұндай сабақтастық жастардың бойында мәдениет пен тарихқа деген құрмет сезімін тәрбиелейді, сондай-ақ халық өнеріне үйрену мен меңгеру ниетін оятады.

Семинар жұмысына белгілі түрік және қазақстандық ғалымдар – Қазақ-түрік Еуразиялық институтының директоры, доцент Вакур Сумер, п.ғ.д., профессор С.М. Борбасов, ф.ғ.д., профессорлар Н. Уәли және Р.Шойбеков,  т.ғ.д., профессорлар М.С. Ноғайбаева, А. Қалыш, Т. Қартаева және басқалары қатысты.

Семинарға музейдің ғылыми қызметкерлері, әл-Фараби атындағы Қазақ Ұлттық университеті тарих, археология және этнология факультетінің оқытушылары, Ш. Уәлиханов атындағы Тарих және этнология институтының қызметкерлері және жас ғалымдар қатысты.

«Фольклордың этникалық функциясы» ғылыми семинарына қатысушылар халық мәдениеті құндылықтарының әмбебап иеленушісі ретіндегі фольклордың генезисі мен  қалыптасу, даму және сабақтастық мәселелері бүгінгі таңда аса көкейтесті және олардың шешілуі халықтың тарихи-мәдени мұрасын жаңғырту мен сақтаудың міндетті талабы болып табылады деген пікірге бірауыздан келді .

Ғалия Теміртон, ҚР Мемлекеттік Орталық музейі директорының ғылыми жұмыстары жөніндего орынбасары, философия докторы

2018 жылдың 30 қараша және 1 – 2 желтоқсан күндері Қазақстан Республикасы Мемлекеттік орталық   музейі «Бақыт» сәндік-қолданбалы өнер орталығымен бірлесіп, «Арт-Шығыс базары» атты Орталық-Азиялық дәстүрлі қолөнер көрме-жәрмеңкесін өткізеді. Көрмеге Қазақстан, Қырғызстан, Тәжікстан, Түрікменстан, Өзбекстан және Ресей елдерінен келген 150-ден астам қолөнер шеберлері қатысады.

Көрме-жәрмеңкенің басты мақсаты – Орталық-Азия өңірі қолөнершілерінің шеберліктерін көрсету, өзара серіктестікті дамыту, жаңа шығармашылық ізденістер тауып, қолөнер өнімдерін көпшілікке ұсыну.

Жаңа жылдық мерекелер қарсаңында келушілердің назарына сыйлық және кәдесый өнімдерінің эксклюзивті авторлық жұмыстарының кең спектрі ұсынылады: ұлттық және брендті киім, күмістен, мельхиор, алтын жалатылған және эмальдан жасалған зергерлік бұйымдар, музыкалық аспаптар, шығыс миниатюрасы, табиғи материалдардан жасалған кәдесыйлар, кәріптас, бисерден жасалған әшекейлер, қыш, киіз және жібек мата бұйымдары, кенеп, қайың тозындағы суреттер, соғып жасалған сәндік бұйымдар, қолдан жасалған сабын, жаңа жылдық ойыншықтар және өзге де көптеген қызықты жұмыстар.

Соңғы 16 жыл ішінде Орталық Азия өңірінің сәндік-қолданбалы өнер шеберлері ҚР Орталық музейінің қабырғасында өтетін көрме-жәрмеңкеде өздерінің шығармашылық мүмкіндіктерін көрсетіп, тәжірибе алмасып, өзара тиімді әріптестік қарым-қатынастарын кеңейтіп, бір-бірімен жаңа шығармашылық идеялармен бөлісіп, өз өнімдерін сатумен айналысады.

Көрме-жәрмеңке аясында музейге келушілерге қазақстандық суретші-қыш шебері Әлиасқар Мұсаев қыш қолөнері бойынша, ал О. Таңсықбаев атындағы сәндік-қолданбалы өнер колледжінің студенттері киіз және батик бойынша өздерінің алғашқы шеберлік сабақтарын өткізеді.

Көрме-жәрмеңкенің ресми ашылуы - 2018 жылдың 30 қараша күні сағ.10.00.

Көрме-жәрмеңкенің жұмыс уақыты: 30 қараша- 1-2 желтоқсан, 9.00-ден 18.00-ге дейін

Көрме-жәрмеңкеге кіру - ақылы