Қазақсан Республикасы Мемлекетік орталық музейі 2006 жылдан бастап Республика бойынша алғашқы болып «Халықаралық музейлер күні» кәсіби мерекесіне орай «Музей түні» акциясын өткізуді дәстүрге айналдырды. Бұл бүгінгі таңда әлемдегі басты музейлердің ортасында танымалдыққа ие болып отырған ұтымды халықаралық мәдени-білім беру жобасы. Музей жыл сайын түрлі, қызықты, танымдық мәдени-білім бағдарламаларын ұсынып келеді.
Жобаның негізгі мақсаты-өткеннің тарихи-мәдени мұрасын сақтау және көпшілікке тарату мәселелерін өзектендіру, музейдің әлеуетін таныту және келушілерді, әсіресе, жастар үшін өзіндік даму мен өзін-өзі көрсетудің жаңа мәдени-зияткерлік мүмкіндіктерін ашуға ынталандыру дер едік. Жоба музейдің маңыздылығын арттыруға, тарихи және отбасылық құндылықтарды танымал ету, өскелең ұрпаққа патриоттық, адамгершілік тәрбие беру, сондай-ақ музейге келушілер санының артуына ықпал етуге бағытталған.
Келушілердің арасында балаларын музейге өз елінің тарихы және дәстүрімен жете таныстыру үшін, яғни, мақсатты түрде келетін отбасылар да бар. Биылғы Музейдегі түн акциясы Жастар жылына арналған. ҚР Орталық музейі өткізіп отырған музей түнінің ұраны – «Жастар: бастама, жетістік». Іс-шара ең алдымен оқу орындары оқушыларының жаңашыл идеялары мен қазіргі жастар бастамаларын қолдауға бағытталған. Іс-шара аясында «Біз – Қазақстанның болашағы» атты көрме ашылды. Көрме жоғары оқу орындары студенттерінің түрлі салаларда жеткен жетістіктері мен бастамаларын көрсетуге бағытталған. Бұл шығармашылық, ғылыми, авторлық жұмыстар, тарих, экология, музыка, өнер, дизайн, сәулет, ақпараттық технологиялар және т.б. салалар мен бағыттарды қамтыған жобалар.
«Музей түні» шарасына Алматы қаласының төмендегідей ЖОО мен колледждері: әл-Фараби атындағы ҚазҰУ, Абай атындағы ҚазҰПУ, Т.Жүргенов атындағы Қазақ ұлттық өнер академиясы, Қ.И.Сәтбаев атындағы ҚазҰТУ, «Тұран» университеті, «Халықаралық ақпараттық технологиялар» университеті, Ж.Елебеков атындағы республикалық эстрадалық-цирк колледжі, Қазақ спорт және туризм академиясы, Қазақ бас сәулет-құрылыс академиясы, Қазақ Ұлттық Аграрлық Университеті, О.Таңсықбаев атындағы Алматы сәндік-қолданбалы өнер колледжі, «Сымбат» сән бизнес академиясы; Алматы мемлекеттік сервис және технологиялар колледжі, Жас суретшілер Одағы қатысты.
«Музей түні» жастардың шығармашылық, интеллектуалдық дамуына ғана емес, сонымен қатар суретші – кескіндемеші, мүсінші, дизайнер-модельердің, сәулетшілер, сәндік-қолданбалы өнер шеберлерінің шығармашылықтың түрлі саласында өз дарынын сынау-бағамдау үшін жаңа серпін мен ынталандыру болып табылады. Бұл мереке күні Қазақстан суретшілері Фатима Тарази, Жанар Нөкетаева, сондай-ақ, О. Таңсықбаев атындағы өнер колледжінің педагогтары өнер көрсетті.
Жыл сайын ҚР Орталық музейі қор көрмелерінің тақырыбын толықтырып тұрады. Бұл жолы келушілердің назарына ҚР Мемлекеттік Орталық музей қорынан, ҚР Президенті мұрағатынан, сондай-ақ ҚР Мемлекеттік орталық мұрағатынан алынған деректерден құрылған «Қазақ жазуының тарихы» атты көрме келушілерді латын және кириллицада жазылған фотоматериалдар, мұрағаттық құжаттар, сирек қолжазбалар және қазақ тілінде арабтың өрме жазуында жазылған басылымдармен таныстырды.
