ҚР МОМ 2006 жылы  «Музей түні» акциясын Қазақстанда өткізу ісін алғаш рет қолға алды және бүгінде оның үлгісімен қаламыздың және республикамыздың өзге де музейлері  бұл игі істі  жыл сайын өткізуді қолға алып келеді. «Халықаралық музейлер күні» қарсаңында, 2015 жылы 15 мамырда Қазақстан Республикасы Мемлекеттік Орталық музейі өзінің  «Музей түні» жобасының 10 жылдық мерейтойына арналған өзінің қонақтарына тарих пен мәдениет әлеміне ғажайып саяхаттар  ұсынатын, сағат 19.00-ден түн жарымына дейін өткізілетін «Музей түні» іс-шарасын  ұсынады. Қазақстан Республикасы Мемлекеттік Орталық музейінің ізгі дәстүріне айналған бұл іс-шараға жыл сайын  7000-нан астам адам келеді.

Биылғы жылдың «Музей түнінің» девизі – «Музейлер және қоғамның орнықты дамуы» (Museum for a sustainable society). «Музей түні» жобасының негізгі мақсаты –тарихи-мәдени мұраларға арналған бірегей шаралар мен бағдарламаларды ұйымдастыра отырып, еліміздің негізгі мәдени-білімнің ошағы және белсенді әлеуметтік-мәдени мекемесі болып табылатын музей саласына жұртшылықтың  назарын  аударту. Ұйымдастырушылар айрықша мерекелік көңіл-күй тудыратын «әркім Музейге баруы керек» деген қағиданы әрбір адам санасына ұялатуды өздерінің алдына міндет етіп қояды.

15 мамыр күні ҚР Мемлекеттік орталық музей келушілер назарына әр алуан түрлі мәдени-білім бағдарламасын  ұсынады. Жұртшылық бұл бағдарлама аясында өткізілетін негізгі шаралар – музейдің қор коллекцияларынан алынған тарихпен мәдениеттің бірегей және сирек заттары таныстырылатын мынадай 8 көрмені тамашалайды:  

• «ҚР МОМ қорындағы XIX-XX ғғ. самаурындар коллекциясы» көрмесі. Бұл  көрмеге «сауыт», «кубок», «рюмка», «цилиндр» сияқты түрлеріне дейінгі әр түрлі пішінді самаурындар қойылады. Ең құндысы - 30 литрлік ең үлкені самаурынға ағайынды  Шемариндердің сауда үйінің   маркасы қойылған. Сондай-ақ,  1825 жылы жасап шығарылған самаурын мен 1926 жылы Қарқаралы жәрмеңкесінен сатып алынған самаурын да ерекше назар аудартпақ. Осы көрме аясында музей қызметкерлері қазақ, орыс, және ұйғыр халықтарының шай ішу рәсімін көрсететін болады.
• Ұлы Отан соғысындағы Жеңістің 70 жылдығына арналған «Ер есімі ел есінде» атты көрме.  Көрмеде Қазақстанда жасақталған дивизия сарбаздарының құжаттары, жазба деректері, соғыс кезінде киген киімдері, Ұлы Отан соғысына қатысушылардың (Кеңес Одағының Батырлары, Даңқ орденінің иегерлерінің) фотосуреттері, Кеңес Одағының жау басып алған аудандарындағы (жау тылындағы) партизан қозғалысына қатысушы қазақстандықтар туралы алуан түрлі қызықты  материалдар орын алады.
• Қазақстан Ассамблея халқының 20 жылдығына арналған «Ынтымағы жарасқан біртұтас отбасы» атты көрме. Бұл көрмеде келушілерді татар, орыс, армян, корей, грек, неміс, күрд, украин, ұйғыр және тағы басқа жұрттардың  дәстүрлі мәдениетімен және тұрмысымен таныстырады. Экспозициялық кешенге біздің көп ұлтты елімізде тұратын әр түрлі диаспоралардың дәстүрлері мен әдет-ғұрыптарын сипаттайтын фотосуреттер, құжаттар, этнографиялық материалдар қойылған.
• «ҚР МОМ археологиялық коллекциясынан Қазақстан қола дәуірінде,  (б.з.д. XVIII – IX ғғ.) көрмесі. Көрмеде қола дәуірінің артефактілері – керамика, тау-кен ісі мен мыс қорыту өнімдері - қару-жарақ, жер өңдеу мен үй шаруашылығының құрал-жабдықтары, қару түрлері, ат әбзелдері, әшекейлік бұйымдар мен бойтұмарлар, сонымен қатар монументалды өнер – петроглифтертер қойылады.  Музей қызметкерлері қайта қалпына келтірген керамикалық ыдыстар ерекше қызығушылық тудырады.  Көрме әртүрлі жылдары қазба жұмыстарының нәтижесінде ҚР МОМ қорына алынған Ә.Х. Маргұлан, М.К. Қадырбаев, Ә.М.Оразбаев, Э.Усманова, Ж.Құрманкұлов сынды археологтардың  архелогиялық экспедицияларының материалдары негізінде құрылған.
• «Ислам мәдениетінің құндылықтары» атты көрме.  Мұнда  араб, парсы, түрік, шағатай, татар, өзбек, қазақ тілдеріндегі жарық көрген бірегей басылымдар сирек кездесетін қолжазбалар мен Құрандар, тәпсірлер, Мұхаммадия және Мұхтасар кітаптары, грамматикалық оқулықтар, сөздіктер, діни мазмұнды әртүрлі литографиялық баспа кітаптары, сондай-ақ, қазақ тілді (төте жазулы) қолжазбалар келушілер назарына ұсынылады.
• ҚР еңбек сіңірген сәулетшісі, КСРО Мемлекеттік сыйлығының лауреаты және Қазақстанның Мемлекеттік сыйлығының иегері, дизайнер, суретші, музыкант Арыстан Сайлаубайұлы Қайнарбаевтың көрмесі. Ол - "Медеу" мұз айдыны кешені, Алматы циркі,   М. Әуезов атындағы академиялық драма театры, Қ. Сәтбаев ескерткіші  және де  еліміздің өзге де тамаша құрылыстары мен ескерткіштері авторларының бірі.

