Қазақстан Республикасы Мемлекеттік Орталық музейі «Әділ сөз» Халықаралық сөз еркіндігін қорғау қорымен, IFEX Халықаралық сөз еркіндігі желісі, Алматыдағы ЮНЕСКО Кластерлік бюросы және Қазақстан Журналистер Одағымен серіктестікте бірлесе ұйымдастырған «Объективте – Әділ сөз» атты фотокөрме-байқауы 2016 жылдың 28 қыркүйегінде сағат 15.00-де ашылады.

28 қыркүйекте әлем бойынша тұңғыш рет Халықаралық Ақпараттарға жалпыға бірдей қолжетімділік үшін күрес күні (IDUAI) атап өтіледі. Бұл айтулы дата 2015 ж. Біріккен Ұлттар Ұйымы және ЮНЕСКО-ның мүше-мемлекеттері декларациясымен өмірге келді. Ол 1946 ж. БҰҰ-ның Бас Ассамблеясы қабылдаған 59 қарарында бекітілген пікірлерді білдіру еркіндігі құқының, сондай-ақ Адам құқықтарының жалпыға бірдей Декларациясының 19-бабында және Азаматтық және саяси құқықтар туралы Халықаралық пакттың 19-бабында белгіленген  құқықтардың ажыратылмас бөлігі болып табылады.

Бұл мереке ақпараттарды алмасып, әркім өзінің  ой-пікірі, сенім-көзқарастарын  білдіре алатын ізгі іс-шара. Осыған байланысты  «Әділ сөз» Халықаралық сөз еркіндігін қорғау қоры, Алматыдағы ЮНЕСКО кластерлік бюросы және Қазақстан Журналистер Одағымен  Германияның Қазақстандағы елшілігі және IFEX Халықаралық сөз еркіндігі желісінің қолдауымен «Шығармашылық  тұншығуы», «Газеттегі бірер суреттер үшін»,  «Жариялылық құпиялары»,  «Сот туралы сөз айтсаң…», «Абыроймен – адалдықпен»  номинациялары бойынша кәсіби білікті фотографтар мен журналистер арасында фотосуреттер көрме-байқауы ұйымдастырылып отыр. Келушілер назарына мына фотографтар мен журналистердің жұмыстары ұсынылады: Владимир Заикин (Алматы, «Время» газеті), Рауль Упоров (Орал, «Уральская неделя» газеті), Мәдина Әлімханова (Алматы, КазТАГ), Юрий Беккер (Алматы), Павел Энегельгардт  (Алматы, «Алматы» ТРК), Ризабек Исабеков (Павлодар, журналист, фотограф), Санат Урналиев (Орал, «Азаттық» радиосының БҚО-ындағы меншікті тілшісі), Владимир Третьяков (Алматы, «Капитал» іскерлер порталы), Андрей Свиридов (Алматы, КМБППЧиСЗ).

Байқаудың мақсаты – фотожурналистика ұстанымы тұрғысынан алғанда, ең қызықты және күрделі міндеттердің бірі саналатын деректі, саяси фотосуреттер жанрын дамыту және қолдау. Авторлар өз жұмыстарында журнлалистердің ақпараттарды алу кезінде кезігетін алаңдатарлық мәселелері және журналистік зертеудің қауіптілігі туралы әңгімелейді, сондай-ақ баспасөз еркіндігі жолында кездесетін басқа да кедергілер туралы баяндайды. Көрмеге байқауға қатысушылардың 80 жуық жұмыстары қойылған.

Көрменің салтанатты ашылуында байқау жеңімпаздарын сыйлықтармен және дипломдармен марапаттау рәсімі өтеді.  

Қазақстан Республикасы Мемлекеттік орталық музейіде Алматының 1000 жылдық мерекесі аясында 2016 жылдың 8 қыркүйегінде суретші, Президент және Мемлекеттік сыйлықтарының лауреаты (2010 ж., 2011 ж., 2012 ж.), "Alem Saniaz" Халықаралық фестивалінің I сыйлығының лауреаты (1995 ж.) және "Жігер" Халықаралық көрмесінің I сыйлығының иегері (1998 ж.) Назарқұлов Ерлан Суанбайұлымен   шығармашылық кездесу өтті.

Назарқұлов  Ерлан Суанбайұлы 1969 жылы Тараз қаласында дүниеге келді. О.Таңсықбаев атындағы көркемсурет училищесінің (1991 ж.) және Т.Жүргенов атындағы Өнер академиясының (1997 ж.) түлегі. Ол Өнер, теориялық және рухани даму орталығында шығармашылық жұмыстарымен айналысқан. 