Музейлік білім беруде қолданылатын интерактивті әдістемелерге сай ҚР Орталық музейінің қызметкерлері келушілерге арналған жаңа интерактивті бағдарламалар әзірледі: «Музейдегі түн» білім беру бағыты музей залдары экспозициясы негізінде Қазақстан тарихы бойынша көне заманнан қазіргі күнге дейінгі кезеңді қамтитын тапсырма, ойлан-тап-сұрақ-жауап квест форматында ұйымдастырылды, «Археологтың қазба барысындағы бір күн»» бұрышы келушілерді ғажайып археология әлеміне тарту және археологиялық далалық зерттеулермен, қазба жұмыстарын атқару әдіс-тәсілімен және ҚР МОМ археологиялық экспедициялары жұмысының көрінісмен таныстырса, «Сал-серілердің мұрасы» экспозициясы қазақ фольклорының бай мұрасы, Ұлы ақын-жыраулардың шығармашылығы сынды тағлымдық қойылымды ұсынды.
Музей түнінің құрметті қонақтары – түркиялық шеберлер тобы түрік мозаикасы, ал индонезиялық музыканттар мен шеберлер батик сурет салу өнері бойынша шеберлік-сабақтарын өткізді.
Осылайша, ҚР Орталық музейі өз жұмысында келушілермен тығыз қарым-қатынасты дамыту және өз коллекцияларын интерпретациялаудың жаңа нысандары мен әдістерін қолданып, болашақ ұрпақ үшін маңызы зор жаңа дәстүрлерді жандандыруда. «Музейдегі түн» Мәдениеттер мен ұрпақтар, түрлі қауымдастықтар өкілдерінің арасында диалог қалыптастыруға ғана емес, сонымен қатар тарихи-мәдени мұраны жинақтау, зерттеу, сақтау және дәріптеу сынды өзінің дәстүрлі қызметін атқара отырып, музей жұмысының табиғатын ашуға ықпал етеді.
 |
 |
 |
 |
 |
 |
 |
 |
Қазақстан Республикасы Мемлекеттік орталық музейі «KS – production» продюсерлік орталығы және «Қайырымды Істер Өлкесі» Қазақстан мүгедектері қайырымдылық ҚҚ-мен бірлесіп, 2019 жылдың 6 мамыр күні сағат 14.00-ден 18.00-ге дейін Ұлы Отан соғысындағы Жеңістің 74 жылдығына арналған «Халық жүрегіндегі жауынгерлер» атты іс-шарасын өткізеді.
Сондай-ақ іс-шара аясында ҚР Орталық музейі «Ұлы Отан соғысының Қаруы» атты көрмесін дайындап, акция қатысушыларын кеңес және неміс-фашистік атыс қаруымен таныстырады.
Орталық музей жыл сайын Алматы қаласының әр аудандарындағы ҰОС ардагерлерінің құрметіне арналған қайырымдылық акциясын өткізуді дәстүрге айналдырды.
Аталмыш шара 2018 жылы Медеу ауданының ардагерлеріне арналған, ал биыл акцияға Жетісу ауданында тұратын ҰОС және еңбек майданының ардагерлері қатысады.
Ардагерлермен жүздесу өскелең ұрпаққа еліміздің тарихи мұраларымен танысуға, олардың бойына азаматтық сана-сезімдерді оятуға және патриоттық рухқа баулуға, отансүйгіштікке тәрбиелеуге, ҚР мүдделеріне қызмет етуге лайық деп білеміз.
Ұлы Жеңіс күні – жан аямай елін қорғаған ержүрек батырларымызды еске алу күні. Асау уақыт тізгінін ауыздықтай алмайсың – жылдан-жылға адамзаттың басына алапат қасірет түсірген зұлмат соғыс туралы баяндайтын Ұлы Отан соғысы ардагерлерінің қатары арамызда азайып бара жатыр. болуға, ардагерлерге құрмет пен алғыс сезімдерін білдіруге мүмкіндік береді.
Іс-шара аясында ардагерлерге арналған Қазақстан Республикасының халық әртістерінің қатысуымен өтетін концерттік бағдарлама болады. Сондай-ақ, акцияға қолдау танытып демеушілік еткен серіктестердің атынан сыйлықтар табысталады: Виктор Александровский – Халықаралық экстрасенстар сайысының жүлдегері, «Бостан» ЖШС, «Gezaro» ЖК, «Ақсай нан» ЖШС, «Мagnum Cash & Carry», «Lemonadoff Food» ЖШС, «Алатау Құс» АҚ, «ZUGO HOME TEXTILE», «Өнер» баспасы, «VITA BOTTLERS ҚАЗАҚСТАН» ЖШС, ҚР Ұлттық Қауіпсіздік Комитетінің Шекара Қызметінің Академиясы.
 |
 |
 |
 |
 |
 |
Қазақстан Республикасы Орталық мемлекеттік музейі әл-Фараби атындағы Қазақ Ұлттық университетімен бірлесіп 2019 жылдың 26-27 сәуірінде «Ұлы даланың жеті қыры және Еуразия археологиясының көкейтесті мәселелері» тақырыбымен «ХІ Оразбаев оқулары» дәстүрлі халықаралық ғылыми-әдістемелік конференциясын өткізеді.