Музей қонақтары сонымен қатар Қазақстанның  ХХ ғасырдың екінші жартысындағы ірі суретшілерінің бірі,  кескіндемеші Иван Стадничуктың (1913-2000 жж.) көрмесімен таныса алады. Суретші Қазақстанның бейнелеу өнерінің дамуына үлкен үлес қосқан өрмеге автордың 35-тен астам шығармасы (кескіндеме, акварель) ұсынылады.

ҚР МОМ-інің «Музей түнінде» алғаш рет жаратылыстану тарихы қорынан 3 зат – ХХ ғ. ортасында жоғалып кеткен Тұран жолбарысының терісі мен музейге 1929-30 жж. Алматы қаласының «Казкрайсоюзохота» музейі тапсырған Тянь-Шянь қара аюының терісі келушілер назарына ұсынылады.  Бүгінде Тұран жолбарыстары мен Тянь-Шяньның қоңыр аюы  Халықаралық Қызыл Кітапқа енгізілген.

Мерекеге келуші барша жұртшылыққа Қазақстанның ертедегі, ортағасырлық және қазіргі тарихымен таныстыратын музей залдары бойынша тегін шолу экскурсиялар ұйымдастырылады. Сондай-ақ мынадай қызықты интерактивті білім бағдарламалары күтіп тұр: «Қазақ этнографиясы» залында «Атауы мен қолданысы белгісіз заттар қандай мүліктер?» бағдарламасы өткізіледі, мұнда музей қонақтары этнографиялық заттың қолданыстық қызметін анықтауы тиіс. Ал музей археологтары «Қола дәуірінің мәдениеті мен тұрмысы» квест-бағдарламасын жалғастырады.  Музейдің деректану және қолжазбалар орталығы Иран мәдени орталығымен  (хас шеберлер Махмуд Хеммати және Анисе Бархокпен) және көркем жазу шебері Асылбек Орынбасаровпен бірлесіп өткізілетін араб құснихаты (каллиграфиясы) сабағына шақырады.

ҚР Қызыл Жарты ай қоғамы қонақтарға  «Туыс-бауырларды іздестіру  және отбасыоарын табыстыру», «Жол қозғалысы ережелері», «Жер сілкінісі кезінде өзіңді қалай ұстау керек?» атты арнайы акцияларды ұсынады және шай ішу рәсімін ұйымдастырады.

«Музей түні» шарасы аясында халық қолөнері бойынша мынадай шеберлік кластары ұйымдастырылатын болады. О. Таңсықбаев атындағы сәндік-қолданбалы өнер колледжі мен «Бахыт» сәндік-қолданбалы өнер орталығынан қыш, металл, ағаш, кесте, тоқыма, киіз басу, батик дайындау, зергерлік өнер бойынша, дәстүрлі қазақ музыкалық аспабы (домбыра) (шебер Мұса Әділ), «Ичикава» Жапон үйі мен Қазақ-Жапон адамды дамыту орталығынан  ұсынылатын  жапон каллиграфиясы, оригами, катагами, кендама бойынша, кескіндеме; 3-D мүсіншелері (жетекшісі Юлия Пицык), «Сенд-ПРО» студиясынан құммен сурет  салу, «Алматы барабандар жобасынан» барабандарда ойнауды үйрету шеберлік кластары өткізіліп, «Бірге туындылар жасаймыз» кескіндеме және сурет мектебі  қалаушыларды бір кеште картина салуға үйретеді.

