Қазақстан Республикасы Мемлекеттік орталық музейінде Балалар жылының аяқталуына арналған «ҰЛЫ ДАЛА ҰРПАҚТАРЫ» атты республикалық фестивалі өтті.

Фестивальдің салтанатты ашылуында Қазақстан Республикасы Мемлекеттік орталық музейінің директоры Рашида Ерімқызы өз жылы лебізін білдіріп қатысушы ұстаздарды алғыс хатпен марапаттады. Бейнелеу өнері бойынша ҚР Суретшілер одағының мүшесі, ҚР Еңбек сіңрген қайраткері, суретші Ақанаев Бейсебек Атабекұлы, Сәндік-қолданбалы өнер бойынша ҚР Қолөнершілер одағының мүшесі, ҚР Еңбек сіңірген қайраткері Рыскелді Мұсаев балаларды ГРАН-ПРИ жүлдегерлерімен марапаттады.

«Балалар жылының» жабылуына арналған фестиваль аясында Балалар музыкалық ұжымдарының «Фиеста» шоу-балеті, №5 оқушылар үйі, Алматы қаласы Оқушылар сарайы, К.Байсейітова атындағы дарынды балаларға арналған республикалық мамандандырылған музыкалық мектеп-интернатының қатысуымен балаларға арналған концерт ұйымдастырылды.

«Ұлы дала ұрпақтары» балалар шығармашылығының республикалық көрме-байқауының жеңімпаздары 16 оқушы әр түрлі жанрдан БЕЙНЕЛЕУ ӨНЕРІ БОЙЫНША Солтан Айнара, Солтан Санжар Алматы қаласы «Зердеш» зияткерлік мектебі, Ғалымжанқызы Ләйлім Алматы облысы, Балқаш ауданы, Д.А.Қонаев атындағы орта мектеп, Арыстанбек Асқар Жамбыл облысы, Шу қаласы, А.С. Макаренко орта мектебі, Сәлім Алсу «Зердеш» зияткерлік мектебі, Андреева Екатерина №199 мектеп, Михалевская Снежана Жамбыл облысы, Мойынқұм ауданы, Шығанақ орта мектебі, Ерлер Алмас Шымкент қаласы, Ә.Қастеев атындағы дизайн және өнер колледжі сондай-ақ СӘНДІК-ҚОЛДАНБАЛЫ ӨНЕР БОЙЫНША Ғаниқызы Аякөз Алматы облысы, Балқаш ауданы, Д.А.Қонаев атындағы орта мектеп, Медетбек Рамазан Алматы қаласы, Әуезов ауданы, №173 мектеп-лицейі, Муратбек Нурбах №199 мектеп, Афанасьев Тимур Алматы облысы, Талғар ауданы, №36 Алақай өнер мектебі, Елеуова Илана Алматы қаласы, №111 гимназия, Нұрахмет Амина Алматы қаласы №176 мектеп-гимназия оқушылары ГРАН ПРИ жүлдегерлерімен марапатталды.

Бұл күні балалар Н.Сац атындағы орыс Мемлекеттік академиялық балалар мен жасөспірімдер театрының «SATS ComUnity» балалар театралдық студиясының қойылымдарын («Алдар көсе» қойылымын) және Ж.Елебеков атындағы Республикалық Эстрада-цирк колледжінің студенттерінен қуыршақ театрын тамашалады.

Сонымен қатар, О.Таңсықбаев атындағы Алматы сәндік-қолданбалы өнер колледжінен және Алматы қаласының көркемсурет студияларынан, өнердің әртүрлі бағыттары бойынша шеберлік сабақтары ұйымдастырылды: кескіндеме, пластилинография, саз терапиясы және т.б.