Абдулманап Медеуұлы Оразбаев – танымал ғалым, археолог, педагог, далалық археологиялық зерттеулер әдістемесінің қазіргі заманғы қазақстандық мектебінің, сонымен қатар Қазақ ұлттық университеті археология, этнология және музеология кафедрасының негізін қалаушылардың бірі. А.М. Оразбаевтың ғылыми қызметі өмір бойы қола дәуірі тайпаларының материалдық мәдениеті және ежелгі көшпелілер ескерткіштері тарихымен байланысты өтті. Ғылыми зерттеулерінің 45 жылы ішінде ол Солтүстік Қазақстан археологиялық экспедициясын басқарды (1954, 1960, 1961, 1964, 1965, 1967), Батыс Қазақстанда далалық іздеулермен айналысты (1968 г.). Академик Ә.Х. Марғұланмен бірлесіп 1957, 1961,1962, 1963, 1972, 1974 жж. Орталық Қазақстанда қазба жұмыстарын жүзеге асырды. Ол 1958, 1985–1988 жж. Шығыс Қазақстан, ал 1989-1990 жж. Семей археологиялық экспедицияларына басшылық жасады. А.М.Оразбаев Солтүстік Қазақстанның қола дәуірі ескерткіштерінің кезеңге бөлінуін әзірлеп шықты.Ол Андронов мәдениетінің дамуындағы үш кезеңді атап көрсетті: федоровтық, алакөлдік, сондай-ақ замараевтық. Бұлардың әрқайсысынан ол дербес, өзіндік мәдениетті көрді.
Конференцияда келесі бағыттар бойынша мәселелер талқылау жоспарлануда:
- Ежелгі және ортағасырлық Еуразия археологиясы;
- Аса көрнекті археологтар жөнінде естеліктер мен толғамдар;
- Археологиялық экспедициялардың дала материалдары;
- Археологиядағы қазіргі заманғы әдістер мен тәсілдемелер;
- Тарихи-мәдени мұраны зерттеу, сақтау, музеефикациялау әдістері;
- ЖОО-да археологияны оқытудағы жаңа тәсілдемелер мен инновациялық әдістер;
- Археологиядағы пәнаралық әдістер.
Конференция жұмысына отандық және шетелдік мамандар қатысады: археологтар, этнографтар, тарихшылар, мәдениеттанушылар, сонымен қатар музей ісінің мамандары мен ЖОО оқытушылары.
Конференцияның жұмыс тілдері – қазақ, ағылшын, орыс. ( «Таңбалы» мемлекеттік музей-қорығында 2019 ж. 27-сәуірде дала семинарын өткізу жоспарланған)
Өткізу орны: Қазақстан Республикасы Орталық Мемлекеттік музейінің кинозалы (Алматы қ., Самал-1 ы/а, 44-үй).
Конференцияға қатысушыларды тіркеу: 09.00 – 10.00.
«Өткеннің жаңғырған куәлары» көрмесінің ашылуы: 10.00.
Конференция жұмысының басталуы: 10.30
ҚР Мемлекеттік орталық музейі «Бахыт» сәндік-қолданбалы өнер орталығымен бірлесе отырып, 2019 жылдың 3-5 мамырында дәстүрлі Орталық-Азиялық «Жібек жолы» көрме-жәрмеңкесін өткізеді. Жәрмеңкеге Қазақстан, Өзбекстан, Қырғызстан, Тәжікстан, Түркменстан, Ресей, Моңғолия және Грузия елдерінің қолөнер шеберлері қатысады.
Ұлы Жібек Жолы – Шығыс пен Батыс елдерінің арасындағы халықаралық мәдени-экономикалық сауда-саттықты қалыптастырған тарихи жол болып табылады. Түрлі нақышы бар әйгілі базарға әлемнің түкпір-түкпірінен сатушылар да сатып алушылар да ағылып келетін болған. Сонау ертеден қалыптасқан сауда мәдениеті күні бүгінге дейін өз бояуын жоғалтқан емес.
Осы жолы жәрмеңкеге қатысушылар қала тұрғындары мен қала қонақтарының назарына үйге және тұрмысқа қажетті түрлі естелік сыйлықтарын: киімдер, зергерлік бұйымдар, музыка аспаптары, шығыс миниатюрасын, кілемдер, киіз және жібек бұйымдарын, тоқыма, мата заттары мен кестелер, тұмарлар, тері бұйымдарын ұсынбақ.