Ерлан өз туындыларымен алматылықтарды 1993 жылы республикалық көрмеге қатысушы ретінде таныстырды

Автор өз өз ойын: «Өнер – уақыт кеңістігіндегі  мағыналық пайымды білдіреді; ол өткен шақтың, осы шақтың және келешетің жиынтық тоғысы. Картина – 3 өлшемдік бейнені көрсеткіші, жасырын, құпия бейне және кеңістік. Суретші әлемі - өзгеше әлем. Суретшінің қиялын өз мүмкіндігіне қарай  өз өнері өрісінде сонша бейнелей алады», - деп пайымдайды.

 Ерлан Назарқұлов өз шығармашылығында дедукция, индукция мен метафараны қолданады. Дедукция дегеніміз – таным, ойлаудың жалпыдан жалқыға, индукция – жекеден жалпыға ойлау тәсілі, метафора – танымға және түсініспеншілікке барар жол. Суретші Метафораға бойлай отырып, оны ішкі сезімдері арқылы өткізеді және мұны көрініс ретінде кенеп бетіне түсіреді: қиялы ішкі әлемнен кеңістікке көшеді. Яғни, нақтылықтан – абстрактілікке, материалдықтан – рухани әлемге көшеді. Мұндай тұрақты алмасымда адамның ақыл-ойының нәзіктігі ғана емес, мұндай алмасым шындықты ұғыну үшін де қажет.

Көрмеге автордың көзқарасын білдіретін этнографиялық сюжеттер, тарихи персонаждар, Қазақстанның әсем жерлері бейнеленетін 20 туындысы қойылады.

Ерлан Назарқұлов өзінің шығармашылық қызметінде 14 көрмеге қатысқан: Алматыдағы республикалық маңызы бар  көрмелер, солардың ішінде «Нұрлы жол» (2012 ж.) және Астанадағы - «Наурыз» (2008 ж.), «Art Nazarkul» ( 2012 ж.); халықаралық маңызы бар көрмелер - «Парад галерей» (1996 ж.), Эр-Рияда (2009 ж.), Қазан қаласында (2010 ж.), "Қазақстан - Франция" (2013 ж.), "Astana Art Fest" (2014 ж.), «От Лиссабона до Владивостока" (2016 ж.). Ерлан бірқатар жеке көрмелерін  «Ұлар» (Алматы қ., 1996, 1997 жж.) және "Astana Artline" (Астана қ.,, 2013 ж.) галереяларында өткізді. Оның жұмыстары жеке коллекцияларда: АҚШ, Канада, Германия, Дания, Нидерланды, Ұлыбритания, Түркия, Жапония, Оңтүстік Корея және Қазақстанда қойылды.  

Көрме 2016 жылдың 12 қыркүйегіне дейін жалғасады 

ҚР Мемлекеттік Орталық музейінде 2016 жылы 16 қыркүйекте, сағат 15.00-де  Қазақстан Республикасы Тәуелсіздігінің 25 жылдығына арналған «Халық қаһарманы, Еңбек ері» көрмесінің ашылуы өтеді.

«Халық қаһарманы», «Қазақстанның Еңбек Ері» атағы  – ең жоғары дәрежелi ерекшелiк белгiлер (11.04.1993 қабылданған «Қазақстан Республикасының мемлекеттiк наградалары туралы» Заңы).

Қазақстан Республикасы Тәуелсіздігінің 25 жылдығына арналған «Халық қаһарманы, Еңбек ері» көрмесінің негізін музейдің қор бөлімінде сақталған Б.Момышұлы, Б.Бейсекбаев, С.Нұрмағамбетов, Т.Әубәкіровтің жеке кешендерінен алынған фотоқұжаттар құрайды.

Көрменің мақсаты: «Халық қаһарманы», «Қазақстанның Еңбек Ері» атағымен марапатталған қазақстандық батырларды үлгі ете отырып, Қазақстанның Даңқ тарихын, еліміздің қалыптасу, даму және егемендік тарихын көрсету, жастардың өз елінің тарихына деген құрмет және отансүйгіштік сезімін қалыптастыру.

Тәуелсіздігіміздің 25 жылдығына арналған бұл көрме:

- Ұлы Отан соғысының ардагерлері;

- «Халық қаһарманы» - ғарышкерлер;

- «Халық қаһарманы», «Қазақстанның Еңбек Ері» мәдениет және ғылым қайраткерлері секілді бөлімдерден тұрады.

Б.Момышұлының 1981 жылы түскен соңғы фотопортреті, Қ.Қайсеновтің, Р.Қошқарбаевтың барлық марапаттары мен шерулік формадағы суреттері, өзге де соғыс және еңбек ардагерлерінің фотоқұжаттары көрмеде өз орнын тапқан.