2022 жылдың 25 қарашасында музей директоры Р.Е.Харипованың «МӘДЕНИ БІЛІМ БЕРУДІН ЖАҢА ҚЫЗМЕТІ» тақырыбындағы баяндамасымен басталған Республикалық семинар-тренинг қатысушыларына қорытынды дәрістер өтті. Келесі тақырыптар талқыланды:

«Музейдің мәдени-ағарту қызметінің кешенді нысандары. Музей маркетингінде қолданылатын заманауи технологиялар. Музейге келушілерді тартудың факторлары» (ҚР Орталық мемлекеттік музейінің мәдени-білім жұмысы бөлімінің меңгерушісі А. Кущенко жүргізді). Топтық жұмыс және іскерлік ойындар түрлері қолданылды – «Затты музей экспонатына айналдыру», «Келушілермен әмбебап байланыс», «Музей іс-шарасын ұйымдастыру: ресурстар мен тәуекелдер.

«Музей педагогикасы: теориялық және практикалық аспектілері» (Музей педагогикасы секторының меңгерушісі С. Баққұлова). Семинарға қатысушылар үшін «Жаңа мектеп музей» – «Ұлттық мұраны сақтау – болашаққа сый», «Музей өздеріңмен бірге», «Ерлікке тағзым – ардагерлерге  құрмет» атты музейлік-педагогикалық бағдарламалар мен әлеуметтік жобалар ұсынылды. Ерекше білім алуды қажет ететін балаларға арналған «Ұлы дала қызғалдақтары» атты көрмелік музейлік сабақ-шебер-класс өткізілді (өткізген З.Баянова).

Іс-шара қатысушыларға сертификаттар тапсырумен және республика музейлерімен,Дипломатиялық клубпен ынтымақтастық туралы меморандумдарға қол қоюмен аяқталды.

Қазақстан Республикасының Мемлекеттік орталық музейі «Бахыт» сәндік-қолданбалы өнер орталығы қоғамдық қорымен бірлесіп 2022 жыл 2-4 желтоқсан күндері ежелгі мәдени дәстүрді жалғастыра отырып, Орта Азия қолөнер шеберлерінің «ШЫҒЫС КЕРУЕНІ» атты кезекті көрме-жәрмеңкесін өткізеді.

Бәрімізге әйгілі Шығыс керуені халықаралық экономикалық және мәдени қарым-қатынастарды дамыту жолында үлкен рөл атқарды. Көңілді, түрлі-түсті шығыс базарына әр елден саудагерлер мен сатып алушылар асыға келіп, Қытайдың жібегі мен фарфорын, Үндістанның тәтті дәмдерін, Хорезмнің қышын, түрлі бейнелеу туындыларын тиімді бағада сату және сатып алу саудасын жүргізіп отырған. Осы ежелгі мәдени дәстүр бүгін де сәтті жалғасуда.

Қазақстанның әр аймағынан және Қырғызстан, Түркменстан, Өзбекстан елдерінен келген майталман шеберлер өз тауарларын: қолдан тоқылған жібек орамалдарын, экологиялық таза киізден, ағаштан оюлап жасаған, жібек жіптермен тоқылған кестелерін, қыштан жасалған, әдемі зергерлік бұйымдарын, киім-кешек, сазды аспаптарын, шығыс миниатюраларын, кілемдер мен сандықтарын ұсынады.

Көрме-жәрмеңке бірнеше мақсатты көздейді:

• Шеберлер арасында өзара тәжірибе алмастыру;
• Өз тауарларын сату арқылы қаржы жағдайын зерттеу;
• Сатып алушылармен қарым-қатынасты ұлғайту;
• Қолөнер шеберін дамыту;
• Мәдени қарым-қатынасты жақсарту.

Көрме-жәрмеңке алматылықтар мен Алматы қаласы қонақтарының асыға күтетін қызықты іс-шараларының бірі десе де болады. Осындай дәстүрлі де көне және заманауи қолөнер бұйымдарының көрме-жәрмеңкесі алматылықтар мен қонақтардың назарын өзіне тартады.

Көрме-жәрмеңке аясында қыш құюдан шеберлік-сабақтар көрсетіледі.

Сонымен қатар көрме-жәрмеңке аясында желтоқсанның 3 күні бірнеше конкурстардың лауреаты, Евразия дизайнерлер одағынының орденімен марапатталған, фурнитуралардан ұлттық әшекейлерді жасаумен айналысатын Қазақстандық қолөнер шебері Қасымбекова Бейбіткүлдің «Көркем зере» деп аталатын коллекциясынан дефиле көрсетіледі.