Іс-шара аясында: Қазақстан Республикасының Тұңғыш Президентінің «Ұлы даланың жеті қыры атты мақаласы негізінде «Art Bazar – Ұлы Жібек Жолы» атты студенттік жұмыстардың халықаралық байқауы сондай-ақ, шеберлік-сабақтары мен сәндік-қолданбалы өнер шеберлерінің ұйымдастыруымен өтетін лоторея ойындары.
Көрменің ашылуы 3 мамыр 2019 ж., сағ. 12.00
Көрме-жәрмеңкенің жұмыс уақыты: 3-5 мамыр 2019 ж., сағ. 9.00-18.00
Көрмеге кіру – ақылы
Қазақстан Республикасы Орталық мемлекеттік музейінде 2019 жылдың 5-сәуірінде «Археология және музейтанудың халықаралық практикасы» тақырыбы бойынша «VI Фараби оқулары шеңберінде Ботай мәдениеті және Орталық Азияның басқа да энеолиттік ескерткіштері» халықаралық ғылыми-практикалық конференциясының секциялық отырысы өтеді. Конференцияда қазіргі заманғы археологияның теориялық және әдістемелік аспектілері қарастырылады, Ботай қонысын халықаралық ғылыми зерттеудің нәтижелері талқыланады.
Шараның мақсаты: келушілерді Ботай мәдениетімен – дала өркениетінің матрицасымен және оның адамзат үшін тарихи маңызымен таныстыру.
Ботай қонысы – Солтүстік Қазақстан облысы Айыртау ауданының аумағында орналасқан энеолит дәуірінің (б.з. дейінгі 4-3 мыңжылдық) археологиялық ескерткіші. Ғалым-археолог В. Зайберттің пікірінше, «Ботай ашылған сәттен бастап қазақтардың және тұтастай алғанда дала халқының мәденигенезі басталады». Ботай мәдениеті жаңа, ат-көліктік дәуірге бастау салды. Ботай мәдениетінің табылған артефактілерінің көп бөлігі (250 000 бірліктен астам) Көкшетаудағы Солтүстік Қазақстан музейінде, сонымен қатар ҚР Орталық Мемлекеттік музейінің қорларында сақталуда.
Конференцияның жұмысына белгілі ғалым-археологтар, этнографтар, тарихшылар, мәдениеттанушылар, генетиктер, биологтар, сонымен қатар Қазақстанның ғана емес, жақын және алыс шетелдердің – Ұлыбритания, Ресей, Қытай, Литва, Германия және басқа да елдердің музей қызметкерлері мен ғалымдары қатысады.
Конференцияда баяндама жасайтындар: әл-Фараби атындағы ҚазҰУ «Археология және дала өркениеттері институты» ҒЗИ директоры, Германия археологиялық институтының мүше-корреспонденті - В.Ф.Зайберт; биология ғылымдарының докторы, Астана қ. Л. Гумилев атындағы ЕҰУ профессоры – М.Ж. Нұрышев; Эксетер университетінен - Айви Джей.Оуэнс, Элина Ананьевская, Алан К.Отрам; Вильнюс университетінен - Ингрида Чичюркайте, Элина Ананьевская; Қытайдың Хэнань университетінен - Минь Ран, Жаодонг Фэнг; Макс Планк атындағы адамзат тарихы туралы ғылым институтынан - Чунгвон Чжон, А. Имель, Ж. Краузе.
Модератор: ҚР Орталық музейінің директоры, проф. - Нұрсан Әлімбай.
Конференция шеңберінде Қазақстан Республикасы Орталық мемлекеттік музейінің археологиялық коллекциясы негізінде «Т.ғ.д. В.Ф. Зайберттің басшылығымен 2005-2006 жж. жасалған Солтүстік Қазақстан-Көкшетау археологиялық экспедициясының материалдары» атты көрме ұйымдастырылады. Көрмеге Ботай мәдениетінің 50-ден астам бірегей артефактілері қойылады. Экспонаттардың ішінде кременийден жасалған, 2 жағы өңделген ірі пышақтар, тегістелген және жылтыратылған тас балталар, найзалардың, жебелер мен дротиктердің ұштықтары, нақышталған саусақ бөліктері бар.
Өткізу орны: Қазақстан Республикасы Орталық Мемлекеттік музейінің кинозалы (Алматы қ., Самал-1 ықшам ауданы, 44-үй).
Конференцияның секциялық отырысы жұмысының басталуы: 15.00