Көрмеге қойылған Б. Бейсекбаевтың «Ресей Федерациясының Батыры» атағына берілген орден кітапшасы, марапат қағазы және 1998  жылы берілген «Халық қаһарманы» белгісі куәлігі айрықша көзге түседі. Музейге келушілер сынақшы-ғарышкер Т.Мұсабаевтың «Мир» орбиталық ұшу кешені бортында өткізілген ғылыми зерттеулер мен сынақтар бағдарламасы сынды тағы да басқа бейбіт күндерде ерлік істерімен ерекшеленген «Халық қаһарманы» атанған замандастарымыз туралы деректермен таныса алады.

Сондай-ақ аталмыш көрме музейге келушілерді «Қазақстанның Еңбек Ері» атағымен марапатталған Ә.Кекілбаев, О.Сүлейменов, Е.Рахмадиев секілді танымал әдебиет және өнер қайраткерлерімен де таныстырады.

Көрме ҚР Орталық Мемлекеттік музейінің №4 «Тәуелсіз Қазақстан» залында ұйымдастырылған.

Қазақстан Республикасы Мемлекеттік орталық музейі О.Таңсықбаев атындағы Алматы сәндік-қолданбалы өнер колледжімен бірлесіп, 2016 жылдың 7 қыркүйегінде сағат 15.00-де Алматының 1000 жылдығына арналған «Алматы-Art, Дәстүрлі ұлттық өнерді жаңғырту» атты студенттердің І Халықаралық фестиваль-байқауын және «Алматы және оның әлем мен Қазақстанның дамуына қосқан үлесі» тақырыбында І Халықаралық ғылыми-тәжірибелік конференциясын өткізеді.

Алматы – бұл еліміздің зияткерлік, ғылыми-білім беру және мәдени Орталығы. Мұнда Қазақстанның бейнелеу өнерінің негізгі мектептері дәстүрлі түрде қалыптасты. Олар қаланың мәдениеті мен өнерінің дамуына айтарлықтай ықпал жасады. Бүгінде Алматыда жыл сайын дәстүрлі мәдениет пен өнер фестивальдары, мерекелері өткізіліп тұрады. Онда мыңдаған шығармашыл жігерлі, жаңашыл ойлы  жандар жиналады.  «Алматы-Art, Дәстүрлі ұлттық өнерді жаңғырту» және «Алматы – 1000 жыл» атты байқауға  жоғарғы оқу орындар мен колледждердің басшылары, оқытушылар мен студенттер қатысады. Көрермендердің назарына жас суретшілердің Алматының қазіргі көркін (қаланың көркем жерлері, көрікті  орындары, тарих және мәдениет ескерткіштері, қаланың рәміздері, тарихи сюжеттері және т.с.с.) бейнелейтін жұмыстары ұсынылады. Фестиваль жастар мен дарынды суретшілерге өздерінің шығармашылықтарын одан әрі дамытуға, бүтіндей алғанда, бейнелеу  өнерінде жаңа идеяларды жүзеге асыруға мүмкіндік береді.

Фестиваль-көрменің мақсаты: дамушы қазіргі  заманғы  Алматы қаласының мәдени әртүрлілігін, жас суретшілердің шығармашылық қызметінің жаңа түрлерін және қазіргі заманғы бейнелеу өнеріндегі шығармашылық ізденістер бағыттарын таныстыру; Алматыға тән Қазақстан бейнелеу өнерін дәріптеу; өз жұмыстарын әр түрлі жанрларда -  кескіндеме  (живопись), графика, мүсін, гобелен, зергерлік әшекейлер, ағаштан ою ою, қыш,  өрнек сурет салу, кесте, киіз және т.б. жанрларында ұсынған жас суретшілерді қолдау және ынталандыру.

Фестиваль таланттардың жаңа есімдерін ашуға көмектеседі және жастарды музейде зор шығармашылық  мереке рухында ұйымдастырылып, өткізілетін әр алуан мәдени-білім жобаларына  қатысуға тартады; қала тұрғындары мен қонақтарын Алматы қаласының әр түрлі  тарихи даму кезеңдерін бейнелейтін жұмыстарымен таныстырады және Қазақстанның шығармашыл жастары үшін ынтымақтастыққа және тәжірибе алмасуға қолайлы жағдайлар тудырады.  

Фестиваль аясында: конференция, сәндік-қолданбалы өнер бойынша шеберлік сабақтары, өнер, мәдениет және білім саласындағы мәселелер қарастырылатын дөңгелек үстелдер өткізіледі. «Алматы-Art, Дәстүрлі ұлттық өнерді жаңғырту» және «Алматы – 1000 жыл» байқауына Қазақстан, Қырғызстан, Өзбекстанның жоғарғы оқу орындарының және колледждерінің басшылары, оқытушылары мен студенттері қатысады.

         Ғылыми-тәжірибелік конференцияның жұмыс уақыты сағат 10.00 ден 13.00-ге дейін.

 Көрме 2016 жылдың 20 қыркүйегіне дейін жалғасады.