Көрме-жәрмеңкенің жұмыс уақыты: 2022 жыл 2-4 желтоқсан, сағат 9⁰⁰-ден 18⁰⁰-ге дейін.

Өткізетін орны: ҚР Мемлекеттік орталық музей (Самал-1 ықшам ауданы, 44 үй).

2022 жылдың 18-20 караша аралығында Алматы қаласы, Қазақстан Республикасы Мемлекеттік орталық музейінде «Шығыс Базары» атты халықаралық квилт-фестивалі өтеді.

Фестивальді ұйымдастырушы – «Қазақстанның құрақ құрау шеберлері бірлестігі», жетекшісі Штрошерер Тамара Бекмұратқызы. Бірлестіктің басты мақсаты – құрақ деп аталатын сәндік-қолданбалы өнерге негізделген көркем квилт бағытын дамыту, өзіндік қолтаңбасы бар қазақстандық шеберлердің еңбегін әлемдік деңгейде таныту.

«Шығыс Базары» квилт-фестивалі Қазақстан, Германия, Швейцария, Ресей, Қырғызстан және тағы басқа елдердің қолөнершілерін бір-бірімен жақын таныстырып, тәжірибе алмасуға мүмкіндік береді. Квилт-фестивалі жыл сайын ұйымдастырылады, 2022 жылы сегізінші рет өткізілмек. Қазіргі кезде өнердің бұл түріне деген қызығушылық артып, квилт өнерінің жанкүйерлері де көбейе түсті. Қатысушылар мен қонақтар мерекеге қатысып қана қоймай, тоқыма өнерінің шығармашылық әлемімен таныса алады.

Фестиваль бағдарламасында:

• «Джинс Inspiration» байқауы. Байқаудың тақырыбы қоршаған ортаны қорғау мен көне заттарды ұтымды пайдалануға байланысты болмақ. Өнер және сән саласының мамандары үш номинация бойынша сайысқа қатысқан 129 үміткердің арасынан жеңімпазды анықтайды. Фестиваль демеушісі «Тігін машина үйі» компаниясы әр номинация бойынша анықталған жеңімпаздарға бағалы сыйлықтар – bernette және VERITAS тігін машиналарын ұсынады. Ал фестивальдің бас демеушісі – BERNINA швейцариялық компаниясының өкілі гран-при сыйлығын табыстайды. Жұмысы үздік деп танылған шеберге премиум-класс тігін машинасы беріледі.
• Қазылар алқасы:
  • Тамара Штрошерер – неміс патчворк гильдиясының мүшесі, RIVIA компаниясының негізін қалаушы – Қазақстан, Өзбекстан және Қырғызстан (Германия) жеңіл өнеркәсіпке арналған әлемдік деңгейдегі жабдық өндірушілердің эксклюзивті дистрибюторы.
  • Гаухар Каппарова – әлемге әйгілі сәнді киім, аяқкиім және аксессуарлардың ірі дистрибюторы G&G компаниясының құрылтайшысы және бас директоры (Қазақстан).
  • Жания Аубакирова – Қазақ КСР халық әртісі, әдебиет және өнер саласындағы Қазақстан Республикасы Мемлекеттік сыйлығының лауреаты, Қазақ Ұлттық Консерваториясының экс-ректоры (Қазақстан).
  • Наталья Иванова – швейцариялық BERNINA компаниясының ТМД нарықтарындағы сату және маркетинг жөніндегі директоры (Ресей).
  • Галина Красникова – квилт-шебері, суретшілер одағының мүшесі, халықаралық квилт-фестивалдерінің бірнеше дүркін жүлдегері (Ресей)
  • Барбара Ланге – квилт-шебері, танымал «Patchwork Professional» журналының бас редакторы, «Patchwork Gilde Deutschland» экс-президенті (Германия).
  • Габи Фишер - квилт-шебері, «Freisinger Shnipsis» квилт-клубының қалаушысы (Германия)
  • Андрей Ткаченко – сәнгер, «Andres» брендінің және модельдік агенттігінің негізін қалаушы. Қаржы полиция қызметкерлерінің погондарының патентінің авторы, ол геральдикадағы көріністің ою-өрнек пен тігіншілігін тауып дамытқан (Қазақстан).
  • Баспасөз-конференция
  • Қазақстандық және шетелдік квилт-шеберлердің жұмыстарының көрмесі. Келушілер мен қонақтар халықаралық байқаулар, көрме мен фестиваль лауреаттары мен жеңімпаздарының жұмыстарын тамашалай алады.
  • Танымал сәнгерлердің топтамаларын көрсету. Белгілі шеберлер мен жас дизайнерлердің топтамасын Алматының ең сұлу қыздары «Алматы аруы - 2022» жобасының қатысушылары мен «Andres» модельдік агенттігінің модельдері көрсетеді.
  • Винсент Ван Гогтың көрнекті туындылары негізінде жасалған ресейлік квилтер Наталья Акимкинаның жұмыстарының көрмесі ашылады.  
  • Швейцариялық BERNINA фабрикасының премиум-класс тігін және кесте машиналарын көрсету.
  • Ағылшын тоқыма суретшісі Kaffe Fassett үлес қосқан, бүкіл әлем шеберлерін 60 жылдан астам уақыт бойы түрлі-түсті туындылармен шабыттандырған BERNINA тігін машиналарының бірегей сериясының тұсаукесері.
  • Келушілерге арналған шеберлік-сабақтар.
  • Эксклюзивті қолөнер бұйымдарының этно-жәрмеңкесі.
  • Керемет шоу-бағдарлама.