«Сұлулық пен денсаулық әлемі» бағдарламасы: «Oriflame», «Mary Kay», «Faberlic», «Missha», «ALOE VERA», «Сибирское здоровье», «Асыл Арман», «Звенящие кедры», компанияларының косметикалық және сауықтыру өнімдерін таныстырады. Көрмеде «Sultano Studio», «Li –SadecoStudio», мыло «Вика» компанияларының  және басқалардың зергерлік өнерлі қолдан жасалған  әшекейлері, бижутерия мен керек-жарақтары көрсетіледі.

Мереке аясында О. Таңсықбаев атындағы сәндік-қолданбалы өнер колледжі мен Алматы  мемлекеттік сервис және технологиялар колледжі Этникалық коллекциялар («Көшпелілер кезеңі», «Ғасырлар қойнауынан сыр», жетекшілері З.Штифман, О. Сексенбаева)  және әсем шаш күтімдері сән дефилесін ұсынады.

 Музей мерекесінде келушілер назарына үлкен концерттік бағдарлама ұсынылады. Онда өнер көрсететіндер: ҚР халық және еңбек сіңірген артистері – Бибігүл Төлегенова, Лаки Кесоглу, Нұрғали Нүсіпжанов, Алтынбек Қоразбаев, Нұрлан Абдуллин, Тамара Асар, Мадина Садуақасова, әншілер Бахтияр Матназаров пен Мақсат Базарбаев, сондай-ақ, Қазақстан халықтары Ассамблеясының ютникалық-мәдени бірлестіктері өнерпаздары. Құрметті қонақтар арасында Музейді мерекесімен кинорежиссер, КСРО  және Қазақстанның  Халық артисі  Асанәлі Әшімов пен актер Фархад Абдраимов құттықтайды.

Думанды шараға қатысушыларды мынадай ғажайып шоу-бағдарламалар кұтіп тұр: диджей Умбертоның өнер көрсетілімі, «Алматы барабандар шоуы»,   «Danc Triada Tridal» би шоуы,  «Fire Sunset» отшашу шоу-жобасы;  «Диаманте» мерекелер агенттігі ұсынатын ағаш аяқпен жүрушілер шоуы мен  «Импульс» студиясының би сабақтарын тамашалауға асығыңыздар!

Бұдан өзге музей қонақтары «Алтын-Алма» мейрамханасының, сондай-ақ, «Мери Чай» және «Lemonadoff» компанияларының өнімдерімен таныса алады. Музей бұл күні «Шар-Дизайн» және «Тинки-Винки» компанияларының әсем шарларымен безендіріледі. 

«Музей түні» жобасына ақпараттық қолдау көрсеткендер: «КазИнформ», «Қазақ радиосы»,  «ТРК Казахстан», «ТРК Алматы», «ТРК Астана», «ТРК Хабар», «ТРК Білім және Мәдениет»,  «ТРК НТК», «СТВ»,  «7 канал» телеарналары, «Теленеделя», «Fashion Collection» журналдары,   «Я покупатель и собственник», «Алматы ақшамы», «Вечерний Алматы», «Алаш айнасы», «Түркістан», «Казахстанская Правда», «Время», «Аргументы и факты», «Караван», «Үш қоңыр» газеттері, Artparovoz, Карапуз.kz, Афиша.kz, Almatycityguide.kz  ақпараттық порталдары, сондай-ақ музейдің серіктестері – «Liberty» қоғамдық қоры, namba.kz,  «Творческие сезоны» компаниясы, «Бахыт» сәндік-қолданбалы өнер орталығы,   ЮНЕСКО-ның Алматы қаласындағы Кластерлік Бюросы.

Іс-шараның жүргізушілері –ҚР өнеріне еңбек сіңірген қайраткер, шоу-мен, Мұрат  Мұтұрғанов пен Ж.Елебеков атындағы Республикалық эстрадалық-цирк колледжінің студенттері.

Мерейтойлық мерекелік ғажайып «Музей түнін»  көрген де арманда, көрмеген де арманда! Бұл түні қонақтарды көптеген тосын сыйлар мен әр түрлі қызықты шаралар күтіп тұр! Музейге дәл түн жарымында келген қонаққа ҚР Мемлекеттік орталық музейінен арнайы сыйлық тапсырылады!

15 мамыр - кіру тегін. Мекен-жайымыз: «Самал-1» ықшам ауд.-ы, 44 -үй. Байланыс телефондары: 2644650, 2645577

Мемлекеттік орталық музей Сіздерді күтеді!