Құрметті музей көрермендері!

Қазақстан Республикасының Мемлекеттік орталық музейінің негізгі алаңында жөндеу жұмыстары жүргізілуіне байланысты 26.08.2022 ж бастап музейге кіру сызбанұсқасын назарларыңызға ұсына отырып уақытша қолайсыздықтар үшін кешірім сұраймыз.

Ағымдағы жылдың 10 тамызында сағат 15.00-де Қазақстан Республикасы Мемлекеттік орталық музейі ҚР Жазушылар Одағымен бірлесіп, Абай күніне орай «Жүректің көзі ашылса...» атты әдеби-шығармашылық кеш өткізеді.

Абай күні – қазақтың ізгілік пен өркениет өріне басқан тағы да бір қайырлы қада­мы! Қазақстан Жазушылар одағы басқармасының ұсынысымен Мемлекет басшысы 10 тамызды, яғни, ұлы Абай Құнанбайұлының туған күнін «Абай күні» деп белгіледі. Әр жылы 10 тамыз – Абай күні болып мемлекеттік мерекелер күнтізбесіне енгізілді. Сондай-ақ жыл сайын халықтық мейрам ретінде аталып өтілетін болды.

Абайдың рухына тағзым ету – оның қағидатын ұстану, аманатына адал болу. Сонда ғана жас ұрпақтың санасына қастерлі құндылықтарды сіңіреміз.  Абай күні – қазақтардың мәдениеті, әдебиеті мен поэзиясы күні.

Абай күні – қазақ халқының рухы. Бұл күн біз үшін әрқашан қасиетті болуы керек, өйткені бұл ұлы поэзия күні. Келешек ұрпақ өз дүниетанымын Абай жырынан, Абай ілімінен табады. «Сен де бір кірпіш дүниеге, кетігін тап та бар қалан» деген ақын аманаты әр адамның жүрегіне ой салып келеді.

Іс-шара аясында Темірен театрының «Жүректің көзі ашылса...» атты моно-драмадан үзінді композициясы, талантты ақындар мен танымал әншілердің қатысумен ән-жыр шашу, сонымен қатар ҚР МОМ коллекциясынан «Ұлы даланың ұлы ақыны-Абай» шағын көрмесін тамашалай аласыздар. Келіңіздер, көріңіздер. Мөлдіреп аққан ұлылықтың бұлағынан сусындаңыздар!!

23 тамыз күні сағат 10.00-ден 15.00-ге дейін Қазақстан Республикасының Мемлекеттік орталық музейінде Спорт күніне орай Алматы қаласының мемлекеттік және жеке меншік жалпы білім беру мектептерінің, лицей және гимназия оқушылары арасында «МУЗЕЙ КУБОГЫ» ұлттық ойындары бойынша қалалық спорттық турнир өткізілді.

Іс-шараны Білім басқармасы «Қалалық дене шынықтыру және спорт оқу-тәжірибелі орталығы» директордың міндетін атқарушы Елемесов Бахтияр Асқарұлы ашып, оқушыларды Спорт күнімен құттықтап, өзінің жылы лебізіндерін білдірді.

Аталған іс-шараға ҚР Орталық музейі «Музей қорындағы кубоктар» экспозициясын дайындап, қатысушыларды 1982 жылы өткен халықаралық жарыстардағы біріншілігі үшін бокстан Еңбек сіңірген спорт шебері С. Қонақбаевтың кубогы; волейболдан КСРО-ның еңбек сіңірген жаттықтырушысы О. Жарылқановтың 1982 жылы өткен жарыстардағы біріншілігі үшін, Ш. Омаровқа тиесілі Қазақстан Республикасы футбол қауымдастығының Кубогы және т. б. таныстырылды.

«МУЗЕЙ КУБОГЫ» спорттық турнирі 7-16 жас аралығындағы балалар үшін «асық ату», «бес асық» «тоғызқұмалақ», «арқан тарту» ұлттық ойындары бойынша өтті. Турнир қатысушыларын Қазақстан Республикасы Мемлекеттік орталық музейі директоры Рашида Ерімқызы Харипова құттықтап, жарыс қорытындысы бойынша спорт секцияларының жеңімпаздары мен жаттықтырушыларына музейден кубоктар, медальдар мен дипломдар табыс етті. Іс – шараға Алматы қаласының 8 ауданынан 100-ден астам бала қатысты.

Қазақстан Республикасы Мемлекеттік орталық музейі 2022 жылдың 18 шілде күні сағат 15.00-де баршаңызды сәулетші, Қазақстан Суретшілер одағының мүшесі Тамара Волковамен шығармашылық кездесуге шақырады.

Тамара Владимировна Волкова – белгілі қазақ суретші кескіндемеші. Суретшінің үлкен тәжірибелік және шығармашылық тәжірибесі бар. Шебердің жұмысының нысандары табиғат, адамдар, сәулет құрылымдары, қаланың көрікті жерлері, фантастикалық бейнелер мен оқиғалар және т.б.

Тамара Владимировна – көп қырлы суретші, қызығушылықтары өте алуан түрлі еркін шығармашылқ тұлға. Суретші үнемі шығармашылық ізденісте, жаңа технологияларды әзірлеуге, жаңа материалдарды қолдануға, қалыптасқан канондарды (рамкалрды) өзгертуге қызығушылық танытады. Суретші өзінің ерекше техникасын жасады - «террапласт». Оның жасаған техникасы суреттің бетін байытуға және күрделендіруге, шарикті қалам арқылы кескіндемелердің жарықтығын арттыруға мүмкіндік береді.

Т.Волкова әртүрлі стильдер мен техникада жұмыс істейді: кенеп майлы бояу; пастель; темпера; гуашь; фрескалар; коллаждар; террапласт, ағашты оймыштау; макраме, папье-маше, ағаштан жасалған колөнер.     

Суретшінің әрбір жұмысы ерекше білімге ие және олардың әрқайсысы сымбаттылығымен, пішіндерінің толықтығымен, жарқын бейнелерімен және эксперименталдылығымен ерекшеленеді. Шығармаларды жасауға түрткі: естіген астарлы әңгіме, оқылған көркем мәтін, көрген телебағдарлама, тауға саяхат, т.б. Кейде ол армандағы түрлі-түсті бейнелерді кенепке ауыстырады, солай «Қарға», «Алтын жылан» пайда болды. Тамара Волкованың сүйікті тақырыптарының бірі – ол өз шығармаларында жеткізетін фантастикалық образда – «Құтха қарға», «Татша тағңы ас» шығармалары.

Суретші Тамара Волкова балаларға арналған «Қиял әлемі: өз ертегіңді жаса» атты шеберлік сабағын өткізеді.  

Шеберлік-сабаққа қатысу тегін.