Әрбір келушінің бағалы сыйлық – швейцариялық кәдесыйлар, тіпті ТІГІН МАШИНАСЫН ұтып алуына мүмкіндігі бар.

Баспасөз мәслихаты 19 қараша күні сағат 10:00-де басталады. Мәслихатқа қазылар алқасының мүшелері, шараны ұйымдастырушылар және демеушілер қатысады.

Фестиваль 19 қараша күні салтанатты түрде ашылады. Ал байқау жеңімпаздарын марапаттау рәсімі 19 қараша күні сағат 11:30-17:00 аралығында өтеді.

Баспасөз мәслихаты мен шараның ашылу салтанаты Қазақстан Республикасы Мемлекеттік орталық музейі, Алматы қ., Самал-1 ықш. ауданы, 44-үй.

Сіздерді іс-шараға шақыра отырып, халықаралық фестиваль туралы ақпарат таратуларыңызды сұраймыз.

+7 705 543 1333 телефонына хабарласып немесе  This email address is being protected from spambots. You need JavaScript enabled to view it.  электрондық поштасы арқылы 14 қараша күні сағат 15-00-ге дейін тіркелуіңізді өтінеміз (БАҚ ақпараты мен өкілдердің аты-жөні).

Баспасөз конференциясы мен іс-шараның толық бағдарламасын тіркелгеннен кейін ала аласыз.

Біздің қолдаушыларымыз:

• Алматы қаласының әкімдігі
• Медеу ауданының әкімдігі
• Қазақстан Республикасы Мемлекеттік орталық музейі
• Мурат Серкебаевтың жетекшілігімен Алматы қаласы әкімінің концерттік оркестрі
• BERNINA International AG – BERNINA премиум-тұрмыстық тігін машиналарының әлемдік деңгейдегі өндірушісі, BERNINA және bernette брендтерінің иесі.

• CROWN Technics AG – әлемге әйгілі VERITAS тігін машиналарын шығаратын неміс өндірушісі.  
• Тігін машиналар үйі – BERNINA International AG (Швейцария) және CROWN Technics AG (Германия) Қазақстан, Өзбекстан және Қырғызтандағы ресми эксклюзивті дистрибюторы болып табылады.  
• «Тігін әлемі» инновациялық оқыту орталығы.

 Келушілерге кіру – ақылы (билеттерді музей кассасынан аласыздар).